BLOGGER TEMPLATES AND TWITTER BACKGROUNDS »

الثلاثاء، 1 سبتمبر، 2009

ايام+ تحديث

تحديث :
الصديقه العزيزة دموع القمر اضافت كلمات فى التعليق على البوست اجد انها بالفعل تستحق ان تضاف للبوست من فرط جمالها

أيـــــــام بـتـعــدى ورا أيــــــــــــــام

بــتـمـوت احـلام تـصـحـى احـــــــلام

بـنـحـب جـديــد ونـحــن كــمـــــــان

نــحـلــم وبـنـنـسـى الـحـلــم قــــــوام


الـجـرح مـسـيـرة ف يـــوم بيروح

ولا حد يعيش على طول مجـــــروح

نـنـسـى الأحــزان ونـحـب كـمـــان

الـحــب فــى اى زمـــان مـسـمـــوح


طـول مـاهـى أيـام بـتـعـدى اكـيــــد

والـجـرح وراة مـيـت فـرح وعـيـــد

مـانـعـيـش ايـامـنـا الأيـد فـى الأيـد

لـــو نـحـزن نـنـسى الـحـزن قـــوام


لو يوم اتبعت تعيش احــــــــــزان

مـــن حـقــك تـبـكـى عـشـان انـسـان

بــس دى ايــام انـسـاهـا وعـيـش

احــلـــم مــن تـانـى وحــــب كـمــــان


تـفـتـكـر الـجـرح وتـقـسى عــليه

مــش تـشـتـاق تـانـى تـحـن الـيـــــه

الـلـى بـيـهـواك خـلـيـــه ويــــــاك

والـلـى بـيـنـسـاك لـيــه تـفــكـر فـيــه


خـلـى مـصـيـرك دايـمــا بـايـديـك

اوعــى تـسـيـبـهـــا تـتـحـكـم فـيـــــك

الدنيا ساعات هاتعيشها اهـــــات

ولاّ هــاتـحـلـم وتـعـيـشـهــا غـــــرام؟


د/عمرو فاروق.


مع مسلسلات رمضان

بوست جديد

على

اى كلام فاضى معقول


كلمات دموع القمر


اكيد النسيان دا حاجة عظيمة
لازم ننسى ونسامح علشان نعيش

مش منحقك تبكى على شان انسان
يادكتور الدموع هى الانسان
ان الدموع هي الانسان...
عند الأسى يعبر بها عن الاحزان
وعندما يبتسم له الزمان...
يذرفها فرحة وامتنان...
وفي كثير من الأحيان...
هي دليل الشقاء والحرمان...
ولكنها قليلا ما تكون دموع حب وامان...
ونادرا نادرا ما نبكي امتنانا او عرفان...
ليس لأننا افتقدنا للتقدير والاحترام...
ولكن لان من يمنح الحب اصبح يداس تحت الأقدام...
فأصحبت الدموع هي الانسان...وهناك الحب ذل واستعباد وكرامة تهان...
والغش والزيف والخداع هم سر الاطمئنان...
كيف؟؟؟ لا ادري !! ولكن ما اقره قلبي ...
ان الدموع هي الانسان...
وان الانسان بلا دموع بقايا انسان....

شكرا دموع القمر
واتمنى ان تحوز الكلمات على اعجابكم



52 التعليقات:

ليس فقيرا من يحب يقول...

شكلى كده اول تعليق

احجز واقرى وارجع

أبو كريم يقول...

يا سيدى

ياسيدى

ايوه كده ايه الحلاوه دى يا دكتور

الـلـى بـيـهـواك خـلـيـــه ويــــــاك


والـلـى بـيـنـسـاك لـيــه تـفــكـر فـيــه


بالله عليك تنور الق الحروف

www.alqal7rof.blogspot.com

ليس فقيرا من يحب يقول...

كلمات متفائله ومحتاجه انسان

قوى وعنده ارادة

كل سنه وحضرتك طيب

العاشقه يقول...

الـجـرح مـسـيـرة ف يـــوم بيروح


ولا حد يعيش على طول مجـــــروح

نـنـسـى الأحــزان ونـحـب كـمـــان


الـحــب فــى اى زمـــان مـسـمـــوح
رااااااااااااااائع
جميل ما خطه قلمك
تقبل مرورى

7annen يقول...

الله الله الله

ايه الكلام الجميل دا يا دكتور


حلو اووووووووووووووى

تسلم ايدك

حنين

Romancia يقول...

كلام جمييييييل
كلام معقووول
منطقى خالص وموزون
:)

دموع القمر يقول...

كل ستة وحضرتك طيب يادكتور

بجد كلماتك جميلة جدا

اكيد النسيان دا حاجة عظيمة
لازم ننسى ونسامح علشان نعيش

مش منحقك تبكى على شان انسان
يادكتور الدموع هى الانسان
ان الدموع هي الانسان...
عند الأسى يعبر بها عن الاحزان
وعندما يبتسم له الزمان...
يذرفها فرحة وامتنان...
وفي كثير من الأحيان...
هي دليل الشقاء والحرمان...
ولكنها قليلا ما تكون دموع حب وامان...
ونادرا نادرا ما نبكي امتنانا او عرفان...
ليس لأننا افتقدنا للتقدير والاحترام...
ولكن لان من يمنح الحب اصبح يداس تحت الأقدام...
فأصحبت الدموع هي الانسان...وهناك الحب ذل واستعباد وكرامة تهان...
والغش والزيف والخداع هم سر الاطمئنان...
كيف؟؟؟ لا ادري !! ولكن ما اقره قلبي ...
ان الدموع هي الانسان...
وان الانسان بلا دموع بقايا انسان....


دايما ومعرفش ليه الحبيب ان غاب يظل فى قلوبنا وان اتى يغيب عن عقولنا

بس المفروض العكس

عيش الحياه لان الحياه حلوة
اوعى تلبس التضارة السوداء

دموع القمر يقول...

سعيدة جدا بزيارتى للمدونة واتمنى ان حضرتك تنورنا

blue-wave يقول...

ليس فقيرا من يحب
***************
اوك
فى الأنتظار

blue-wave يقول...

ابو كريم
********
ربنا يكرمك

blue-wave يقول...

ليس فقيرا من يحب
****************
الكلمات دى المفروض تكون جوا كل واحد فينا
وكل سنه وانتى بالف خير

blue-wave يقول...

العاشقه
********
الأجمل هو مرورك سيدتى
تحياتى

blue-wave يقول...

7aneen
******
{بنا يكرمك يا رافعه معنوياتى دايما

blue-wave يقول...

romancia
*********
:)))

blue-wave يقول...

دموع القمر
***********
كلماتك دائما فى الرد على البوستات بتبهرنى
اسمحيلى اضيفها للبوست لأنها فعلا جميله

عاشقه الرومانسيه يقول...

انا جيت اهو يادكتور
بس اتلخبطت خالص
اسماء المدونات اتغيرت ليه؟؟؟؟؟؟
انا افتكرت ان العنوان غلط
وكنت هامشى لولا لقيت توقيعك


ورسالتك وصلت والحمد لله
مش تقلق عليا انا بخير

تحياتى

salwa يقول...

السلام عليكم د.عمرو
ولا حد يعيش على طول مجـــــروح
نعم فالانسان ابن النسيان
و الدموع احيانا تجعل الانسسان يفوق
سلام

دموع القمر يقول...

بجد شرف ليا يادكتور عمر

مش عارفة اقول ايه...................



كل سنة وحضرتك طيب

دموع القمر يقول...

يارب دائما كدا كلماتى تنال اعجاب الجميع

جزاكم الله خيرا

yasmina يقول...

السلام عليكم
بجد وخقيقى دى اجمل كلمات سمعتها فى حياتى يمكن لانى عايشاها على طول
وحضرتك بتقول انساها بس بجد مش بالسهولة دى تنسى بالعكس دى اصعب حاجة فى الدنيا هى النسيان
وحتى لو نسيتها حبة شويه وهقابل اى حاجة تفكرنى بيها وارجع تانى لنفس الموضوع
بس حضرتك عارف اللى مهون عليا المدونة والدراسة وكل حاجة انا مشغولة بيها يمكن هى دى اللى بتنسينى شوية واهى بتعدى
وبجد دى اجمل فرصة ليا انى اقرا الكلام الجميل دة
كل سنة وحضرتك طيب
ورمضان كريم
وادعيلى انى اقدر انسى لان هو دة حلى الوحيد

yasmina يقول...

الى دموع القمر
بجد وحقيقى الكلام يجنن وفعلا دكتور عمرو ليه حق ان ينشرة على المدونة
لان بجد الكلام يستاهل
وصاحبة الكلام الجميل دة اكيد برضو تستاهل وبجد لو كل الناس اتعلمت تنسى الحياه هتبقى جميلة اوى
ورمضان كريم

فتاه من الصعيد يقول...

كلماتك مفرطه في التفاؤل ..... وكلمات دموع القمر مفرطه في الحزن والاحساس بالأسى ..... لكنه المزيج الحياتي لنا

كلمات جميله كالعاده

Pink Dreams يقول...

كلماتك جميله قوى قوى زى ما عودتنا

وكلمات دموع القمر فعلا تستحق انها تضاف على البوست

تقبل تحياتى

rssamet_algera7 يقول...

الـلـى بـيـهـواك خـلـيـــه ويــــــاك


والـلـى بـيـنـسـاك لـيــه تـفــكـر فـيــه

كلمات حلوة كتير باحساس احلى واحلى

الف عافية لعيونك خيو
وتحية لكلمات دموع القمر المعبرة..

احترامـيّ..

dramaqueen يقول...

بقى كدة يا دكتور

تعمل مدونة تانية وتنسى صحابك القدام

عموما كل سنة وانت طيب

مش هاعتبك لانى فرحانة انك لسة بتكتب حاجات جميلة

بص بقى
مهما كان الوجع
اكيد هننسى
وان شاء الله ربنا شايل خير بعد كدة
محدش يعرف الغيب

عاشقة الأحزان يقول...

السلام عليكم يا دكتور

ربنا يكرمك بجد كلامك عسل وسكر زيك دمت متالق دايما ومبدع

وكلمات دموع القمر هايله
مزيد من التوفيق والرقى
ايناس

مي يقول...

ماشاء الله عليك كلماتك رائعة جداااااااااااا وشكرا لدموع القمر بجد احساس عالى وراقى
تحياتى يا مبدع

عاشقه وغلبانه يقول...

اما انا مفروسه منك بشكل..((

blue-wave يقول...

عاشقة الرومانسيه
****************
معلش
التغيير مطلوب برضه
المهم
عايز اطمن عليكى دايما
عايز اشوفك دايما احسن
ربنا معاكى

blue-wave يقول...

salwa
******
دائما ما تعبرى بكلمات قليله عن معانى كثيرة
تحياتى

blue-wave يقول...

دموع القمر
***********
كلماتك بالفعل تستحق ان تضاف كى يقرأها ويستمتع بها جمهور اكبر
مستنى تقدمك على طووول يا موهوبه

blue-wave يقول...

yasmina
********
بصى يا ياسمينه
محدش قال ان النسيان سهل
لكن احنا لازم تكون عندنا ارادة
وعندنا امل
احنا مش ضعاف علشان نربط حياتنا ببنى ادم مهما وصلت غلاوته عندنا
محدش بيكون اغلى على الواحد من ابوة وامه
ومع كدا بيكمل حياته بعد وفاتهم
عمر الدنيا ما بتقف على حد
بنتخنق اة بنبكى برضه اة
لكن بنفوق
بنعرف ان لسه الحياة فيها بقيه
ولسه هانقابل ناس تانيه هاتنسينا الأولانيين
ولسه فيه رب اكبر وابقى من كل البشر
صدقينى انا عدت عليا فترة قلت فيها ان الموت اهون
لكن عدت
والله عدت
والله العظيم عدت
اشغلى نفسك باى حاجه
قربى لربنا
اعرفى ناس جديدة
ولما تفتكرى الماضى
افتكرى بس انك اقوى من انك تضعفى وتتهزى
وافتكرى ان عمر الدموع ما بترجع ماضى
فكرى فى الكلام دا كويس لأنه من واحد مر بنفس اللى مريتى بيه بس قدر يعديه
عايز اسمع عنك اخبار حلوة كتير
تحياتى

blue-wave يقول...

فتاة من الصعيد
***************
هو بالفعل كذلك
مش ناويه ترجعى بقى؟؟؟

blue-wave يقول...

pink dreams
***********
ميرسى ليكى
تحياتى

blue-wave يقول...

rssamet elgeraq7
******************
ميرسى لمرورك الكريم
تحياتى

blue-wave يقول...

drama queen
*************
انا عمرى ما انسى اجمل اصحاب
وانتى اكيد واحدة منهم
وعلشان كدا عديت عليكى علشان تعرفى مدونتى الجديدة
وعلشان مدونتك كمان كانت واحشانى
كل سنه وانتى بالف خير

blue-wave يقول...

عاشقه الأحزان
************
والله انتى اللى عسل
بس لو تسمعى الكلام وتغيرى عاشقة الأحزان دا
خليها عاشقة الأفراح
تحياتى

blue-wave يقول...

مى
***
ميرسى
ربنا يكرمك

blue-wave يقول...

عاشقه وغلبانه
***************
ليه بس؟؟؟
دانا غلبااااااااااااان

دموع القمر يقول...

بجد يادكتور

شهادتك ديا شهادة اعتز بيها

واضعها دائما وسام على صدرى

والله رفعتوا من روحى المعنوية

يمكن البعض مكنش بيصدق انى بكتب وعلشان كدا كانوا بيحبطونى

بس علشان كدا انا عملت المدونة

وكانت النتيجة والحمد لله كويسة

القصة دى انا بعتها لمجلة ميكانوا
وادوها لموقع لشباب مصر

والحمد لله قرأها 2045

وكاتبة قصص تانية بس عايزة تتظبط شوية لانى كتبتها وانا فى الثانوى

فتلاقى الاسلوب بتاعها عايز يتظبط

معلش طولت على حضرتك

تحياتى

fL0weR-giRL يقول...

السلام عليكم
____________

حلو الكلام اووووووي

ايه الجمال داه

** تقبل مروري **

^_^

call to liberty يقول...

كلام جميييييييل شكرا ليك اتمنى الزيارةhttp://orphanliberty.blogspot.com/

الفراشه الحائره يقول...

http://sotmoaq.blogspot.com جديد جدا على مدونة صوت المعاق و اول انطلاقه لنا حنسمعك صوتنا و بايدينا حنغير واقعنا

yasmina يقول...

السلام عليكم
بجد والله العظيم كلام حضرتك بيريح اوى
وانا فعلا فكرت فى كلام حضرتك كويس وفعلا كلام حقيقى ومنطقى . ان فعلا الدموع بتريحنا بس مش بترجع الماضى
وفعلا انا هعمل زى ما حضرتك بتقول اشغل نفسى بحاجة تانية واقرب من ربنا
انا بجد متاكدة ان الحاجات دى بجد هتريحنى كتير وهتنسينى كمان اكيد
وانا بجد وحقيقى والله متشكرة لحضرتك اوى ان حضرتك اهتميت بتعليقى ورديت كمان . وريحتنى من مشكلة كنت بعانى منها اوى اوى
وانا فعلا كان هاممنى اوى رأى حضرتك عشان كدة حبيت اجيى بسرعة واشوف الرد وفرحت اوى لما شوفته لان فعلا راى حضرتك يهمنى اوى
وبجد انا متشكرة لحضرتك اوى
وكل سنة وحضرتك طيب
ورمضان كريم
وبجد انا مش عارفة اشكر حضرتك ازاى
وياريت تشكرلى برضو دموع القمر على كلامها الجميل دة اللى فعلا يستاهل انه يتنشر فى المدونة الجميلة دى مش بس من جوه لا كمان من بره
سلام عشان ماطولشى على حضرتك . كفاية انى بشيل حضرتك همومى كمان
سلام

blue-wave يقول...

دموع القمر
**********
اى حد لازم فى البدايه يسمع كلام نقد كتير
المهم يكون واثق فى نفسه
وفى موهبته
تحياتى

blue-wave يقول...

flower girl
************
ميرسى ليكى وى
تقبلى تحياتى

blue-wave يقول...

call
*****
ميرسى
واكيد الزيارة قادمه

blue-wave يقول...

yasmina
*********
لا شكر على واجب
احنا واجبنا اننا نفضل كلنا جنب بعض فى اى ازمه
تحياتى

أميرة الرومانسية يقول...

ياااااااااااه اخيراً عرفت المدونة الجديدة يتاعك ياعم الدكتور عذبتني اوي طول الفترة اللي فاتت بعد ما لاقتني مش عارفة ادخل المدونة القديمة
بس بجد الف مبروك علي المدونة الجديدة وأن شاء الله من تقدم لتقدم
بجد افتقد اوي كلامك الفترة اللي فاتت

أميرة الرومانسية يقول...

ياااااااااااه اخيراً عرفت المدونة الجديدة يتاعك ياعم الدكتور عذبتني اوي طول الفترة اللي فاتت بعد ما لاقتني مش عارفة ادخل المدونة القديمة
بس بجد الف مبروك علي المدونة الجديدة وأن شاء الله من تقدم لتقدم
بجد افتقد اوي كلامك الفترة اللي فاتت

blue-wave يقول...

اميرة الرومانسيه
***************
ربنا يكرمك يارب
معلش تعبتك معايا
ربنا يكرمك بجد

maha يقول...

الامل دايما موجود وبالارادة والتحدي
نقدر نحقق كل شئ
كلماتك جميلة اوي واحساسك احلي
تحياتي