BLOGGER TEMPLATES AND TWITTER BACKGROUNDS »

الجمعة، ١٢ أغسطس ٢٠١١

اغنيتى الممنوعه

بمناسبة نشر الحاجات الممنوعه

اغنيتى اللتى منعت فى عهد النظام السابق وكانت بمناسبة التعديلات الدستوريه وكانت السبب فى غلق المدونه



عدّل يا مبارك ف مواد الدســتـــــــــور

مـاهـو احـنـا الـسـاقـيـه وانـــت التور

لــف ودور بـيـنـا شـمــال ويـمـيـــــــن

مـاهـو احـنـا كــدا او كــدا راضـيـيــن

لــو قــولــت الــفاتحــــه نرد امــيــــن

لــو قـلـت مدد هــانـقـول دستــــــــور


عدّل يا مبارك ما نت طــلـعـت الـــــه

لــو حـتــى تـنـف نـــــقــــــــــول الله

اقـبــض عـلــى كــل الـمـلـتـحـيــــين

ولا تـشـغـل بـــالــــك بـفـلـسـطـيــــــن

لا عراق ولا ملــه عـــرب ولا ديـــن

مــالــــك انـــت ومــال كـل الأديـــــان


عدّل يا مبارك واوع تخاف اخــــوان

ولا بـوش وبـلـيـر ولا حـتـى زيــــدان

كــمــل تــطـبـيــع مــع اســرائـيـــل

عــاون امــريـكــــا وكـــون الديـــــــل

هات لنا وزارات بـتـهـــد الـحــيــــل

وكـــل وزيـــر نـبـنـيـلـــه تـمـثـــــال


عدّل يا مبارك وابدأ لنا بــجــمــــال

دا ولد موهوب ومالوهش مـــثـــــال

خـلـيــه يـكـمـل ويـجـيـبـنـا الأرض

ماوجودة علينا اصــبــــح فـــــــرض

من دمنا خليه يــاخــــد قـــــــرض

مـاهـو دمــنــا بـالـنـسبــالـه حـــــلال

د/عمرو فاروق.

الاثنين، ٨ أغسطس ٢٠١١

عمرة ما كان مننا




مع الإعتذار ل عمرو دياب

اللى ورّا اهل بلدة

الذل بالليل والنهار

واللى خلى مصر تبقى

سويقه ولا سوق الخضار

اللى دمر حلمنا

واللى بايع ارضنا

حتى نهر النيل بجشعه

ضيع خيرة مننا

عمرة ما كان مننا

عمرة ما كان مننا


مصر فى عهدة تدنت

حتى اخر مستوى

والمصرى شاف ذل فى بلادة

وبرة اصبح مسخرة

واللى كان بيذلنا

لما نطلب حقنا

عمرة ما كان مننا

عمرة ما كان مننا


د/عمرو فاروق.


السبت، ٦ أغسطس ٢٠١١

ووقعت يا مبارك


ووقعــت يا مبارك وكــدبــــــــــك بـــــــــــان

ولا حـــــــــد مــــــديـــــــــك الامـــــــــــــــــان

مــلـكــت امــرى وامــر شـعـبـــك هـــــــــان

وفـــقـــرتـــنــــا وســرقـــت مـــال الـــشــــعب


دلوقتى ايه حالك والـحــديـد ف ايــديـــــــــك

وكــــل الــكـــلاب الــنــصابــيــن حــواليـــــك

حــتــى ولادك ضـيـعـتــهــم بــايــــديــــــــك

والــــذل صـابــك بـيـن عـنـيـك مـيـــــت ذنب


عملـت فـيـهـا شـريـف وحـامـى الــحـمـــــى

واتــــــاريـــــك بـتـكـرهـنــا بــكــرة الــعـمــى

سبت علينا الكلاب بـاســم الــعــولــمــــــــه

دلوقتى مش عايزين نشوف ولا كــــــلـــــــب


فـلـقـت راسنــا بالـــــــضـربـه الـجـويــــــه

والــخـيـبــه كـانــــت فـيــك ومـسـتـقـويـــــــه

كــل اللــى هـــمــــك زيــــادة الــنــقديــــــه

احلام شباب شعبك ركنتها على جــــنــــــــب


سرور وعزمى وعــــــــز والمتصفــــوت

ومـفـيــد شـهـــاب قـلـبــوا الـــــحكومه مسمط

وكمان جمال وعلاء والعادلى المتفــــحلط

عــمــلــــوا الـبـلـــد عـــزبـــة بـمـلـيون

لــــون


الكل طـــــــاح فيها والفســاد بــيــعــــــــم

كــلــــه اخـــد مــن خـيـرهــا كــان بـيـصـــــم

بـــــس الـــــمـهـم الـشعــــب دا يـــتــخــم

مـن بـعـد كــام مـلـيــار نـسـيت رقم مـليـــــون


والله لو كانوا اشــتـــــــروهــــا مـــلــــك

وحـوطـــوهــا بـطــوب فـــــوق كل طوبه سلك

ماكانوش هايضيعوها يهيصوا فيها هلك

نهبوا فلوس ماتضيعش لــــــــو فــى قـــــــرون


اخـــر كــــلامى حـــــــسبى الله وكيلى

ف كل اللى هلكوا زرعــى شــربــوا نـيـلـــــى

واللى بجبروتهم هدوا املى وحـــيـــلى

ربـــــك عــــليهـــم هـــــوا رب الكــــــــــــــون.


د/عمرو فاروق.