BLOGGER TEMPLATES AND TWITTER BACKGROUNDS »

الاثنين، ٢١ ديسمبر ٢٠٠٩

عيد جوازنا

تحديث
****
ورجعت الغردقه تانى:))
بس المرادى مع حبيبى لاب توبى:))



مـش هاقولك انى بعشق لون عــنــيــكى

ولا هـاقــولك انــى دايــب بـيـن ايـديـكــى

ولا هاقول انى بموت لو غبتى عــنـــــى

ولا انك انتى دنيتى وبخاف عـــلـيــكـــــى


مش هاقولك كل همسه وانـتــى جـنــبى

خارجــه تــحلــف انـهـا زعلانــه مــنــــى

لأنـهــا كــان نـفـسـهــا تـفـضـــل معاكى

ولـمـا خـرجــت مـنـى كــــان الذنب ذنبـى


مش هــاقـولك انــى مــاصـدقــت انـــــك

قولتى كلمه عشت عمرى اتمنى انـــــــك

تـنـطـقـيـهـا واحـســهـا واسـمـعها مـنـك

لـمــا قـولـتـيــلــى بـحـبـك عـشـت لـيــكـى


انا بس جاى علشان اقولك كلمه واحدة

ربـنــا يـخـلـيـكـى لـيـا يـا احـلـى واحـــــدة

شـوفـتـهـا فـى حـيـاتى هيــا مرة واحدة

خــدنــى قــلــبــك شــدنــى لـقـــيتنى بحبـك


اوعى تبعدى عـنـى ثـانـيـه مـهــما كان

امـلــى كــل حـيـاتــى بـالـحــب اللى كـــــان

احلى حاجه جـمـّعــت بـيــنــا زمـــــــان

واتعاهدنا نعيش وقـلـبى ف حـضـــن قلبـك


والنهاردة يا حبيبتى ف عيد جوازنــــا

جـاى اقـولك كـلـمـه تـســوى سنين حياتنـا

بـعـشـقــك واتـمـنـى لـو تـكـمــل حياتنا

وانتى عايشه ما بين ايدين قلبى اللى حبك


د/عمرو فاروق.

91 التعليقات:

(Joudy) يقول...

يارب أكون أول تعليق

(Joudy) يقول...

فعلا الحمد لله ألف مبرووووووووووك يادوك إنت أخ عزيز جدا فى عيلتنا ولازم نفرح لفرحك ربنا يبارك لكم فى حياتكم ويوفقكم يارب وديما السعادة تعم عليكم وبالخير تتملى حياتكم يارب

دمت بكل الخير والسعادة

ريمان يقول...

كل سنه وانتوا طيبين ومع بعض متهنيين

ربنا يباركلكم يا رب

وردشان smilyrose يقول...

السلام عليكم

ازيك يا دكتور

اخبارك عقبال اليوبيل الماسى يارب

وربنا يسعدك دايما

وتحتفل بعيد جوازك القادم

مع ولى العهد ان شاء الله

ربنا يجيبه بالسلامة عاوزة ابقى عمه بقى

romansy يقول...

الله الله
اللهم لا حسد
والله كلام جميل
يا دكتور بخر المدونه

الفراغ يقول...

عيد سعيد
وعقبال 100 سنه حب
الف مبروك

ليس فقيرا من يحب يقول...

بسم الله ما شاء الله

ربنا يباركلكم فى بعض ويحرسكم

وبعد كام شهر باذن الله رانيا تشرف

كلمات رائعه يا دكتورنا

ربنا يديم عليك نعمته ويسعدكم دايما

SHAPE YOUR LIFE (ABOALI) يقول...

الله الله الله

ايه يا عم الاحاسيس الجميلة دى

ربنا ان شاء الله يجعلها لك نورا وضياء ودليلا الى جنات العلا

وبالفعل كلمات راقية احيك عليها

مي يقول...

الله ايه الجمال ده ماشاء الله ولاحول ولا قوة الا بالله
كل سنة وانتوا بالف خير وربنا يديم عليكوا السعادة والفرح والسنة الجاية النونو يكون وسطيكوا
اللهم امين

تحياتى لحضرتك

لــــ زهــــــراء ــــولا يقول...

ياااااااااااااارب
تفضلوا مع بعض فى سعاده وهنا وان شاء الله يحفظكم ويفرح قلبكم ويسعد ايامكم مع بعض
ياااااااااااااااااااارب
بجد الكلام الحلو اوى اوى
ربنا يفرح قلبك ويسعد ايامك وتشوف كل الخير والهنا والسعاده يا اجدع دكتور عمر فى الدنيا كلها

زهراء

donya يقول...

مساء الخير

كل عيد جواز وانتم متهنين

تحياتي

لــــ زهــــــراء ــــولا يقول...

دكتور عمر
بسم الله ما شاء الله
ربنا يبارك لكم فى بعض ويرزقكم الذريه التى تقر عيونكم وتفرح قلبكم
فين بقى التورته والجاتوه والحاجه الساقعه اقصد النسكافيه والشاى والحاجات دى كلها
على العموم احنا فى انتظار الحمص عن قريب
كل لحظه وانتم بعض فى هنا وسعاده وخير وحب
يااااااااااااااارب

لولا

السر يقول...

يا بختها ..

مبروووووووووووووووووووووووووووووك

كتيرررررررررررررررررررررررررررررر

دمتم بكل ود وسعادة وحب وهناء وحنان ولميس ونور هههههههههه.

غير معرف يقول...

كل عيد جواز وانتو طيبين

يارب ماتتحرموا من بعض ابدا يا دكتور
ربنا يخليكوا لبعض

مرايتى يقول...

ربنا يحفظكوا ويبارك فى حياتكوا وزريتكم اللهم أمين وعقبال ما تكملوا مع بعض الخمسين قصدى خمسين سنه زواج

Remas يقول...

كل عيد جواز وانتم طيبين

ربنا يهنيكم ببعض يارب

ويفرحكم بوصول البيبي بالسلامة ان شاء الله

♥نبع الغرام♥♪≈ يقول...

ربنا يسعدك انت وهى يارب ويكرمك خير
وبجد كلمات فى قمة الروعة


تحياتى

morgana يقول...

ما شاء الله
شكلكو زي القمر
ربنا يخليكو لبعض
كل عيد جواز وانتو طيبين ومع بعض دايما:)

بسمه عبدالباسط يقول...

كل سنه وأنتوا طيبين وعقبال عيد الجواز المليون

blue-wave يقول...

joudy
******
ميرسى يا جودى
ربنا يكرمك يارب

blue-wave يقول...

ريمان
*****
ميرسى ليكى

blue-wave يقول...

وردشان
*******
يا سلام بس كدا؟؟؟
من عنيا:))
7 شهور بس وتبقى عمه يا ستى ان شاء الله
بس اوعى تضربيه:))

blue-wave يقول...

romancy
********
هوا انت ماشمتش ريحة البخور؟:))

blue-wave يقول...

الفراغ
*******
الله يبارك فى حضرتك

blue-wave يقول...

ليس فقيرا من يحب
**************
اول ما تيجى رانيا
هاخنقها بسببك:))

blue-wave يقول...

aboali
******
ربنا يخليك يا باشا
ومايحرمنيش منك ابدا

blue-wave يقول...

مى
***
امين يا ميوش
ايوة كدا دعواتك

blue-wave يقول...

زهراء
*****
بجد مش عرف اقولك ايه على كمية المشاعر الصادقه دى كلها
بس على فكرة انا اسمى عمرو مش عمر:))

blue-wave يقول...

donya
*****
ميرسى ليكى

blue-wave يقول...

لولا
****
التورته عند بتاع التورته:))
وايه حكاية الحمص دى؟؟؟

blue-wave يقول...

السر
*****
ههههههههههههههههههههه
ميرسى
اة صحيح انتى وديتى مدونتك فين؟؟؟

blue-wave يقول...

7annen
*******
ميرسى يا حنين
ربنا يكرمك

blue-wave يقول...

مدونتى اسمها مرايتى
*****************
مش كتير خمسين؟:))

blue-wave يقول...

reem
*****
امين يارب

blue-wave يقول...

ابتسامة ملاك
*************
كدا بس؟؟؟
من غير نكش ولا لماضه؟؟
تبقى مش ايناس:((

blue-wave يقول...

morgana
********
اهو انتى اللى زى القمر:))
نورتينى

blue-wave يقول...

bos bos
********
امين يارب
تحياتى

لــــ زهــــــراء ــــولا يقول...

بجد بجد
سورى
ااسفه جدا جدا
انى قولت اسمك عمر بدلا من عمرو
رغم ان اسم عمرو غالى عليا جدا جدا لانه اسم اقرب صديق ليا وعلى طووول
اقوله عمور الامور
سورى يا عموووور
بجد مش عارفه اعتذر لك ازاى
اسف بجد والله
بالنسبه لموضوع الحمص اللى قالته لولا
ان شاء الله لما البيبى يوصل بالف مليون سلامه يبقى فيه سبوع وهى عاوزه حمص من السبوع هى طمعانه بس عاوزه تورته دلوقتى وحمص من السبوع

اسفه بجد يا عمرو
تقبل اعتذارى ولى فى اى طلبتا انا تحت امرك علشان تقبل اعتذارى

زهراء

Asmaa mahaba يقول...

ربنا يخليكم لبعض يا رب

мαησηα يقول...

اوبااااااااااااا عندى تأخير

معلش معلش بس كويس انى لحقت نفسى

استنى بقه

لووووووووووووووووووولوووووووووووووووووووووووووووووووووى

احلى زغروطة ف احلى مناسبة

كل سنة وانتوا طيبين يارب وبخير

وف سعادة وحب قول امين ياراجل

ربنا يخليكوا لبعض يارب وعقبال

اليوبيل الماسى واجى ازغرطلوكوا بردو

ههههههه

د.عمرو تخلى حبيبتك ف عنيك وعارف لو

زعلتها انت حر وراها رجالة خلى بالك

هههههههههههه

sweet angel يقول...

كل عيد جواز وانتم مع بعض

والسنه الجايه

يبقى معاكم عزووول كتكوت صغنون

طوبه فضه وطوبه دهب يقول...

ربنا يبارك لكم فى حياتكم يارب وتبقى كلها حب فى حب ويرزقك الذريه الصالحه وتملوا المدونه كلها سرنجات صغيره يووووووووووه اقصد دكاتره صغننه واحنا قاعدين على باب المدونه لحد السبوع ما ورناش حاجه

e_emy يقول...

اللـــــــــه

ماشاء الله القصيدة جميلة جداا جداا

وكل عيد جواز وانتم طيببين وف سعادة دايما ياااااااااارب (:

غير معرف يقول...

ماشاء الله عليكم

كل سنة وانتوا طيبين وربنا يخليكم لبعض

كلماتك روووووووووعة

ربنا يهنيكم ويسعدكم ويديم المحبة بينكم يارب

Unknown يقول...

بسم الله ما شاء الله
بسرعة كده فاتت سنّة
يارب يديم عليكم السعادة
والهنا والرضا ويشرف الصغير
بالسلامة وتزيد الدنيا نور

غير معرف يقول...

ربنا يجمعكم دايما على خير

تحياتي

فراشة يقول...

انا شكلى كده اخر من يعلم
ومكسوفه جدا جدا
بس على كل حال الف الف مليون مبرررررررررررررررررررررروك يا دكتور ربنا يجعل ايامكم كلها سعادة يارب
اسفه قوى على التأخير

أميرة الرومانسية يقول...

الله يا عمرو بجد احساس فوق الروعة بجد
كلامك مليان احاسيس ومشاعر رقيقة جدااااا
ربنا يجمعكم دائما علي كل الحب وسعادة وفرح ويرزقكم بالذرية الصالحة اللي تكمل فرحكم دائما

blue-wave يقول...

زهراء
******
ايه كل دا؟؟؟
انتى كبرتى الموضوع ليه كدا يا بنتى
دا هزار مش اكتر:))
انتى اخت غاليه ومستحيل يكون ما بيننا زعل
تحياتى

blue-wave يقول...

سومه
*****
دعواتك يا حجه:))

blue-wave يقول...

mnoon
******
هههههههههههههههههههه
عارف عارف
ربنا يستر:)))

blue-wave يقول...

sweet angel
************
أمين يارب
نورتى

blue-wave يقول...

طوبة فضه وطوبه ذهب
********************
اوبااااااااا
هيا وصلت للسرنجات:)))
وبعدين يلا هانرش ميه بقى:))

blue-wave يقول...

e_emy
*******
ميرسى ليكى
ربنا يكرمك

blue-wave يقول...

نوارة
******
ربنا يسمع منك يارب:))

blue-wave يقول...

norhaty
********
اة والله
الأيام بتجرى
ربنا يباركلك يارب

blue-wave يقول...

فتاة من الصعيد
**************
امين يارب
منورة

blue-wave يقول...

فراشه
*****
والله كنت بقول انتى فين كل دا:)
يلا هاعديها المرادى علشان انتى غاليه بس:))

blue-wave يقول...

اميرة الرومانسيه
****************
ربنا يكرمك ويباركلك ويسعدك يا رب

غير معرف يقول...

ربنا يسعدكم ويكرمكم يارب
ويرزقكم بذريه صالحه تقر بها اعينكم


وربنا يرزق شبابا وبنات المسلمين بالزوج والزوجه الصالحه والذريه الصالحه يارب



بجد ماشاء الله لاقوه الا بالله

دعاء العطار يقول...

عيد جواز سعيد ويااااارب دايما كده بتحبوا بعض

وربنا يخليكم لبعض ومايحرمكوش من بعض ابداااااا

شفـقــة و إحســــان يقول...

كده برضوا يا دكتور تعملها من غير ما تعزمنا
بس واللهى برافو عليك انا فرحتلك اوى
مبررررررررررررررررررررررررروك
وربنا يحفظكم ويتملكم على خير
شفقة

عاشقه وغلبانه يقول...

هو انت بقالك سنه متجوز...؟؟؟؟
بجد يعني ولا هزار
ولا انا اللي مسطوله ومش حاسه بالايام؟؟

حنين الذكريات يقول...

كل اللى بيعلقوا مخدوش بالهم انك اعلنت زواجك من 6شهور تقريبا
والقصيده دى اتنشرت من قبل لما كانت المدونه اسمها كلام من القلب
كل ماأزور مدونتك اشوف المجمالات الزايده حتى النفاق

salwa يقول...

السلام عليكم د.عمرو
الله يهنيكم و يوفقكم و يجمعكم ببعض دنيا وآخرة
اطيب التمنيات
سلام

kochia يقول...

كل سنة وانتم بكل خير
وحياتكم كلها سعادة

Unknown يقول...

ياااااااه دي الايام بتجري بسرعه قوي
كل سنه وانتم يارب في سعاده وهنا
و زعبله افندي يشرف على خير

صدى الصمت - عاشقة الورد - يقول...

ربنا يسعدكم ويهنيكم وعقبال 100 سنة جواز وسعادة وحب
تحياتى

ملتقى الأقلام الحرة يقول...

السلام عليكم و رحمة الله وبركاته

أسعد الله أوقاتك بكل محبة و خير

صباح ,, مساء

نحن في إدارة ملتقى الأقلام الحرة ..

يسعدنا دعوتك لنلتقي بك بيننا أخا ً و صديقا ً لأسرة الملتقى

شاركونا بنبض قلمك العطر و لو بهمسه !

لزيارة الملتقى على رابط //
www.alaglamal7orh.com/vb

أهــــــلا ً و ســـــهـلا ً بـــكـ ... *

نتمنى لك قضاء أسعد الأوقات بصحبتنا حيث المتعة و الفائدة معا ً

دمت القلب النابض للحياة


الإدارة العامة ..

غير معرف يقول...

congratulation

blue-wave يقول...

غير معرف
***********
تسلملى يارب
نورت

blue-wave يقول...

doddo
*******
امين يارب

blue-wave يقول...

شفقه
*****
مانا مرضتش اشمت احسان فيا:))

blue-wave يقول...

عاشقه وغلبانه
**************
الإجابه رقم 3:))

blue-wave يقول...

حنين الذكريات
***************
انا فعلا اعلنت من 6 شهور
لكن كنت متجوز فعليا من قبلها ب 6 شهور لكن ظروف انى عملت حادثه بعد زواجى ب خمس ايام منعنى من الإعلان وقتها
وكون الأغنيه قديمه انا مش كاتب اغانى مناسبات
انا بكتب اللى بحس بيه بس
والأغنيه مناسبه للموقف ولا ايه رأيك؟؟
اما بالنسبه للمجاملات فليس من حقك تقييم اصدقائى وزوار مدونتى
اهلا بك ضيفا وزائرا ومنتقدا لى اذا شئت ولكن
ليس لضيوفى
تحياتى

blue-wave يقول...

salwa
******
ربنا يكرمك يارب

blue-wave يقول...

kochia
*******
ميرسى ليكى

blue-wave يقول...

لماضه
******
ادعيله يا عمه:))

blue-wave يقول...

صدى الصمت
**********
ربنا يكرمك يارب

blue-wave يقول...

حماتى قنبله ذريه
*****************
ميرسى

Unknown يقول...

كل سنة وانت طيب

نهر الحب يقول...

بجد رائعة قوى والأروع الاحساس اللى فيها.

يارب دايما أيامكم تبقى مليانة حب ووفاء وصدق ومشاعر حلوة ولحظات جميلة.

ويارب عقبال 100 سنة مع بعض دايما ويرزقكم ربنا بالذرية الصالحة.

اللهم أمين

كل سنة وانتما بخير دائم.

خالص احترامى

نهر الحب

noon kiko يقول...

ربنا مايحرمكم من بعض يااااااااااارب
وكل سنه وانتو طيبين
:)

blue-wave يقول...

العيسوى الصغير
***************
وانت بالف خير

blue-wave يقول...

نهر الحب
********
بجد ميرسى اوى على كلامك الرائع دا
تحياتى

blue-wave يقول...

واحدة من الناس
***************
تسلميلى يا قمر:))

أميرة الرومانسية يقول...

الغردقة تاني المهم ترجع بألف سلامة يا دكتور
والاهم بقا انك معاك الاب توب عشان نقدر نطمن عليك

هيفاء عبده يقول...

ماشاءالله تبارك الله
الف مبروك
وعقبال 100 سنه
تمنياتي لك بحياة سعيدة

دعاء عويضه يقول...

الف الف مبروك يا دكتور
و بجد ما شاء الله ربنا يخليكم لبعض

و كل سنة و حضرتك و المدام طيبين و بالف خير

د. مونى يقول...

الف مبروك يادكتور
مش على عيد الجواز
لالالالالالالا
على الجواز نفسه اصلى لسه عارفة دلوقتى وبصراحة مش مصدقة
هو ده حصل امتى؟؟؟؟!!!!!
هو يعنى انا اغيب سنة واحدة بس
بس
يحصل كل ده؟
تطلق كلام من القلب والاقيك بتحتفل بعيد جوازك كمان؟؟؟
طيب
ماشى كل سنة وانت طيب وعقبال 100000000000000000 سنة
واسفة لتأخيرى التهنئة
الف الف مبروك

mimi يقول...

معقول ؟ عدت سنة بالسرعة دي؟

ربنا يسعد أيامك ويخلي ملهمتك بجوارك للأبد
وكها شهور وتكتبلنا عن ولي العهد الدكتور الصغير

كل سنة وأنت بألف خير يارب