BLOGGER TEMPLATES AND TWITTER BACKGROUNDS »

الاثنين، 1 مارس، 2010

الى الغير معرفه


يـــا غير معرفــه يا جــبــانــه

ياللـــى داخــــله تـشـتــــــمى

بكتبلك انا هــنـــــا وامـــانـــه

تحاولــى تـقـــرى وتـفـهـمـــى


مـش انــا اللـى بـتـهـــز لكلمه

ولا انا اللى تكسرنى الصدمه

غــلـطـتـى وشـتـــمتى وقولتى

وقادر ارد انــــــا الـلـكـمــــه


انا اللــى يـعـرفـنـى كــــويـس

هايــعــرف ان انـــــا كويس

واللــى هـايـصــدق كـــــلمـــه

يبقى مـــــش حـد كــويــــس


حـبـايــبـى واخــواتى واهـــلى

اللى مــالــيــيــن الــدنــيــــا

عـارفـيـنـى عـــارفين اخلاقى

ومــش هــايـتـهـزوا لـثانيه


انا عمرى ما غلطت باحساس

والحمد لله على الإحسـاس

كــلامــى حـبــوة كــــل الناس

ودا اللى عمل عندك مـاس


يــا غـيـر مـعـرفه يـا جــبانه

يـالـلـى داخــلــه تـشـتــمى

بكتبلك انا هنا وامانــــه

تحاولى تــقــرى وتــفــــهمى


كــلامــك المــلـيـان حـــرقه

بــيــأكــد انــك مـــحروقه

واسمك المكتوب ســـرقــــه

بــيـــأكد انــك مـــسروقه


بـتـغلـــطــى فـيـــا وانـــتى

جبانه بالصوت والصورة

ولــو عـرفـتـيـنـــى كـنـتى

خرجتى كدا برة الصورة


مش معنى انك مفروســــه

تشتغلى كدا زى السوســـه

وتنخرى فى البسبــوســــه

ومخاطرتك مش محسوسه


وفى النهايه بقول انـــــتى

مهما عملتى و فبركــتــى

انا ثقتى فى الله موجــودة

واخواتى هنا هما عيلــتى



د/عمرو فاروق.

21 التعليقات:

صيدلانيه طالعه نازله يقول...

ايوووووووووووووه كده
انا برضه بقول الاسايطه ميستسلموش بسهمله كده
انت رديت الرد الصح بالطريقه الصح من غلط و لا شتيمه

مبسوطه قوى انك رجعت بسرعه و متاخرتش
عووووووووود احمد

مين احمد ده
مش مهم بقى المهم انك رجعت

بس حلو موضوع البسبوسه ده
بس البسبوسه بتلم نمل مش سوس على فكره

بس انت حتعرف منين الكلام ده

مبرووووووووووووووك مره تانيه

صيدلانيه طالعه نازله يقول...

ايوووووووووووووه كده
انا برضه بقول الاسايطه ميستسلموش بسهمله كده
انت رديت الرد الصح بالطريقه الصح من غلط و لا شتيمه

مبسوطه قوى انك رجعت بسرعه و متاخرتش
عووووووووود احمد

مين احمد ده
مش مهم بقى المهم انك رجعت

بس حلو موضوع البسبوسه ده
بس البسبوسه بتلم نمل مش سوس على فكره

بس انت حتعرف منين الكلام ده

مبرووووووووووووووك مره تانيه

كيــــــــــــارا يقول...

ياربي

منا نزلت بوست عن الغير معرف قبل كدا

اكبر غط انك تقفل مدونة

عامة اهم شي انك رجعت

بس بعيدا عن الموضوع الخاطرة دي فيها كلام موتنى من الضحك جااااامدة


في الاخر

مش هقول غير

الشجرة المثمرة هى التى ترمى بالحجارة

GiGi world يقول...

دكتور ياريت مايهمكش ولاتحط بالك فى اي حاجه حضرتك انسان محترم وكلنا نعرفك


وموضوع الكلام اللى كتبته فى البوست اللى فات طبعا معاك حق
يعنى اللى تتجوز بالطريقه دي صح اكيد لا يعنى ولايرضى دين ولا دنيا
انا طبعا مااعرفش اساس الموضوع لكن موضوع الزواج بالطريقه دي اكيد غلط



تحياتى ليك يادكتر روق وارجع ومايهمكش من حد بدل انت صح وبترضى ربنا فى تصرفاتك

لولا وزهراء يقول...

دكتور عمرو
-*-*-*-*
جميل انك قررت عدم غلق المدونه
ممكن اقول لك حاجه بسيطه ولكل الاخوه والاخوات ..........
انت عارف اننا كمجتمعات شرقيه مش بنعرف نختلف بادب اه والله العظيم انا فاكره لما كنت اخد اول كورس نقد فنى فى حياتى المحاضر قال ممكن واحد تساله ايه رايك فى الفيلم ده يقول لك الفيلم سافل ووقح طيب ماشى قول ايه اللى مش عجبك يقول لك هو كده وخلاص ......
اولا مش لازم اى حاجه تهزك طالما ان حضرتك واثق فى ربنا سبحانه وتعالى وكمان واثق ان الناس اللى بيدخلوا يقراوا لك ويردوا على بوستاتك ..
ثانيا اى حد محترم يدخل يرد باسمه والحساب بتاعه
ثالثا مش كل حاجه تضايقك تروح تقول هاقفل المدونه لسبب بسيط انك المفروض تكون اقوى من كده
المهم بقى بمناسبة رجوع المدونه وعود احمد
اه صحيح احمد ده ابن خالى وانتيمى كمان
المهم عاوزه جاتووووووووه وعصير مانجو ممكن او غالى عليا
ربنا يوفقك ويكفينا جميعا شر الغير معروفين ........

زهراء

7annen يقول...

وفى النهايه بقول انـــــتى

مهما عملتى و فبركــتــى

انا ثقتى فى الله موجــودة

واخواتى هنا هما عيلــتى

صح يا دكتور

لاسع افندى يقول...

طيب كويس الشتيمه جابت نتيجه حلوه
لولا غير المعروف كنا هنشوف كلامك الحلو ده ازاى


تحياتى

star in the sky يقول...

يمكن معرفش حضرتك من زمان

بس احلى حاجة ان الواحد يواجه اى حاجة تقابله فى حياته وميستسلمش ببساطة لانه على حق ولانه صح

ريمان يقول...

ولا يهمك يا دكتور معلش

روق كده

متزعلش نفسك

بس بجد كلامك فى الجون

المهم حمد الله على سلامتك

مش تغيب بقى تانى

مي يقول...

ههههههههه والله العظيم انت زى العسل
حتى الغير معروف
ميعرفش انه وقع مع اكبر شاعر هع هع هع
ايوة كده ياعم ارجع الغير معروف اللى بيدخل ويشتم زى الهوا ولا يأثر فينا
هههههههه بس حلوة الكلمات تسلم ايدك يا عمووووووور(؛

ضحكات الحياة يقول...

السلام عليكم

ايوة يا د /عمرو
قول للغير معروف و عرفه هو مين

بجد بجد جامده عاش قلمك

دومت مبدعا

e_emy يقول...

جامده جداا جدااااااا

(:

Ms Venus يقول...

ايوة كده يا دكتور


وبعيدا عن سبب الكلام فهو طبعا جميل اوى

تحياتى ليك

فتاه من الصعيد يقول...

على فكره ممكن غالبا يكون غير معرف ... يعني راجل

واعتقد ان اي حد مدون بيلاقي غير معرف بيشتم بينفضله

انت مدي الموضوع اكبر من حجمه

تحياتي

мαησηα يقول...

لووووووووووووووووووولووووووووووووووووووووووووووووووووووووووووووووى

الف مليون مبروك

نورت بلوجر ياحمايا العزيز

مش عارف اقول ايه بقه

بس خلاص

سلام

Eno يقول...

د. عمرو

لو غيرت اسم وشكل مدونتك مليون مره خلاويص بأه مش هنتوه عن الاسلوب والكلمات الجميله دي بس المره دي شكل في حد مضايقك :)

تحياتي:)

غير معرف يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

اللي عندي قولته في مدونة كلام عيب
وبعدين ليه فتحت الغير معرف موش كنت قفلته

بجد انسان غريب

ربنا يحفظنا منك ومن امثالك يارب

blue-wave يقول...

يمكن بحاول اتغير
ويمكن محتاج رأيك

blue-wave يقول...

على فكرة انا مش وحش اوى كدا
ليا اخطائى لأنى بشر
مش ملاك لكن برضه مش شيطان

غير معرف يقول...

أيووووووووه محتاج رأيي بعد ده كله
عارف لما تشوف الظلم في فيلم عربي وتقول ياه على ظلم البشر وغدرهم معقول في حد كده معقول دي او ده يستاهل الجرح والغدر
اهو انا بالذات مستحيل اقول فيك حاجه غير اللي شوفتها بعيني عشان اعز حد عندي كانت هتروح مني صحيح موش اختي شقيقتي بس بنت خالتي واكتر من اختي وصحبتي وكل حاجه ليا

متهيألي إنك شفت رأيي فيك كذا مرة وبسبب اللي عملته فيها لاهي هتشامحك ولا انا هسكت طول ما في اللي زيك

دي بسببك قعدت شهر في مستشفى طيبة بفيكتوريا عايشة على محاليل وشايفة الدنيا كلها شر وموش مصدقة ان في خير في الدنيا
بسبب وهم الحب اللي عيشتها فيه
بجد منك لله

اتمنى بجد تراعي ربنا في بنات الناس شويه عشان متجنيش اللي عملته فيها

وبرده حسبي الله ونعم الوكيل فيك وفي اي حد زيك
صحيح انت موش ملاك وبشر زينا وبنغلط
بس عالاقل كله الا مشاعر الناس لما حد يدوس عليها لازم يعرف ان في ربنا مبيغفلش وبيرجع الحق

blue-wave يقول...

انا تقريبا عرفت انتى بتتكلمى عن مين
لكن اقسم بالله قسم يحاسبنى عليه ربنا انى مالعبت بيها ولا بمشاعرها ولا عرفت حاجه من اللى بتقولى عليه دا
انا حبتها والله العظيم حبيتها لكن الظروف كانت ااقوى من اننا نكمل مع بعض وانا قولتلها دا وهيا فهمتنى انها فاهمانى ومعرفتش حاجه عن اللى حصل بعد كدا
ليكى حق تقولى عليا اللى بتقوليه طالما شايفه الموضوع من وجهة نظر واحدة