BLOGGER TEMPLATES AND TWITTER BACKGROUNDS »

الجمعة، 11 ديسمبر، 2009

مش فارقه معايا

تحديث وسؤال رفيع
**************
هوا احنا هانقضى الماتشات المهمه كلها تعادلات علشان يفضل حب مصر من غير مشاكل؟؟:))
عموما ربنا يخليك يا علاء:))


اغنيه قديمه ليا

قرر محمد عدويه يعيدها للحياة من تانى

شكرا يا دعدع

وشكرا يابومصطفى ولو انى لسه مش طايقك:))

وبرضه مش هاشتغل تانى:)))



مش فارقه معايا ولا شعر طــــويـــــــــــل

ولا جسم جميل ولا لون العين مش فارقه

انـــــــا عــــايـــز واحــــدة تـفـهـمـنــــــى

ودمـــاغــهـــا كـبـيــــرة وعــــــاقــــلـــــه

الـشـكــل بـيـــروح لازم هــــايـــــــــــروح

وحــــــلاوة الـــــــــروح هـيــا الأبـــقــــى


وانا هاعمل ايه بعيون حلوين لكن باردين

ومـــــش حــــاســـيـــــــن بــــهـــــوايـــا

انـــا عـــايـــز واحـــدة بـنـظــرة عــيـــــن

تــعـــــــــرف انـــــا ايـــــــه جــــوايــــــا

اصـــل الـحـلــويــن فــى الـدنـيــا كـتـيـــــر

بس الطعمين حــاجــه مــش سـهـلـــــــه


محتاج لحنان مليان بأمان محتاج احساس

يـــوصــــل مـــن غـــيـــر مـــا يـــــدارى

مــاهــو كــلــه اتـــدارى ورا الألــــــــــوان

والــــــروح مــبــقـــــتش تـــــســــــاوى

بـس الـحـلـويــن بـيـكـونــوا حـــلــويـــــن

واهــــو كــلــه يـبــان وســط الــزنـقـــــه


د/عمرو فاروق.

22 التعليقات:

morgana يقول...

كلمات الاغنيه حلوه أوي
:)

ABOALI يقول...

كده يا دكترة
بعد لما علقت على بوست لما نفوق
واتفاعلت معاه قلبيا" وجدانيا"

الاقى التعليق بقى بح بح

وترد عليا بسرعة وتقول مش فارقة معايا

اه يا قاسى

خلى دعدع عدوية ينفعك

يااااااااكاسر قلوب المعلقين

شكلك انت عيونك حلوين بس اه منهم قاسيين مش باردين اكيد


تحياتى يا انسان

ريمان يقول...

طبعا حلاوه الروح هى اللى باقيه


تحياتى ليك يا دكتور

لولا وزهراء يقول...

ايه الجمال ده كله يا دكتور
فعلا جمال وحلاوة الروح هى اللى باقيه مش الشكل بس مش اى حد بيفهم كده
تحياتى يا دكتور

لاسع افندى يقول...

جميله كلمات الاغنيه وواقعيه جدا


تحيه لاسعه

واحده من الناس يقول...

زمااااااااااااااااان اوى
من ييجى اربع شهور
ههههههههههههه
سالت اخويا هو انهى يعيش اكتر جمال الروح ولا الشكل؟
قاللى على حسب
لو البت حلوه حلوه يبقا الشكل ولو نص نص يبقا نجاملها ونقولها جمال الروح
هههههههههههههه
انا فعلاشايفه ان جمال الروح ابقا
بس مين بيشوف كده يا عمونا دلوقتى

إبتسامة ملاك يقول...

بجد يا دكتور كلمات جميلة اوووووووووى

ياريت كل الشباب يفهمو ان حلاوة الروح هى اللى باقيه

بجد تسلم ايديك

تحيااتى
ايناس

Somaya Kamal El Din يقول...

حلوة اووووى كلمات الاغنية

وفيها معنى حلو

بس دلوقتى مبقاش فى كده

(Joudy) يقول...

جميلة يا دوك يارب الناس تفهم ان الحياة روح مش شكل

بس لو كده بقى الحلوين هما اللى هيعنسوا هههههههههههههه

دمت بكل الخير والسعادة

Pink Dreams يقول...

كلمات الاغنيه دى جامده مووووووووووت

دمت مبدع

وردشان smilyrose يقول...

جميلة يا دكتور

ومعلش عدوية ابننا بردة

ربنا يوفقك يارب

ابقى طمنى عليك وعلى النونو اللى جاى فى الطريق

أميرة الرومانسية يقول...

الله يا عمرو بجد كلماتك حلوة جدا
بس للاسف نادر اوي دلوقت اللي يدور علي اللي انت قلت عليه ده وجمال الروح والاحساس لان المعظم بيدور علي العيون الواسعة والملونة وجمال الشكل
اكيد حاجات كتير اوي هتفرق لو الكل دور علي جمال الروح والاحساس مش مجرد الشكل

صدى الصمت - عاشقة الورد - يقول...

كلمات جميلة قوى
مبروك على التعاون المشترك الجميل دة
تحياتى

جارة القمر يقول...

أنا لما بكون عايزة ألسع بب أسمع أغاني عدوية او اي أغنية شعبية واييييييييييييه

هههههههههههههه

حلوة الأغنية بس المهم المعنى اللي ورا الأغنية دي

الجوهر أهم من الشكل بس ياترى حنوصل لمعرفة الجوهر ازاي اذا ماحبيناش الشكل مشكلة صح؟
:)

مي يقول...

روووووووووووووووووعة نصفت الوحشين ههههههههههههههههه
ماشاء الله الكلمات جميلة والحب لما بيبجى بيبقى عشان الحب مش مهم الشكل
مبدع كالعادة

El_Tahan يقول...

والله عندك حق فى كل اللى بتقوله اصعب حاجه فى الدنيا الاختيار وخصوصا فى زمانا ده
حلوه الاغنيه بالرغم انى ماسمعتهاش بس انا بحب محمد عدويه
تحياتى

فيشة بنت كبس يقول...

soooooo nice:):)

ضحكات الحياة يقول...

لأ بجد الأغنية حلوة قوي

و كلماتها حلوة
و تنطبق فعلا على الأيام دي اللي احنا فيها

عاشت ايديك يا دكترة

salwa يقول...

السلام عليكم د.عمرو
عندما نحسن الاختيار نوفر على انفسنا الكثير من الصعاب
ادراج رائع
تسلم يدك
سلام

شموع دافئة تحت زخات المطر يقول...

السلام عليكم و رحمة الله و بركاته

كلمات جميلة
تصيب كبد الحقيقة

فلا جمال سوى جمال الروح
من يظل مدى الازمان يفوح
حين تضيع ملامح الانسان
ويظل ما كان يملا الوجدان
لكن من يعتبر

في حفظ الرحمن

لولا وزهراء يقول...

خلينا نقضيها تعادلات كده افضل لنا برضه
علشان نفضل اخوات وحبايب على طووووول
تقبل ارق التحايا

اقصوصه يقول...

حلوه الكلمات :)