BLOGGER TEMPLATES AND TWITTER BACKGROUNDS »

الخميس، ٢٤ سبتمبر ٢٠٠٩

غياب مؤقت+البوست


اصحابى يا اجمل عيله فى الدنيا

استأذنكم فى غياب مؤقت

لمدة اسبوعين لدواعى السفر

شغل كدا فى الغردقه ادعولى ربنا يوفقنى فيه

اسيبكم بقى مع البوست

واشوفكم على خير باذن الله


الـــمــــــــــــس ايـــــــــــديـــــــــــــا

عيشنى لحظه ماعشتهاش بقالى زمـــــــان

احـــــضــــــــــن عـــــــــنــــــــيـــــا

وديــنـــى دنـيــا كـلـهـــا حــــب وامــــــــان


يــا اغـلـى حـاجـه ف دنـيـتـــــــــى

يــــــا حــيــاتـــــى عـــمــرى وجــنـتــــــى

خـــلـــيـــك مــعــايـــا وبــهــوايــــا

قــــــــــدرت تــمــســـــح دمـــعــــتـــــــــى


يـــا غــنــوة حـلــوة بـتــبــتــــــدى

يـــــــا احــلـــــى اســــــم بــيــتــنـــــــــدى

امـــــلا حـيــاتـــى وذكـــريـــاتـــى

وخـــلـــــى قـــلـــبــــــــــك مـــوعـــــــــدى


تــــعـــالا جـــنـــــبـــــــــــــــــــــى

سيبنى المس بشرتك القى الـــحــنـــــــان

دانــــــــا وانــــت جــــنــــبـــــــى

بحس فرحه ماحسهاش قـــبـلى انـســــان


دانـــــــا لـمــا بـلـمـح بـسـمـتـــك

او مـــــــرة اسـمــــع ضـحـكـــــتـــــــــــك

بـنـسـى الـهـمـوم ويـعـدى يــوم

واغـــــــــرق فـــى لــــــذة دنــيــتـــــــــك


ولــمـا تـيـجــى مـــن بــعــيـــــد

بــحـــس ان الــيــــــــــوم دا عــــيـــــــــد

واجرى عليك احضن ايـــديـــك

واتــــــولـــــدلـــــك مــــن جــــــديــــــــــد


يـــــا نــــــــــور عــــنـــيـــــــــا

خليك معايا ف حضنى ننسى الكون دا كله

دانـــتــــــــــــــا ف عـــنـــيــــــا

احلى ملاك واجمل بشر ممكن اكون لـــــه


من يوم ما شفتك والوجــــــود

بــقـــى كــلــــه مـلــيـــــــان بـــالــــــــورود

دا حـبـى لـيـك دايـمـا مـالـيــــك

وحــبــــك انــــت مــالــــــوش حــــــــــدود


بوعد عنيك هافضل معـــــــاك

حــيـــــاتـــــــى دايــمـــــا مــحــتــاجـــــــاك

وحـضـنـى لـيــك مـحـتــويــــك

مـــاهـو قـبـــل مــايـشــوفــــك نـــــــــــداك


د/عمرو فاروق.


55 التعليقات:

------ يقول...

اوووول تعللليق

ماشاء الله

------ يقول...

والتاااانى كماااااان


لغاية مااروح اقرأ

عنوان البوست كدا ميطمنش

غياب مؤقت !!!!!!!!!

بيطرية ومش بايدى يقول...

تانى تحليق
بعد دموع القمر
يا حالولى يا حالولى
ياحلاوة ياولاد

------ يقول...

اه بالحق

الجرنال نزل

واسمك منور والله

انت وايثار بتاعة مدونة باربى

واكيد طبعا دموع القمر هههه

ربنا يحفظك


اروح اقرأ بقى

بيطرية ومش بايدى يقول...

الله طيب عشان خاطر دموووووع
خلينا التالت

------ يقول...

ماشى

تدخلى فى النص كدا

طوويب

دا علشان انت حبيبتى بس

------ يقول...

دا بس علشان شغل فهنسمح

لكن غير كدا لاااااااااااايوونكن

بس ايه الجمال دا يادكتور

لا لا

دا الحب طلع مواهب كتيييييييير

بس بجد ربنا يخليهالك
وميحرمكش منها ابدا ابدا ابدا

mohamed ghalia يقول...

انا جاى ابارك على الجواز مع انى متعزمتش هههههههههههههههههه

بيطرية ومش بايدى يقول...

ايه ده هو فيها فرح كمان
يادوك حدد هو فرح ولا سفر
ما علينا
نقوووول مبروووووك
ونقووول كمان ترجع بالسلامة
على فكرة كلماتك حلوة اوى
تصدق تنفع اغنية زومانتيكية جامدة اخر حاجة

بيطرية ومش بايدى يقول...

اه شكل كده فعلا فى فرح مادام فى حب يبقى فى فرح اصل دى اول زيارة معلش العتب على النظر انى ماشفتكش
يبقى نقول 1000مليووووووووووووووووووووووووووووووووووووون مبروك يا دكتور
ويارب الغياب مايطولش
ربنا معاك
تقبل مرورى
وتحياتى

Pink Dreams يقول...

دانـــــــا لـمــا بـلـمـح بـسـمـتـــك

او مـــــــرة اسـمــــع ضـحـكـــــتـــــــــــك

بـنـسـى الـهـمـوم ويـعـدى يــوم

واغـــــــــرق فـــى لــــــذة دنــيــتـــــــــك

بجد كلامك رائع زى ما اتعودنا منك

تروح وترجع بالسلامه

تحياتى

romansy يقول...

ربنا يوفقك يا دوك
ربنا يملا حياتك كلها حب وامان
الكلام جميل قوى يا دوم انا لو اعرف ان الجواز بيزود الاحساس قوى كده كنت اتجوزت من زمان

(Joudy) يقول...

عندما تبحث عن صدق المشاعر ستجدها فى قلب صادق أسكن الحب بداخله ولم يفارقه قلب لا يدعى الحياة ولكن هو نبض الحياة قلب محظوظ من يمتلكه ولإن سألتنى عن مكانه سأدلك على مملكة الاحساس حتى ولو كان اسمها شوية أحاسيس

ترجع بالسلامة وموفق بإذن الله

دمت بكل الخير والسعادة

غير معرف يقول...

حلوه الاغنيه دي .... تنفع يغنيها عمرو دياب .... بجد موش بهزر شكلها كده عمرو او حماقي :)

ربنا يوفقك في الغردقه

yasmina يقول...

السلام عليكم
انا قولت
هى غياب مؤقت دى كانت قلقانى
على العموم
تروح وترجع بالسلامة يارب
بس برضو ماتغيبشى علينا
احنا مانقدرشى على كدة

مقاول بناء الكويت 99796914 يقول...

تحياتي حتى تعود وبعد ما تعود أيضا

yasmina يقول...

بالنسبة للبوست
بجد دة احلى كلام بجد قريته فى اجمل المعانى بجد والله
ومش هقدر اقول احلى كلمة او جملة ايه لانى كدة هكتب البوست كله بجد
واكيد طالع من القلب عشان كدة دخل القلب على طول وبنفس الاحساس الجميل دة
بجد احيى حضرتك عليه

yasmina يقول...

اه وان شاء لما ترجع حضرتك بالسلامة
العيدية عندى هتفضل محفوظة
اى نعم غريبة شويه بس واله كلنا بنحبها
ويارب تعجب حضرتك
وكل سنة وحضرتك طيب
وعيد سعيد
وترجع بالسلام باذن الله بالتوفيق

غير معرف يقول...

تروح وترجع بالف سلامه يا دكتور

تسلم ايدك على البوست

حنين

همس الارواح !! يقول...

دكتور ازيك عامل ايه ؟؟؟؟
تروح وتيجى بالسلامه وربنا يوفقك ويكرمك

بالنسبه للبوست بجد جميل جدا .... واحساسك كالعاده متميز ومتفرد ورائع

شكرا ليك وتحياتى ... ويارب دوام التفوق والنجاح

heba يقول...

السلام عليكم ورحمة الله وبركاته

البوست رائع بجد وكلمات رقيقة وطلعة بأحساس من حد حاسس الكلمات بجد

وغياب اية دة ترجع بالسلامة ان شاء الله

تقبل مرورى

HEBA

ليس فقيرا من يحب يقول...

السلام عليكم

اولا بالنسبه للبوست فالبوست رقيق

قوووووووووووووى

ربنا يجعل ايامك كلها حب وراحه بال

وطبعا بالنسبه للغياب

فان شاء الله ربنا يوفقك وييسرلك امورك

وترجع بالف سلامه يارب

فى حفظ الله

مي يقول...

تروح وتيجى بالف سلامة
جعلتنا نعرف للحب معنى ونشعر به
تحياتى ليك ولابداعك

نونو يقول...

ترجع بالسلامة يادوك

بجد كلامك رومانسى جداااااااااااااااا

وحلو اوى اوى

fL0weR-giRL يقول...

ايه يادكتور الحلاوه دي
ربنا يوفقك وترجعلنا بألف سلامه ^_^


بوعد عنيك هافضل معـــــــاك

حــيـــــاتـــــــى دايــمـــــا مــحــتــاجـــــــاك

وحـضـنـى لـيــك مـحـتــويــــك

مـــاهـو قـبـــل مــايـشــوفــــك نـــــــــــداك

حلوة اوي الحته دي

** تقبل مروري **

الرخمة يقول...

قرار 101
بعد المشاورات و المؤتمرات و المناقشات
قررنا نحن رخم باشا و رخمه هانم
انشاء بلوج نرخم بيه عليكم
و من باب التكرم و التفضل و الرخامه
حبينا نقول لكم عشان تيجوا تزوروا البلوج غصباً عنكم

و مش هقول سلاااام
رخامه بقى هه

قهوة الرخمين
:D

mahasen saber يقول...

تروح وترجع بالف سلامه

ويا رب بالتوفيق دايما يا دكتورنا الرائع واخونا الصغير عمرو

امانه سلملى على ميدان السقاله

salwa يقول...

السلام عليكم د.عمرو
ادراج جميل و نابع من احاسيس صادقة بالتوفيق ان شاء الله
سلام

أميرة الرومانسية يقول...

اولاً تسافر وترجع بألف مليون سلامة وربنا يكتبلك كل توفيق ونجاح في شغلك وكل حياتك
***** وبالنسبة للبوست بجد كلامك أثر فيا جداااااااااااا لانه معبر جدا
والله يا عمرو ما عارفة اقولك ايه

منه مرتجى - عازفة الأوتار يقول...

ايه ده بس يا دوك
ايه كل الاحاسيس دى
ما شاء الله عليك بجد


اللهم لا حسد


عامل ايه؟ و الله مدونتك ليها وحشة
بس نعمل ايه فى الظروف بقى

و كمان فى سؤال
هى قباحة قفلت مدونتها ؟؟

منه مرتجى - عازفة الأوتار يقول...

صحيح نسيت اقولك

تروح و ترجع بألف سلامك يا دوك :)

كرسي أعتراف يقول...

i will be also there for few days

enjoy

آه وكفى يقول...

ياعم ياعمممممم
رايح تتغردق من غيري وكمان كلام سخن مولع قبل متسافر

GiGi world يقول...

اولا ترجع بالف سلامه
ثانيا حقيقى بوست هايل ربنا يكرمك ويعزك يارب

♥نبع الغرام♥♪≈ يقول...

السلام عليكم

كل سنه وانتى طيب وان شاء الله ترجع لينا بالسلامه
مودتى

طوبه فضه وطوبه دهب يقول...

rbna ykrmak ya doctor wtkhlas shoglak 3la kher wtrg3 balf slama ya rab wslm lna 3la el 3arosa

miroooo يقول...

الكلمات تحفه يا دكتور وربنا يوفقك فى سفرك وترجع بالسلامه ان شاء الله

Unknown يقول...

ربنا يوفقك
يادكتور عمرو
وتروح وترجع
بالسلامة يارب.

كرسي أعتراف يقول...

سأوافيك بالتفاصيل فور أستلامي البرنامج

تقديري

أبو كريم يقول...

دكتور عمرو

أهلا بيك فى الغردقة لو إحتجت أى حاجة أنا فى الخدمة

وترجع لنا بالسلامة

ريمان يقول...

ايه ده


هو حضرتك قفلت مدونتاك الاولانيه ولا ايه

طب مش تقولنا طيب



طب رربنا يرجعك بالسلامه


والبوست توحفه اوى

NilE_QueeN يقول...

احساس راقي عبرت عنه كلمات راقيه

لا استطيع ان اقول المزيد

Hanan Elshafey يقول...

ترجع بالسلامه

وبوست جميل

------ يقول...

ترجع بالف سلامة

♥نبع الغرام♥♪≈ يقول...

ياااااااااااااااه طولت الغيبه

ابقا طمنا عليك اول ماترجع
ربنا معاك وتنورنا من تانى
مودتى

yasmina يقول...

ايه ده
الاسبوعين خلصوا
ماينفعشى كدة
ههههههههههههههه
اه ما انا مراقبة المدونة طبعا
مخبر بقى تقول ايه
هههههههههه

لا بجد ترجع بالف مليون سلامة وان شاء الله تكون معانا قريب بجد

وابقى طمننا حقيقى
سلام
وترجع بالسلامة يارب قريب
تحياتى

سلمى يقول...

اولا مبروك لجواز حضرتك
ثانيا تروح وترجع بالف سلامه
ثالثا كلماتك دائما رائعه
دام قلمك مبدع

semsem يقول...

اهلا اهلا بالناس اللى بتهرب
انت عارف انا دورت على مدونتك قد ايه

المهم
الف الف مبروك الجواز
ربنا يتملك على خير دائما
ولو انى مش عارفه اتجوزت ولا كتبت كتابك بس
يعنى واقف على الباب ذيى


ربنا يوفقك قوى يا عمر
وكل سنه ووفت وانت اجمل من اللى فبلة

(Joudy) يقول...

ايه يا دوك اظن الاسبوعين فاتوا فينك بقى

يارب تكون بخير وترجع تنور مدونتك من تانى

غير معرف يقول...

الاحلى ملاك اللى قلبها هواك اكيد

وحشاك قاعدة مستنياك تعللها وكفايه غردقة (م . ع)

غير معرف يقول...

ahmedsas98@yahoo.com
الك وحشه والله ياحبوب

شفـقــة و إحســــان يقول...

إيه يا مااااااااان ؟؟؟
الإسبوعين خلصوا بقالهم ييجي إسبوعين
انت في أجازة ولا شغل ولا فرح ؟؟؟
ولا شكلك هربان مننا ولا إيه ؟؟؟

أخوك
إحســان الهربــان

غير معرف يقول...

ahmedsas98@yahoo.com
والله الك وحشه ياجميل
أبقى طمنا عليك ياحبيبي

mira يقول...

ازيك يا عمرو اخبارك ايه
اولا ترجع بالف سلامه ولو انها متاخرة معلش بقى سا محنى
وبالنسبه للبوست اللى كله حب طبعا احساس رائع بانك تحب وتحس بمن تحبه ربنا يديم عليك حبك يارب العالمين

د.مادو يقول...

واحشنى يا دكتور
كده لما أزورك ألاقيك مسافر؟!!
ترجع بالسلامة يا مبدع