BLOGGER TEMPLATES AND TWITTER BACKGROUNDS »

الخميس، ١٠ ديسمبر ٢٠٠٩

التليفون مش موجود بالخدمه


التليفون دا مش موجود بالخدمة

لما طلبته اخدت ف قلبى الصدمة


لحقتى تغيرى التلـيـفـون

عشان مـعـرفـش اوصلك

انا اللى كنت يوم مجنون

وكـنــت مـنــك اقــربـلــك


وفجأة بعدتى ونـسـيـتــى

وعشتى تانى حب جـديد

وقـلـبـك دا عـرف ينسى

ويفرح وهوا عنى بعيــد


حياتى ف لحظه بـعـتـيها

واشــواقــى نـسـيـتـيـهــا

وحتى الـنـمـرة غـيرتيها

وسـبـتـيـنـى وحــــيـــــــد


ليه بـعـدتى عن حـيـاتـى

وكنتى فيها اغلي حاجـه

ليه نـسـيـتـى تـضـحياتى

معدش هامك اى حاجــه


وليه خايفه تـواجـهـيـنى

وليه رافضه تجاوبـيـنـى

وليه ف ثانيه نسيـتـيـنى

وحـبـيـتـى وسـبـتـيـنــــى


خلاص امشى وفارقينى

وحبى تـانـى وانـسـيـنـى

هاعيش الدنيا من بعدك

وهــابـــدأ مـــن جـــديـــد


د/عمرو فاروق

25 التعليقات:

الفراغ يقول...

دا اسمه الشعر الحلمنتيشى يا دكتور
والله ريحتك
بس لذيذ وخفيف
عقبال مانسمع عن المولود القادم احلى شعر

رحلتنا في الحياة يقول...

مش بحب الخيانة اللى من نوع ده على الاقل المفروض يعنى انهم لما اتنين يتفترقوا يفترقوا وهما محترمين بعضهم
لكن بقى شئ عادى ان شخص يبعد ومن غير ما يكلف نفسه بشرح اسبابه لطرف التانى تسلم ايديك يادكتور

Remas يقول...

حلو الشعر وخفيف

بس خلاص لو هى فعلا مش عاوزه تكمل ومن غير اسباب يبئا مش تستاهل

لكن يمكن عندها ظروفها

لون الموبايل عاجبنى اوى على فكرة

اصلى بحب اللون دا اوى

غير معرف يقول...

اعتقد ان احيانا اختيار طرف للبعد بيكون صادم وغير مبرر واناني بحت

عاجبني الموبيل على فكره

تحياتي

خنين يقول...

جميل يا دكتور
تسلم ايدك
والموبايل تحفه انا بحب اللون ده

أميرة الرومانسية يقول...

بقت اسهل حاجة دلوقت ان اي طرف يغير نمرته عشان ينهي علاقة في حياته من غير حتي ان يكلف نفسه ويقول سبب البعد ده
عشان تبعد ابعد بس علي الاقل تشرح وتقول سبب اختيارك ده
وطالما هي باعدت بالسهولة ديه يبقي متستهلش انك تفتكرها
والاجمل انك هتبدأ من جديد
لانها اصلا مش تستاهل تبقي ماضي حتي
كلماتك جميلة كالعادة

غير معرف يقول...

ازيك يادكتور
وحشتنا جدا جدا والله
حلو اوى
كلامك
بس مش يمكن حصل ظروف خلتها تعمل كدا
او شكت فى حبك ليها
لا اكيد مش نسيت ولا فى يوم هتنسى لكن هتحاول تتناسى
وعمرها ماهتواجه لانها هتخاف تحن تانى
وبعديييييييييين
من حبنا حبناه وصار متعنا متاعه ومن كرهنا كرهناه يحرم علينا اجتماعه زى مابقولوا كدا هههه

المهم حضرتك عامل ايه يارب تكون فاكرنى
:):)
يلا نقول برضو
دموع القمر مرت من هنا

ريمان يقول...

الله


جميله اوى يا دكتور تسلم الايادى

لــــ زهــــــراء ــــولا يقول...

احلى حاجه عجبتنى يا دكتور هى اخر جمله انك هتبدأ من جديد
جميل ان الانسان يبدأ من جديد
على الاقل مش يبص للخلف
هو احنا نقدر نطلق على التجربه دى انها خيانه
للاسف فى ناس تحمل قولب من حجر ربنا يكفينا ويكفيك الشر

عاوزين حاجه حلوه بقى عن مشاعر دكتور منتظر ابنه او بنته ربنا يكرمك ويرزقك بالخير كله
تقبل ارق التحايا والامنيات

e_emy يقول...

محدش عارف هى فعلا حبت حد جديد
ولا مجبورة تحب حد جديد

بس ميمنعش برضه انها غلطانه
هتبعد او حتى فجأه اكتشفت انها غلط
لالالازم تقووول

واهم حاجه انه هيبدأ يعيش من جديد
واكيد اكيد هتبقى حياه احسن ان شاء الله
حررررررررررررررررية D:

واخيراا
رائع جدااا

واعتزار ع الغيبة الطويله دى
:)

وردشان smilyrose يقول...

ازيك يا دكتور

شو اخبارك يارب تكون بخير

ياعم الحج مغلق غير متاح


مش مشكلة رحلت وبعدت عادى

هتعيش وهتكمل المشوار

الحب مش كلام ولا وعود

الحب صدق ملوش حدود

يعنى بعدت خلاص كسبت قلبك

اسلوبك جميل قوى يا دكتور

غير معرف يقول...

خلاص امشى وفارقينى

وحبى تـانـى وانـسـيـنـى

هاعيش الدنيا من بعدك

وهــابـــدأ مـــن جـــديـــد




صح الحياه مش بتقف على حد

blue-wave يقول...

الفراغ
******
هوا دا اسمه اغنيه لايت مش شعر حلمنتيشى:)
نورتينى

blue-wave يقول...

احاسيس ايوشه
************
للأسف دى بقت حقيقه
تحياتى

blue-wave يقول...

reem
*****
أتفضليه مايغلاش عليكى:)

blue-wave يقول...

فتاة من الصعيد
***************
ليس احيانا
ولكن غالبا
او دائما
تحياتى

blue-wave يقول...

حنين
****
تسلميلى يارب

blue-wave يقول...

اميرة الرومانسيه
****************
اللى يوقف حياته علشان حد
يبقى ضعيف ويستاهل
تحياتى

blue-wave يقول...

غير معرف( دموع القمر)
**********************
والله ليكى وحشه كبيررررررة اوىىىىىىى
ازيك عامله ايه؟؟؟
طمنينى عليكى بليز

blue-wave يقول...

ريمان
*****
ميرسى
ربنا يكرمك

blue-wave يقول...

لولا وزهراء
**********
اهى دى الحاجه الوحيدة اللى مش هاعرف اكتب عنها:)))
تحياتى

blue-wave يقول...

e_emy
******
اخيرا؟:))
والله ليكى وحشه كبيرة جدا جدا
ازيك وعامله ايه؟؟؟
مبسوط انك مريتى من هنا

blue-wave يقول...

وردشان
*******
اختى الرائعه
عامله ايه؟؟
معاكى حق فعلا
يلا المركب اللى تودى:))

blue-wave يقول...

7aneen
*******
أكيد

SHAPE YOUR LIFE (ABOALI) يقول...

اه منك انت يا دكترة
ظلمت البنية
طب ابعت ليها نجدة مادام التليفون مش فى الخدمة
شغل ليها خدمة التتبع وعندك جوجل ايرس تتصل بيه

اهو علشان ده كله سبتك وراحت تشوف سنترال تانى
معلش بقى اوعى تبقى انانى
وان كان رصيدك خلص
اوعى تكتب تانى
بس حبة كلام ليهم مزاج عالى
تحية ليك ومعرفش حبك ليه فى قلبى غالى


تحياتى ابقى رد على التلفون
ترن ترن
ترن ترن