BLOGGER TEMPLATES AND TWITTER BACKGROUNDS »

الجمعة، 12 أغسطس، 2011

اغنيتى الممنوعه

بمناسبة نشر الحاجات الممنوعه

اغنيتى اللتى منعت فى عهد النظام السابق وكانت بمناسبة التعديلات الدستوريه وكانت السبب فى غلق المدونه



عدّل يا مبارك ف مواد الدســتـــــــــور

مـاهـو احـنـا الـسـاقـيـه وانـــت التور

لــف ودور بـيـنـا شـمــال ويـمـيـــــــن

مـاهـو احـنـا كــدا او كــدا راضـيـيــن

لــو قــولــت الــفاتحــــه نرد امــيــــن

لــو قـلـت مدد هــانـقـول دستــــــــور


عدّل يا مبارك ما نت طــلـعـت الـــــه

لــو حـتــى تـنـف نـــــقــــــــــول الله

اقـبــض عـلــى كــل الـمـلـتـحـيــــين

ولا تـشـغـل بـــالــــك بـفـلـسـطـيــــــن

لا عراق ولا ملــه عـــرب ولا ديـــن

مــالــــك انـــت ومــال كـل الأديـــــان


عدّل يا مبارك واوع تخاف اخــــوان

ولا بـوش وبـلـيـر ولا حـتـى زيــــدان

كــمــل تــطـبـيــع مــع اســرائـيـــل

عــاون امــريـكــــا وكـــون الديـــــــل

هات لنا وزارات بـتـهـــد الـحــيــــل

وكـــل وزيـــر نـبـنـيـلـــه تـمـثـــــال


عدّل يا مبارك وابدأ لنا بــجــمــــال

دا ولد موهوب ومالوهش مـــثـــــال

خـلـيــه يـكـمـل ويـجـيـبـنـا الأرض

ماوجودة علينا اصــبــــح فـــــــرض

من دمنا خليه يــاخــــد قـــــــرض

مـاهـو دمــنــا بـالـنـسبــالـه حـــــلال

د/عمرو فاروق.

49 التعليقات:

فتاه من الصعيد يقول...

مالحقش يغدل يا عيني :((

بس انا اول مره اعرف ان مدونتك اتقفلت ..

عموما اهو خد الشر وراح السجن :)

fOsDö2ä يقول...

سلام عليكم و رحمة الله و بركاته
حلووووة العودة القوية دي ماشاء الله :)
قريت كل البوستات من بعد "الاشتياق و العودة"

الحمدلله ربنا رحمنا منه ...
يااارب البلد تنضف و حالها يتصلح قريب :(

يسلم قلمك يا دوك :)

sara adel draz يقول...

مؤلمة اوى
الحمدلله اننا خلصنا منه

واحد من العمال يقول...

خلاص ماعدش فيه ممنوعات
بس ربنا يتمم الحريه لينا ولمصر وساعتها حتبقى أحلى وأجمل

وكل عام وأنت بخير حال

بسمة الورد يقول...

عدل يامبارك وافضل عدل
ماراحت والله عليك واتأندل
واتبدل بعد حاجاتك فرض
كنا واخدينة بصبر الارض
بصبر شبابنا واهوم جدعان
رجعت تانى لينا عزيمة وعرض

بجد الله عليك كلمات ولا اروع ,, بس سمعناها وقلنا والله زمااااااااان يامبارك الحمد لله انه اتخلع

سلمت الايادى تقبل مرورى واعجابى بقلمك اخى

ريبال بيهس يقول...

صباح الورد

بإذن الله تتحرر مصر من كل قيود

الديكتاتورية وتصبح بلد الحريات بكل

المجالات وأما الظالم فسوف يأخذ جزائه

بأمر الله مهما طغى وتجبر هذه هي نهاية

كل ظالم ...

مبروك عودة المدونة وصدقني جيوش

العالم لن تستطيع تكميم الأفواه ..

تحياتي وإحترامي

فيشة بنت كبس يقول...

SIMPLY......تحفة:)))

زهرة يقول...

عوداً أحمداً

كلمات الاغنيه واقعيه وجميله

تحياتى :)

engy يقول...

بجد رائعه ماشاء الله
وخلاص الحمدلله مبقاش فى ممنوع وان شاء الله لسه الخير جاى اكتر
:)

Just Me يقول...

**********************************


عـذبُ الكـلام


************************************************

Noha Saleh يقول...

رمضان كريم
وكل عام وانت بخير

iـــــــــــsــــــــــlــــــــــــaـــــــــm يقول...

ان شاء الله يغور خالص ونرتاح

sweet angel يقول...

حمدالله ع السلامه من جديد
نورت بلوجر

شمس النهار يقول...

:))
ضحكتني احنا الساقية وانت التور دي

yasmina يقول...

تحفاااااااااااااا

تحفااااااااا بجد

عجبتنى اوى

بس انا برضو مش فاهمة
ازاى الاغنية دى اتمنعت وهى السبب فى غلق المدونة
!!!!!!!!!!!!!

المهم
يارب تكون حضرتك بخير
والاغنية تحفااا
ورجوع قوى جدااا
بسم الله ما شاء الله يارب دايما

تحياتى
ورمضان كريم

فانداليسيا يقول...

بصراحة عاجبنى طابع السخرية ف اللى قريته ف المدونة

من إبداع لإبداع إن شاء الله :)

فانداليسيا يقول...
أزال المؤلف هذا التعليق.
Ms Venus يقول...

كلمات قوية وصحيحة

Heba Faruq يقول...

بقدر ما هي مؤلمة لكن الآن بعد الثورة لها مذاق مختلف وسيكون مذاقها أجمل عندما تتحقق العدالة إنشاء الله

مع تحياتي

ياسمين يقول...

هي جميل
الإ جملة بتاع
عدّل يا مبارك ما نت طــلـعـت الـــــه
أسجل اعتراضي الشديد عنها
والباقي ف التمام
شكراا

wella يقول...

مالحقش يعدل الحمد الله مالحقش يكمل الفليم بتاعة

طلع دلوقتى ممنوع يادكتور بس خلى باللك من حكم العسكر :(

blue-wave يقول...

فتاة من الصعيد
**************
اتقفلت بعد نشر الأغنيه دى بساعه واحدة
كانوا شايفين شغلهم بتوع امن الدوله:))

blue-wave يقول...

fosdo2a
*******
امين يارب
نورتينى ونورتى المدونه والدنيا بحالها

blue-wave يقول...

sara
*****
عقبال الفلول:))

blue-wave يقول...

واحد من العمال
**************
تفتكر دا هايحصل ازاى وسط الفوضى اللى احنا فيها دى؟؟؟؟؟؟؟

blue-wave يقول...

بسمة الورد
***********
وتقبلى اعجابى بقلمك المميز فى الردود اختى الحبيبه

blue-wave يقول...

ريبال
******
دا اكيد سيدى الفاضل
ولكن
علينا فقط ان نحذر من تحول الحريه الى فوضى كما نحن عليه الآن

blue-wave يقول...

فيشه
****
انتى الأتحف:))

blue-wave يقول...

زهرة
****
شكرا
تحياتى لمرورك

blue-wave يقول...

engy
*****
آميييييييييييييييييييين

blue-wave يقول...

just me
*******
اعلان
كلاكيت تانى مرة:))

blue-wave يقول...

noha
*****
وانتى بالف مليون خير

blue-wave يقول...

islam
*****
امين يا اسلام

blue-wave يقول...

sweet angel
***********
البلوجر منور بيكى والناس الحلوين اللى زيك
تحياتى

blue-wave يقول...

شمس النهار
*********
دا اللى كنت حاسه:))
تحياتى

blue-wave يقول...

yasmina
********
نشرتها وبعد ساعه لقيتنى مش عارف ادخل على المدونه
عموما اهو عهد وراح:))
منورانى كالعادة

blue-wave يقول...

فانداليسيا
**********
منورانى فعلا
تحياتى

blue-wave يقول...

ms venus
********
شكرا للمرور الكريم

blue-wave يقول...

heba
****
امين يارب
تحياتى

blue-wave يقول...

ياسمين
*****
هو اسلوب سخريه وليس تقرير
زى ما اقول لواحد ليه ياعم هو انت ربنا؟؟؟؟؟؟
سخريه وتقليل من الشأن وليس تقرير
نورتينى

blue-wave يقول...

wella
******
ربنا يستر بقى:))

Carmen يقول...

كل سنة وانت بالف خير يارب وعيدسعيد عليك :)

salwa يقول...

السلام عليكم
يااااااااااااااه
لا حول و لا قوة الا بالله
الله يحمي ام الدنياااااا
و يوحد الصفوف و يثبت الخطى
تسلم الايادي و عيد فطر سعيد

Mo2M3N-MiLo يقول...

مبارك مدلع الشعب و مخليه يقول شعر و اغانى فينك يا كبير يا خسارة مرمى زى شب الجيل ما اترمى فى بروش و قاعد على الحصير

عازفة الالحان يقول...

اغنية جَميلُه جداً .,

وربي ييسِر لكم اموركُم

دمت بخير

yasmina يقول...

غيبة طوييييلة اوى

يارب تكون حضرتك بخير دايما يارب

هستنه تعليق حضرتك واجابه
ويا ترى ايه المشكله اللى واجهتها فى المحادثة وهتكلم عنها فى البوست اللى جاى ؟؟؟؟؟؟

تحياتى

gogo!sf يقول...

حلوة يا عمرو
ليهم حق يمنعوها انت مرمطهم يا ابنى
بس الصراحه يستاهلو لانك مش قولت حاجه غلط كله صح ومظبوط

تسلم ايدك وربنا يوفقك يا دكتور
جوجو

Bipolar-Girl يقول...

حمد الله علي سلامتك

Banota يقول...

السلام عليكم
ازيكوا كلكوا .. وحشنى كل المدونين و ياريت تكونوا لسه فاكرنى

منى