وحشتونى جدا يا اجمل عيله فى الدنيا
معلش غيابى طول شويه بس ادينى راجعلكم باغنيه جديدة يارب تعجبكم
هاتسمعوها قريب بصوت مطرب جديد اسمه محمد الصاوى
صدقت نفسى وقولت من غيرك هاعيش
قــولت السنين بتنسى اللى مايتنســـــيش
والبعد صعب عليا بس فى اوله
كان قلبى خايف من فــراقـــــك اد ايـــه
حاولت اقول غير اللى كنت بحس بيـــه
بس الكلام كان صعب حتى اكمله
حـبـى لـيـــك مـانــتـهـاش جـوايــــــــا
فـــــات كــتــير وانـــت لـسه مــعايـــــا
جــــرح قـلـبـــى مـكـنــــش كــفــايـــه
وقـــلـــبـــــــــى اتحـــــــــمـــــــلــــــه
كان لازم انسى انـى يــوم فـــكرت فيك
وانسى كمان كل اللى بيفكرنى بــيـــــــك
بس ايه اللى ف ايديا اعمله
من يوم غيابك عنى بتالم وامــــــــوت
وبـتـعـب اكـتــر كـــل مــــــا الأيام تفوت
حضنك وحشنى وغصب عنى اشتقتله
حـبــى لـيــك مـانـتـهــاش جـوايــــــا
فــــات كــتـــير وانـــت لـســه مــعـايا
جــرح قـلـبـــى مـكـنـــــش كـفــايـــه
وقـلبــــــــــــــــــى اتــحمله
د/عمرو فاروق.
18 التعليقات:
حمد الله على السلامه يا عمرو
نورت المدونات و الدنيا كلها
مستنيين منك كل جديد زى ما اتعودنا
منك دايما
ليه وحشة والله
الحمد لله على السلامة يارب تكون بالف خير
وبالنسبة للكلمات رااااااااااائعة بجد
ومنتظرين الاغنية ^ـ*
دمت باف خير
حمد الله على اسلامة يا رجل
كل دى غيبة شهرين ونص
على العموم نورت البلوج ((:
طبعا بتقول اية الدخلة الغريبة دى
اوعى تزعل بهرج
بس الأغنية جامدة تسلم الأيادى
و هتنجح بأذن الله
يااااااااه اخيرا
وحشتني اوي يا دكتور..والمشكلة اني ملحقتش اسلم عليك
وبرغم اني بمتحن بس مقدرتش مجيش اقولك حمد الله ع سلامتك :)
هينسى.. بس المهم مش كل شوية يفكر نفسه اذا كان نسى ولا لسه
---
حمدالله على السلامة
حمد الله على السلامة
بصرة
جميلة الاغنية وبالتوفيق ان شاء الله
تحياتي
حمد الله على السلامه والرجوع تانى للتدوين :)
ورائع الكلام كالعاده يا دكتور
دمتم فى تألق وابداع :)
دكتور عمرو
فينك من زمااااااااااااان كل ده غياب
ربنا يوفقك يارب وفى انتظار الاغنيه عن قريب ان شاء الله دمت بكل حب وسعاده وخير
سلمت الأنامل على الكلمات الجياشة.
أرجوا المساهمة في دعم الحملة لو تكرمتم
(حملة الجسد الواحد)
أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!
صورة الشعار .. في مدونتي أعقل مجنونة في الوجود .. ويكتبون فوقها ..
(حملة الجـسد الواحـد)
رابط المدونة
http://dndanh111.blogspot.com/2010/06/blog-post_14.html
جعله الله في ميزان حسانتكم .. آمين
وحشتنا اوى اوووووووووووووووووووووووى
الحمد لله انك رجعت بالسلامة والله انهارده دخلت لقيت المدونة مقفولة قلت امتى يرجع بقى بس الحمد لله دعايا جه بفايدة اهو
بخصوص الكلام مفيش بعد كده
الف الف الف حمد الله على السلامة يا عمورررررر
حمدا لله على السلامة يا دكتور
عودة قوية جدا جدا جدا جدا
الاغنية تحفةةةةةةةةةةةة
جميلة جدا جدا
فى انتظار المزيد
وانتظار الاغنية
دمت بكل الخير
حمدالله على سلامتك
نورت مدونتك من تانى
واحلى رجوع
ورجوع قوووووووووووووووى
ربنا يبارك فيك
مزيد من التوفيق والرقى
لا لا اااااااااااااااا كده الخيانة بعينها تيجى من ورايا حمد الله على سلامتك الحمد لله إنك رجعت بجد مبسووووووووووووووووطة جداااا وطبعا تعليق البوست لسه لأنى مش قرأته لسه بس حالا يوصل
راجع بقوة فعلا الكلمات حلوة موووت حقيقى وصادقة لأن الحب الصادق مش سهل يتنسى ربنا يسعدك دوما يادوك ويفرح قلبك بكل خير
دمت بكل الخير والسعادة
مبروووووووووووووووووووووووووك العودة يا دكتور عوداَ حميداَ ...كلمات اكثر من رائعة ..بالتوفيق دايما لكل خير بس ياترى هتبقى زي اليسا ولا هيتكتب اسم حضرتك عليها؟
لـــولا
عمرو حمد الله على السلامه
ايه كل الغياب ده .... ياب ما تغيب تانى خالص وتفضل موجود ومنور البلوج دايما
كلماتك دائما رائعه
بتوصف مواقف كتير واقعيه
بالتوفيق يا دكترة
حمد لله على السلامة يا دكتور
ان شاء الله مافيش غياب تانى بقى
طبعا الكلمات فوق التعليق كالعادة جميلة اوى
تحية ليك
السلام عليكم -
حمدالله ع السلامه يا دكتور
نورت مدونتك
مبروك ع المولود , هي بنوته على ما أعتقد
_____
سبحان الله من حوالي شهر كنت شوفت أغنية حضرتك كاتبها اسمها "نفس المكان" وكنت لحنتها وغنيتها , وقتها قعدت أفكر أوصل لحضرتك ازاي واسمعهالك علشان استأذن أنشرها
___
ومن دقيقه بالظبط كنت بدور على حد يساعدني في كتابه أغنية , قولت أوصل لدكتور عمرو ازاي فتحت لقيت تعليقك
سبحان الله
إرسال تعليق