BLOGGER TEMPLATES AND TWITTER BACKGROUNDS »

الثلاثاء، ١٥ نوفمبر ٢٠١١

الحد الغلط



اصعب حاجه انك تقابل حد صح

بس فى الوقت الغلط

واما تعرفه تعرفه انه هوا صح

بس فيك انت الغلط

انت قلبك حب غيرة

ولسه رافض يخسرة

حتى بعد ما غيرة خسرة

لسه رافض يكسرة

اصل قلبك عاش فى ماضى

ولسه شايفه قصادة جاى

حتى لو ضيع حياته

فى وهم عمرة ماكان له ضى

لسه مستنيه يجيه

وبيوهم الناس انه ناسيه

ضيع حياة كانت بين ايديه

ولسه بيختار الغلط

والحد الصح اهو جه جنبه

بيحاول ويقرب منه

وهوا بماضيه او بجبنه

بيضيع الصح دا منه

رافض يبقى معاة ويحاول

ونا مش فاهم يخسر ايه

لو جرب يديله افرصه

ويجرب يتعلق بيه

ماهو من قبله مرة اتعلق

جرب واداة لقلبه الفرصه

واللى اتعلق بيه اهو خانه

وكان هوا الحد الغلط

سيب قلبك هوا يويدك

وابوس ايدك انسى ماضيك

ماهو لو حد فضل فى الماضى

اكيد يبقى هوا الغلط

د/عمرو فاروق.

الجمعة، ١٢ أغسطس ٢٠١١

اغنيتى الممنوعه

بمناسبة نشر الحاجات الممنوعه

اغنيتى اللتى منعت فى عهد النظام السابق وكانت بمناسبة التعديلات الدستوريه وكانت السبب فى غلق المدونه



عدّل يا مبارك ف مواد الدســتـــــــــور

مـاهـو احـنـا الـسـاقـيـه وانـــت التور

لــف ودور بـيـنـا شـمــال ويـمـيـــــــن

مـاهـو احـنـا كــدا او كــدا راضـيـيــن

لــو قــولــت الــفاتحــــه نرد امــيــــن

لــو قـلـت مدد هــانـقـول دستــــــــور


عدّل يا مبارك ما نت طــلـعـت الـــــه

لــو حـتــى تـنـف نـــــقــــــــــول الله

اقـبــض عـلــى كــل الـمـلـتـحـيــــين

ولا تـشـغـل بـــالــــك بـفـلـسـطـيــــــن

لا عراق ولا ملــه عـــرب ولا ديـــن

مــالــــك انـــت ومــال كـل الأديـــــان


عدّل يا مبارك واوع تخاف اخــــوان

ولا بـوش وبـلـيـر ولا حـتـى زيــــدان

كــمــل تــطـبـيــع مــع اســرائـيـــل

عــاون امــريـكــــا وكـــون الديـــــــل

هات لنا وزارات بـتـهـــد الـحــيــــل

وكـــل وزيـــر نـبـنـيـلـــه تـمـثـــــال


عدّل يا مبارك وابدأ لنا بــجــمــــال

دا ولد موهوب ومالوهش مـــثـــــال

خـلـيــه يـكـمـل ويـجـيـبـنـا الأرض

ماوجودة علينا اصــبــــح فـــــــرض

من دمنا خليه يــاخــــد قـــــــرض

مـاهـو دمــنــا بـالـنـسبــالـه حـــــلال

د/عمرو فاروق.

الاثنين، ٨ أغسطس ٢٠١١

عمرة ما كان مننا




مع الإعتذار ل عمرو دياب

اللى ورّا اهل بلدة

الذل بالليل والنهار

واللى خلى مصر تبقى

سويقه ولا سوق الخضار

اللى دمر حلمنا

واللى بايع ارضنا

حتى نهر النيل بجشعه

ضيع خيرة مننا

عمرة ما كان مننا

عمرة ما كان مننا


مصر فى عهدة تدنت

حتى اخر مستوى

والمصرى شاف ذل فى بلادة

وبرة اصبح مسخرة

واللى كان بيذلنا

لما نطلب حقنا

عمرة ما كان مننا

عمرة ما كان مننا


د/عمرو فاروق.