BLOGGER TEMPLATES AND TWITTER BACKGROUNDS »

الخميس، 1 أبريل، 2010

عندك حق


عـــــنـــــــــــــدك حـــــــــــــق

انــتــى لـغــيـــرى بغيرى احــــق

عـــــنـــــــــــــدك حـــــــــــــق

قـلـبــــى دا قــاســى وقــلــــبه لأ


انـا اللى بـعـتــك مـــن زمـــان

وانــا اللــى خـونـتـك واللـــى كان

وانا اللى قلبى مالوش امــــان

وهــوا قــلــبــــــــــــــه داب ورق


ماستاهلش دموع عــنـيـكــى

مــاســتــاهـلــش ابـقــى لــيــكــى

نفسى تنسى صورتى وانسى

انــى كــنــت ف يـــوم حـبـيـبـــــك


بلاش تخلى حاجه مــنــــــى

بلاش تحاولى ف يوم تــــحــنـــى

اوعى تفتكرى غير انــــــــى

قــــدرت يـــوم ابـعـــد واسـيـبـــك


عـنـدك حـق عـنــدك حـــــق

عـــــــنـــــــــــدك حـــــــــــــــــــق


د/عمرو فاروق.

12 التعليقات:

الزهرة البرية يقول...

تفتكر يادوك سهل فى يوم إن الانسان يتخلى عن حبيبه لأن فى حد تانى بيحب أكتر

أهى دى بقى منتهى التضحية بس تفتكر هو حقه فين مش لازم يعرف هو قلبه فين مش يمكن بيحبه برغم ان فى حد تانى بيحبه أكتر منه ليه ديما بنختار للى بنحبهم مش بنسيبهم يختاروا سؤال واحد وله أكتر من جواب

كلها بتقول إنى أضحى بحبى علشان سعادته وده اللى إحنا مقتنعين بيه

دمت بكل الخير والسعادة

Sad Angel يقول...

جميل
جميل اوى
بس هو بعد وسابها علشان هو ميستاهلهاش ؟؟
ولا سابها علشان ندل ولما فاق رجع ولاقاها مبقتش ليه؟؟؟

blue-wave يقول...

الزهرة البريه
*************
الموضوع انه عايز يصلح اللى كسرة لما علق واحدة بيه وهوا مايستاهلهاش لأن قلبه مكنش معاها من الأساس
منورانى دايما كدا باول تعليق

blue-wave يقول...

sad angel
**********
ندل طبعا لأنه علقها بيه وبعد وسابها لكن لقاها لسه متعلقه بيه ف بيحاول يفوقها ويكرهها فيه علشان ماتضيعش حياتها جنبه
تحياتى

Ms Venus يقول...

معنى قاسى جدا بكلمات جميلة


تحية ليك يا دكتور

لولا وزهراء يقول...

دكتور عمرو

انت عارف انى ابقى مبسوطه اوى لما اكون الكومنت رقم 5

انت فينك زعلان من المدونه عندنا او ايه الحكايه بالضبط

المهم يا عمور
البوست المره دى اشعر انه بيكمل البوست اللى فات

الرجل اللى بيتكلم هنا بيعطى الحق لمن كانت حبيبته ان تحب غيره
والله مش فاهمه ان هى النوعيه دى من الرجال موجوده فين يمكن فى موزمبيق او فى السنغال لكن هنا مش موجودين والله ده رجل ذوق اوى اوى الصراحه

هو فى رجل بيقول على قلبه انه قاسى والله كويس اوى وكمان بيعترف انه باعها من زمان وبيعترف بالخيانه
طيب اعلق اقول ايه على الكلام ده



وكمان قلبه مالهوش امان
يا عمووووووووور اين يوجد مثل هذه النوعيه من الرجال





عارف تكرار جملة عندك حق تعطى معنى حلو اوى وتعطى نوع من التاكيد انك تعطى لها الحق فى كل اللى هتعمله بعد كده

البوست حلو اوى اوى

تسلم الايادى

زهراء

فراشة يقول...

حلوة قوى يا دكتور عمرو
لكن النسيان مش بالسهولة

ســـــــهــــــــــر يقول...

حلوه و مزيكة الكلمه سلسه
مفيش غير وقفتين بس اللى حسيتهم
يمكن انا السبب او يمكن لو سمعاهم منك مش هحس بالوقفه

قـلـبــــى دا قــاســى وقــلــــبه لأ

حسيت لو قولت ( و قلبه دا لأ ) هتظبط مع ودنى

و التانيه ( غير انى )

بس عندى احساس ان القائك يمكن ما يخلينيش احسها كده
المهم انه عمل جميل فعلا

تحياتى

إبتسامة ملاك يقول...

انت حد جميل اووى يا دكتور
بالتوفيق دائمآ

الى الامام يا ارق شاعر وكاتب كلمات فى قمة الروعه ربنا يوفقك يارب

دعاء العطار يقول...

صعب اوووووووى احساسك انك ظلمت حد وهو كان كويس معاك اووووووى

الاحساس بالظلم بيوجع الظالم _ لو عنده احساس _ اكتر من المظلوم

بوست مميز

mira يقول...

ازيك ياعمرو
وليه بس الفراق
واضح من الكلام ان هيا السبب فى الفراق
ما فيش حد هايتمسك بحد ولا هايجرى وراه وهوة مش عوزة هيا اللى اكيد دورت على حاجه عاوزاها مع حد تانى بس يبقى اكيد ماكنتش بتحب
تحياتى
ميرا

salwa يقول...

السلام عليكم د.عمرو
نعم الامور لا تحتمل المراوغة
تسلم يدك
سلام