BLOGGER TEMPLATES AND TWITTER BACKGROUNDS »

الاثنين، 28 ديسمبر، 2009

مصدومه

عارف انه غلط انى انشر كلمات الأغنيه قبل مرور شهرين على الألبوم
وان عقدى فيه شرط جزائى
لكن مقدرش مقولش ان اليسا غنت الاغنيه دى من كلماتى
واللى يحصل يحصل بقى

بيقول فى حقى كلام كتير مش حلو لـيــــه

بيقول ماليش لازمه فى حياته من النـهــــــــاردة

وعشان ماهوش عارف يقول بغلط فى ايه

بيقول تعب منى عـشــان مـشـاعــــرى بــــــاردة

لو فيا عيب مش عيب يقول للناس عليــه

ويحاكى فيه ماهو مش صغير عـــل الــكـــــلام دا


مصدومه بجد ومش بنطق ولا عارفه ارد

مصدومه عشان شكله فى عينى بقى مش ولابـــد

لو طول الوقت هانــتـكـلــم علــى بـــعض

هانخلــى ايــه للــغــرب عــــشــان يـحـــكوا فـيـــه


ازاى بينسى عشانه ياما عمـــــلت ايـــــه

بــعــــد امــا كــل حاجــه حــلــوة عـرفـهـا بـيــــا

معقول بقيت دلوقت مش حلوة ف عـنــيه

معقول كــمــــــان كــــل الـعـبـــر طـلـعـهــا فـيـــا

بـالـخـيـر انـا مـن يـومى بـتـكـلـم عـلـيــه

وهايـخـسـر ايـــه لــو بـالـخـيــر اتـكـلــم عــلـيــا


د/عمرو فاروق.

89 التعليقات:

السر يقول...

حلوة أوي ..

وفي الحقيقة ما عدش فيه حاجة الغُرب ما حكوش فيها !!! خليهم يحكوا ما عدتش تفرق.

donya يقول...

صباح الخير
حلوه الكلمات اوي

وهي مصدومه ليه
ماكله بقي كده

تحياتي

فتاه من الصعيد يقول...

اليسا واو

الف مبروك وربنا معاك

اكيد كلماتك جميله .... اصلا اليسا اختياراتها رائعه

تحياتي

مي يقول...

بجد رووووووووووووووووووعة انا حبتها جدا وبسمعها اكتر من مرة
ابداعك متميز يادكتورنا فعلالالالالالالالالالالا
تحياتى والف مبروك

dramaqueen يقول...

الاغنية حلوة اوى اوى يا دكتور

ربنا يوفقك دايما

فراشة يقول...

الاغنية اصلا حلوة قوى يا دكتور
وبجد لما عرفت انها من كلماتك اتبسطت جدا
انشاء الله تكون احسن اغنية فى الالبوم
تحياتى لك يا دكتور

واحد من الناس يقول...

مصدومه بجد ومش بنطق ولا عارفه ارد

مصدومه عشان شكله فى عينى بقى مش ولابـــد
جميله يادكتور والله على الموسيقى فى الشعر
تحياتى

لولا وزهراء يقول...

دكتور عمرو
سبحان الله انا لسه امبارح باقول هو عمووووور مش بيكتب حاجه جديده
لاقيت البسوت الحلو اوى انت عارف انه من محاسن الصدف انى اسمع الاغنيه دلوقتى
بجد اول اغنيه لفتت نظرى فى الالبوم
بصراحه يعنى تسلم ايدك على الكلام تحفه بجد
حلوه اوى انك تعبر عن مشاعر انثى والاجمل انك واقف معاها ضد الرجل
انت عارف ان الرجل اللى بتتكلم عنه اليسا واطى اوى ازاى بقعد يقول كلام مش حلو فى حقها
ياااااااااااااااااه احسنت بجد
تسلم الايادى وفرحانه بجد ان ليا اخ مشاعر جميله اوى كده
تقبل كل امنياتى لك بالسعاده والتوفيق فى كل خطوه من خطوات حياتك

زهراء

لولا وزهراء يقول...

دكتور عمرو واليسا يبقى شغل جامد جدا جدا
مشاعر الاغنيه عاليه اوى بصراحه كده اول ما شوفت اسماء الاغانى فى الالبوم لفت نظرى اسم الاغنيه مصدومه قولت ربنا يستر هو الواحد ناقص صدمات
لما سمعتها عجبتنى الفكره

" ما هو مش صغير على الكلام ده "

جمله دى تحفه بجد ما هى المشكله انه مش صغير لانه لو كان طفل كان الموضوع عدى بسهوله ويسر لكن المشكله انه كبير
تسلم ايديك يارب من تألق الى تألق على الدوام

لـــــــــــولا

momken يقول...

روعه يا دكتور

انا حسيتها مكتوبه اكتر كمان

الكلمات حلوزة اوى
وطبعا اليسا محدش يختلف عليها

مع تمنياتى بمزيد من النجاح


تحياتى

e_emy يقول...

مبرووووووووووووك (:

الاغنية جميلة جداااااااااا

ربنا يوفقك ياااااارب (:

dodoo يقول...

كلماتك جمييييييله اووووى

الف مبروووووووك

للامام دااااائماً

blue-wave يقول...

السر
*****
ههههههههههههه
فعلا معاكى حق
تحياتى لتشريفك

blue-wave يقول...

DONYA
******
ايه بس النظرة التشاؤميه دى؟؟؟
ربنا مع الكل بقى

blue-wave يقول...

فتاة من الصعيد
***************
شوفتى بقى؟؟؟
من دلوقت دخول المدونه هنا هايبقى بفلوس:))

blue-wave يقول...

مى
***
ميرسى يا اجمل اسم غالى عليا:))

blue-wave يقول...

drama queen
************
والله انتى اجمل
نورتينى

blue-wave يقول...

فراشه
******
ميرسى يا فراشتى
ربنا يكرمك

blue-wave يقول...

واحد من الناس
**************
ميرسى يا باشا
ربنا يكرمك

blue-wave يقول...

زهراء
******
تصدقى ان كلماتك فى التعليق بتخلينى ادمع؟؟؟؟
بجد والله حاسس كأننا نعرف بعض من زمان اوى
ربنا يخليكى ليا

blue-wave يقول...

لولا
****
والله يا جماعه الكلام دا كتير اوى عليا
ربنا يخليكى بجد يا اجمل اخت

blue-wave يقول...

momken
*******
ممكن باشا عندنا؟؟؟
يا مرحبا يا مرحبا:))
نورتنى بعد غياب يا بطل

blue-wave يقول...

e emy
*******
الله يبارك فيكى يا قمر

blue-wave يقول...

doddo
******
ميرسى ليكى

Mona يقول...

ياسبحان الله ياعمرو أمبارح أبنى كان بيقول لى أحلى أغنية فى الشريط ده هى مصدومة أسمعى كده كلماتها - لدرجة أنى ناديته دلوقت وقلت له مين كاتب كلمات الاغنية قال لى واحد أسمه عمرو فاروق قلت له طيب تعالى كده - وقال لى قولى له بالحرف أبنى (عنده 19 سنة) من أشد المعجبين بكلمات الاغنية - وها أنا أنقل لك أعجابه وأعجابى وربنا يوفقك دائما يارب -

أميرة الرومانسية يقول...

عارف يا عمرو اصعب احساس انك تكون بتعامل حد بكل اخلاص وتتفأجي انك بيتكلم عنك بكل سوء والاصعب بقا ان ده يحصل من اقرب الناس لك مع حبيبك ياااااااااااااااااه بجد يا عمرو ده الموت بعينه
بجد كلماتك وصلت الاحساس جداااااااااااااااااا
بجد انت رائع

لولا وزهراء يقول...

عموووووووور
مهما قولت عنك والله مش كفايه وبعدين انا مافيش حد من اصحابى غير لما قولت له انى اعرف دكتور عمرو فاروق اللى كتب اغنية مصدومه مافيش حد عاوز يصدقنى اقولهم يا جماعه ده صديقى واخويا كمان ماحدش صدقنى اعمل فيهم يا عمووووووور

بجد كل الكلام مش كتير عليك ربنا يوفقك ويفرح قلبك ويسعد ايامك وتشوف كل السعاده والهنا والله العظيم دى دعوات من قلبى

زهراء

blue-wave يقول...

mona
*****
انقليله شكرى وخالص تقديرى
وبجد مش عارف اشكركم ازاى
تحياتى

blue-wave يقول...

اميرة الرومانسيه
******************
مش محتاج اعلق على كلامك
ربنا يخليكى ليا

blue-wave يقول...

زهراء
*****
قوليلهم والله دى كلماته
وفيه غيرة كتير بيكتبوا بس لسه فى الضل
ياريت لو تقدرى تضيفى ايميلى اللى مكتوب تحت دا
تحياتى

ريمان يقول...

ده ايه الشغل الجامد ده


مبروووووووووك الف الف مبرووووووووووووك

ليس فقيرا من يحب يقول...

وشوفت اليسا وش لوش كده يا دكتورنا

يعنى حقيقى حقيقى ههههههههههههههههه

ربنا يكرمك يارب

قبل ما اعرف انها كلمات حضرتك اخويا

امبارح بيقولى مصدومه اجمد اغنيه فى

الشريط اتارى دكتورنا اللى كاتبها

تسلم ايديك

والف الف مبروووووووووووووووك

ليس فقيرا من يحب يقول...

نسيت اسئلك وصلت لاليسا ازاى يا عم

يمكن انافسك بعد كده

غير معرف يقول...

دكتور عمرو ازيك
في حاجة لقيتها وكنت عاوزة تفسير منك ليها
كلمات الاغنية ديه في اغلب مواقع الاغاني منسوبة لنادر عبد الله
وكمان نازل علي السي دي علي مواقع النت اسم المؤلف نادر عبد الله
ياريت نعرف مين صاحبها بجد
وشكرا
بالتوفيق ان شاء الله

حنين يقول...

ازيك يا دكتور عمر
كلمات جميله تسلم ايدك
وكل سنه وانت طيب بمناسبه
عيد جوازك معلش متاخره
لان الكمبيوتر كان عطلان
وما عرفتش اهنيك بالاخبار
السعيده ربنا يخليكو لبعض
وتفرحوا بقدوم عتريس

blue-wave يقول...

ريمان
******
ميرسى
ربنا يبارك فيكى

blue-wave يقول...

ليس فقيرا من يحب
*****************
ههههههههههههههههههه
الله يبارك فيكى
وموضوع اليسا مش انا اللى بوصلها
انتى عارفه انى متعاقد مع روتانا وهيا اللى بتعرض الأغانى على المطربين بتوعها
وبعدها بتخطرنا بالموافقه
ويلا يا مرحب بالمنافسه:))

blue-wave يقول...

غير معرف
*********
اولا اهلا بيكى هنا
ثانيا اسمحيلى اصدعك شويه واشرحلك نظام شركات الإنتاج زى روتانا
الشركات دى بتتعاقد مع عدد من كتاب الأغانى الصغيرين وتاخد منهم الأغانى باسعار معينه
وتديها لكتاب مشهورين ياخدوا الأغانى دى ويعدلوا فيها او يسيبوها زى ما هيا حسب رغبتهم وتنزل فى الألبومات باسماءهم بحجه ان الأسماء دى هيا اللى بتخلى الألبوم يوزع لأنها اسماء مشهورة
والكتاب الصغيرين اللى زى حالاتى بيرضوا بالوضع دا على امل انه يكون وضع مؤقت لحد ما ياخدوا فرصه واسماؤهم تنزل ويشتهروا
اتمنى اكون وضحت ليكى الحقيقه
نورتينى

blue-wave يقول...

حنين
*****
ولا يهمك
المهم انك نورتينى
تحياتى

لولا وزهراء يقول...

هو فين ايميلك ده يا عمووووووووور
انا مش شوفت حاجه او تقدر تقول النت بيغلس شويه ومش عارفه اشوف اى حاجه
فى انتظارك ايميلك

زهراء

blue-wave يقول...

batnawy81@yahoo.com
دا ايميلى

بـــــسمة انـــــــــور يقول...

بجد يسلم قلمك

روعه بجد

مبروووووووك ي دكتور

ABOALI يقول...

يااااااااعينى يا عينى

وصلنا لاليسا ومين عارف نانسى بقى ونعجرم ونقول احلى كلام يا مان

مافيش حاجة علشان الضرايب العقارية

نفسنا حاجة كده تقر فيها اعين المحبين فى الغالى علينا كلنا بطرس غالى

فكر كده
وماليش دعوة بيك


بس احساس احساس

جارة القمر يقول...

اوووووووووووووووووه


بجد فنان

الكلمات تحفة

والأغنية واللحن


انا بجد اللي مصدومة

بس انت تستاهل كل خير


رائعة من روائعك

لا لا

هي مش رائعة وبس

بجد انت موهبة وانا مش عارفة اقول ايه

مش لاقية كلام يوفيك حقك

لولا وزهراء يقول...

تمت الاضافه يا دكتور

د. موني يقول...

وااااااااااو
بجد تحفة كالعادة
وحشتنى يا عموووور
بقالى سنة؟؟ ولا أكتر؟؟
طبعا تلاقيك مش هتفتكر
بس ايه اللى جرى؟؟
فين كلام من القلب؟؟
اغيب عنك سنة واحدة بس يحصل كل ده؟؟
على العموم انا فعلا كنت مفتقداكم جدا والحمدلله انا رجعت
ورينى بقى هتحتفل بيا ازاى
وعلى فكرة .... الأغنية حلوة اوى اوى
فاكر اغنية حماقى؟؟
شفت بقى دعواتنا ليك؟؟
عشرة جنيه بقى لو سمحت

(Joudy) يقول...

هو إحنا لسه هنعرفك يادوك الله بجد عليك انت بترسم إحساس ناس كتييير يسلم إحساسك

دمت بكل الخير والسعادة

غير معرف يقول...

اولا يا دكتور معلش لو كنت تقلت عليك او ازعجتك بسؤالي
بس السؤال كان نابع من احترامي لشخصك
وتصديقي لكل حرف بتنزله عندك
بس بجد حرام اللي بيحصل
انا عارفة ازي حد يكتب كلام جميل وبيتعب فيه اد ايه
وينزل بأسم حد تاني
ان شاء الله قريب جدا حنلاقي اسمك منور في بوسترات والبومات اكبر نجوم الدنيا
بتمنالك التوفيق
وشكرااااااااا للرد وللتوضيح
ربنا يوفقك دايما
سلام

blue-wave يقول...

بسمة انور
**********
ميرسى ليكى
نورتينى بجد

blue-wave يقول...

aboali
********
نداله نداله يعنى:))
نورتنى يابو على
يا نصير الغلابه:))

blue-wave يقول...

جارة القمر
************
كل الكلام الحلو دا عشانى انا؟؟؟؟
كتير جدا عليا والله
ربنا يخليكى ويكرمك

blue-wave يقول...

زهراء
******
تسلميلى ويارب تكون معرفة خير

blue-wave يقول...

د.مونى
*******
يااااااااااااااااااااااة
مش مصدق
والله والله ليكى وحشه من هنا لحد القاهرة:))
اصلى انا فى الغردقه:))
وحشانى جدا جدا جدا
فينك يابنتى كل دا؟؟؟؟
الف مليون حمدالله على السلامه

blue-wave يقول...

joudy
******
ربنا يخليكى ليا ويخليلى احساسك وكلامك الحلو

blue-wave يقول...

غير معرف
*********
خالص خالص والله
بالعكس
انتى نورتينى ونورتى المدونه كلها
وربنا يسمع منك:))
مستنيكى تنورينى فى كل وقت وتسألى فى اى حاجه

همس الارواح !! يقول...

جميله اوى يا دكتور الاغنيه

وكلامتك اساسا رائعه سواء غنتها اليسا او لا

تحياتى ليك يا دكتور

Just Smile يقول...

ماشاء الله بجد منور يا دكتور :)

انا احترم جدا جدا ان الحجات الراقية وكتابات زي حضرتك ديه بتوصل لحيز ونطاق واسع بجد..

ربنا يوفق حضرتك دايما

تحياتي

mimi يقول...

معقولة؟
انا بقي مش مصدومة ... علشان طبعا تستاهل ،

ألف ألف مبروك
والشر بره وبعيد من الشرط الجزائي

بس أنت حبيت تشركنا معاك فرحتك
والله والله فرحتلك من كل قلبي

يارب كل أيامك سعادة وفخر

كل سنة وأنت طيب

حَافِـيَةُ الَقَدمَيّـنْ ولِبَاسِي المَطـرْ يقول...

لم أكن أعرف أنك عمر فاروق !

أبدعت , ولم يكن ذاك
بغريب .. على موجك الأزرق

miroooo يقول...

بجد والله كلماتك يا دكتور دى اغنيه رائعه والله انا بجد اتشرفت بمعرفتك
دمت مبدعا
تحياتى

blue-wave يقول...

همس الكلمات
************
ميرسى لكلامك الجميل اوى دا

blue-wave يقول...

just smile
***********
دا بس من زوقك والله
تحياتى

blue-wave يقول...

mimi
******
طبعا لأتكم اجمل اهل واصحاب فى الدنيا كلها
تحياتى

blue-wave يقول...

حافية القدمين
**************
ربنا يكرمك يارب

blue-wave يقول...

mirooo
*******
اكيد الشرف ليا انا
منورانى دايما

gogo!sf يقول...

صباح الخير يا دكتور
جميله اوى كلمات الاغنيه

وكمان انا بحب احساس ورقه اليسا جدا

ربنا يوفقك يا عمرو

وكل سنه وانت طيب يا جميل

وعام سعيد عليك وعلينا جميعا
وان شاء الله السنه دى تكون افضل كتيييييير من اللى فاتت

عاشقع الاحزان

جوجو

shrshr يقول...

ومصدومة ليه مهو هتك عرض الاسرار لا يأتي الا من اقرب الناس الينا
الاغنية فعلا روعة و انا سعيدة للتعرف الى مدونتك

salwa يقول...

السلام عليكم د.عمرو
الكلمات رائعة
و اطيب التمنيات بالتوفيق الدائم ان شاء الله
سلام

mimi يقول...

من أحلي أغنيات الشريط

بجد من غير مبالغة
هايلة هايلة هايلةةة

واحده من الناس يقول...

يانهار ازرق
ابيض واحمر واخضر كمان
دى سوهاج مقلوبه ع الاغنيه دى
لدرجة انى فكرت اكتب بوست واقول ان الصعيد بقا بيتاثر باغانى الفنانين
تخيل الاغنيه دى والله هزتنى من جوه اوى رغم انى ياعم انت لاحبيت ولا اتصدمت ولا اتهببت خالص
ههههههههههههههه
بس مش ممكن
الاغنيه دى كلماتك بجد
الله عليك
الله الله الله
عليك
تسلم ايدك والله
طيب ممكن توقيعك؟
هههههههههههههههههههه

SaMoNa يقول...

thnks for ur comment, i will listen to this song ;)

blue-wave يقول...

gogo
*****
امين يارب
ميرسى لوجودك

blue-wave يقول...

shshr
******
ومدونتى اسعد بوجودك فيها

blue-wave يقول...

salwa
******
ميرسى
وكل سنه وانتى بالف خير

blue-wave يقول...

mimi
*****
مبسوط ان اول تعليق فى السنه الجديدة يكون منك
وميرسى على كلامك بجد

blue-wave يقول...

واحدة من الناس
***************
توقيعى مرة واحدة؟:)))
دانا غلبااااااااااان
وبعدين انتى تأمرى
هاتى اوتوجرافك وتعالى:)

blue-wave يقول...

samona
*******
hope u enjoy it

mimi يقول...

يقولوا عليا المدونين جايبالهم الصدمة في أول يوم في السنة

ههههههههههههههه

كل لحظة وأنت سعيد
مصدوومة بجد ومش بنطق

طب بقولك ، أعرض عليها أغنية بطاطس مقلية
بس علشان خاطر إليسا ممكن نحطلها كاتشاب مايونيز .. بابايا سالاد

اللي تحبه الهانم
هههههههههههههههههههه

غير معرف يقول...

أتمني لك كل الخير في العام الجديد
وحقا أعجبتني الأغنية كثيرا

لك مني الدعاء بالتوفيق

وكل عام وأنت بخير
عام سعيد

غير معرف يقول...

عفوا ،، نسيت الإمضاء

كرسي إعتراف
سيمو

sookra يقول...

حلوه الكلمات بجد
وكمان احساسها رائع
واكيد اليسا هتغنيها بشكل مختلف
بس ليه كله بقى كدا ؟!
وليه هى مصدومه من حاجات بقت عادى
تحياتى
هابى نيو يير

طوبه فضه وطوبه دهب يقول...

هى الاغنيه دى كلماتك بجد عشره على عشره يادكتور اكثر من رائعه واحساس اليسا فيها رائع كل اغنيه وانت بالف خير

blue-wave يقول...

mimi
*****
اة تصدقى معاكى حق؟:))
وبالنسبه لموضوع البطاطس المقليه حاضر من عنيا
بس هاعرضها عليها لما تكون جعانه شويه:)))

blue-wave يقول...

سيمو
*****
سيمو القمر
فينك مقاطعانى من فترة ليه؟؟؟
اتمنالك كل الخير

blue-wave يقول...

sookra
*******
للأسف فعلا انها بقت عادى
تحياتى

blue-wave يقول...

طوبه فضه وطوبه ذهب
*******************
ميرسى ربنا يكرمك

أبو كريم يقول...

يا سيدى إليسا مرة واحده يادكتور بجد كلماتك رائعه وإضافه وإختيار موفق لإليسا

تحياتى

فلسطينية الهوى يقول...

مع اني مش بسمع اغاني رومانسية بس سمعت الاغنية لما عرفت انها كلمات حضرتك

جميلة :)

وتنطبق على ناس كتير اوي اوي

سلمت يمناك

๓คภ๏ภค يقول...

مبرووووووووووووووك كالعادة اغنية فوق العادة يا دكتور

تسلم ايدك اللى كتبت يا ابو منمن ههههههههه

والالبوم كله بجد رهيب

ع فكرة ليك تاج عندى باين وانت مطنشه صح قول قول انك مطنشه التاج يا دكتووووووور