BLOGGER TEMPLATES AND TWITTER BACKGROUNDS »

الثلاثاء، ٣١ أغسطس ٢٠١٠

وفات النص يا رمضان



وفات النص يا رمضان

ولسه فينا ناس ناسيه

ولسه فينا ناس قاسيه

وفينا ناس محستهاش


وفات النص يا رمضان

ولسه فينا ناس تبعد

وناس مع نفسها بتعند

وفينا ناس ماركعتهاش


وفات النص يا رمضان

وفينا لسه ناس صايمه

لكن لسه النفوس عايمه

وذل التقوى ماوصلهاش


وفات النص يا رمضان

وفينا لسه ناس قايمه

لكن وسط القيام نايمه

خشوع النفس لسه مجاش


وفات النص يا رمضان

وبرنامج ورا مسلسل

عشان كدا تبقى متسلسل

مع البيبسى مع الجلاش


وفات النص يا رمضان

ولسه الناس مع الياميش

لكن تقوى دى ماتلاقيش

ولسه الجاى هايبقى بلاش


وفات النص يا رمضان

وفينا لسه ناس غافله

وفينا لسه ناس قافله

مصاحف لسه دورها مجاش


وفات النص يا رمضان

ياترى ممكن نفوق تانى

نركز فى النص التانى

دا رمضان خيرة ما يخلاش


د/عمرو فاروق.

الثلاثاء، ١٠ أغسطس ٢٠١٠

رمضان كريم


رحـمه مـن رب العباد

جت لنا فى نفس المعاد

حتى لو كنا بعاد

فرصه نرجع تانى ليه


مغفرة وجنه ونعيم

والكلام دا فى الصميم

فرصه ترجع تستقيم

ترجع لربك تانى فيه


تضمن الجنه برضاة

تعمل ايه لو مش معاة

ليه هاتفضل فى العصاة

والكريم مادد ايديه


فرصه جاتلك بين ايديك

فرصه تحفظها بعنيك

ربنا القادر عليك

ادهالك سهله عليه


صوم وصلى وادعى ربك

خلى حبه جوة قلبك

واعبدة حق العبادة

ونور ايمانك هاتلاقيه

د/عمرو فاروق.

السبت، ٧ أغسطس ٢٠١٠

انا اسف


انـا اســف لأنــــى بــجـــــــــد

كـــــنــــــــت انـــــــــانـــــــــــــــــــى

وانا دلوقتى خدت جـزائـــــى

أعـــــــــيــــــــــش وحـــــــدانــــــــى


ليه انا اخـتـارتـك حـبـيـبتـــى

ومـــاســبــتــكــيــش تـخـتــــــــارى

ليه فـضـلـــت كـــل مــــــــرة

اشـــكـــيــــلــــــك مــــــــــــــــــرارى


ليالى كتيرة خدتنى الحيــــرة

وبــســأل نـفـسـى لـيـه رافـضــانى

ليالى تعدى عـلـيـا وقـلـبــــى

فضل مش فـاهـم لـيــه بـيـعــانــــى


غصب عنى عشقت قـلـبـــك

بــس قــلــبــك كـــــان لــغــيـــــرى

قلبى كان يـتـمـنـى قـربــــــك

واشـتـيـاقــى قـتــــل ضـمــــيــــــرى


بـس مـش ذنــبـك لأنــــــــك

مــن الـبـــدايـــه بـعـدتـــى عـنـــــى

وبرضه مش ذنبى لأنــــــى

حــبــى جــــوايــــــا مــــلــــكـــنــــى


هوا دا نصيبنا وقــدرنـــــــا

الــفـــراق كــــان فــى انـتـظــارنـــا

ايوا هاخد قـلـبـى مـنـــــــك

وانـتـى عـيـشـى ف حـــب تــانــــى


د/عمرو فاروق.

الاثنين، ٢ أغسطس ٢٠١٠

وبقيت اب




والله وبقيت اب يا عمرو يا فاروق.

الثلاثاء، ١٥ يونيو ٢٠١٠

صدقت نفسى


وحشتونى جدا يا اجمل عيله فى الدنيا

معلش غيابى طول شويه بس ادينى راجعلكم باغنيه جديدة يارب تعجبكم

هاتسمعوها قريب بصوت مطرب جديد اسمه محمد الصاوى


صدقت نفسى وقولت من غيرك هاعيش

قــولت السنين بتنسى اللى مايتنســـــيش

والبعد صعب عليا بس فى اوله


كان قلبى خايف من فــراقـــــك اد ايـــه

حاولت اقول غير اللى كنت بحس بيـــه

بس الكلام كان صعب حتى اكمله


حـبـى لـيـــك مـانــتـهـاش جـوايــــــــا

فـــــات كــتــير وانـــت لـسه مــعايـــــا

جــــرح قـلـبـــى مـكـنــــش كــفــايـــه

وقـــلـــبـــــــــى اتحـــــــــمـــــــلــــــه


كان لازم انسى انـى يــوم فـــكرت فيك

وانسى كمان كل اللى بيفكرنى بــيـــــــك

بس ايه اللى ف ايديا اعمله


من يوم غيابك عنى بتالم وامــــــــوت

وبـتـعـب اكـتــر كـــل مــــــا الأيام تفوت

حضنك وحشنى وغصب عنى اشتقتله


حـبــى لـيــك مـانـتـهــاش جـوايــــــا

فــــات كــتـــير وانـــت لـســه مــعـايا

جــرح قـلـبـــى مـكـنـــــش كـفــايـــه

وقـلبــــــــــــــــــى اتــحمله


د/عمرو فاروق.