BLOGGER TEMPLATES AND TWITTER BACKGROUNDS »

الاثنين، 1 فبراير، 2010

الكاس السابعه




والكـاس الـسابـعـــه جـــــــــــــت

والــتــالــتــــه عــلى التوالى

قـلـبــــى فــــرحــــان بــــجــــــــد

بالـعــنـــد فـــى الشــوالـــــى


من بين رجلين ايتو ودروجـبــــا

وغــزال ورفـيــق حــلـيـــش

جدو اللى مســافـــر لأوروبـــــــا

قال مصر وغيرها مـفـيــــش


وببطن الرجل اهـــو ركــنـهـــــا

وهاتها من الشبكه يا كــنـــج

تركة ابوتريكه اهو صــــانــهــا

وبرجله بقى بيدى الـــبـــنـج


تسلم يا مـعـلـــم يـا شـحـاتـــــه

من غير فلسفه كدا ببساطـــه

جـبـتـلـنــا 3 كــاس افــريـقـيـــا

واسم مصر بقى فى العـــلالى


قلـبـــى فــــرحــــان بــــجـــــــد

بـالــعــنــد فــى الــشـــوالــى


امـا عــن الـصـقـر انـا هـــاتكلم

وهـاقــول وهـغـنـى وهــــاعيد

احسن لـعـيــب اة يـــا مـعـلـــــم

وكـمــان بـقـى هــوا الـعـمـيــد


ومعوض عبد الشافى وفتحــــى

والـمـحـمـــدى فى الإمــتــــاع

احلى بكات اة يا مصر فتحتــــى

شــوارع فـــى اى دفــــــــــاع


اما الحضرى السد الــعــالـــــى

وجمعه الصخرة الدهبــيـــــــه

ف دول ماغابوش يوم عن بالى

وجابولنا الكاس احلى هديــــه


ربنا يحميكم يــا شــبــابـــنــــا

رجعتولنا تانى كـــرامـــتـــنــا

نقدر نمشى ورافعين راســـنــا

وسلملنا عل المونديـــالــــــى


قــلــبــــى فـــرحـــــان بـجــــد

بالــعــنــــد فى الـــشـــوالـــى


د/عمرو فاروق.

37 التعليقات:

الوفية للأبـــد -- مها أحمد يقول...

اول كرسي بسرررررررررررعة

الوفية للأبـــد -- مها أحمد يقول...

الله بجد على الفوز طعمه جميل جميل جميل

و بجد كرامتنا رجعتلنا

انا بقول في نفسي بس حاجة واحدة
ان منتخب من المنتخبات اللي في كاس العالم
تحترم نفسها كده و تبعت برقية فورية للفيفا بتطلب فيه انسحابها و تبديلها بمصر في كاس العالم ده اقل واجب و الله

هههههههههههههههههههههههههه

بس طبعا ده مجرد حلم ليا

شكرا لرجالة مصر
لكن انت ليه بتقول بالعند في الشوالي ؟؟؟
انا بحبه اوي و متاكدة زي الملايين انه بيحب مصر اوي و اي بلد عربي بيمثل العرب


شكرا يا عمرو على كلامك الرائع ده
مع خالص تحياتي و تقديري

شموسة يقول...

الله ع الاحساس بالنصر اللي موجود بين كلامك يادكتور عمرو ، وعموما ده مش جديد عليك ... اهنيك علي الكلمات الجميلة دى
تحياتى ليك يادوك

صيدلانيه طالعه نازله يقول...

ههههههههههههههه
حلوه حكايه البنج دى
تخيل فعلا الشوالى امبارح مكانش قادر يعلق و لا قادر يتكلم

معلش برضه نعذره المصاب اليم و الحادث جلل

و بعد الماتش ما خلص كانه فى عزا
و انا من هنا باقوله منجيلكش فى حاجه وحشه

ههههههههههههههههههه

الف مليون دشليون مبروك

على رأى مصطفى الاغا
هما دول المعلقين بجد مش الشوالى و علاء صادق
اللى برضه بالليل يا عينى كان شنبه حيقع من الغيظ و كان بيضحك غصب عنه



و بعدين انا جايه ابارك و انت مباركتليش


مبروووووووووووووووووووووك لمصر

لولا وزهراء يقول...

دكتور عمرو
-*-*-*-
مبرووووووووووووك لنا ولاهل مصر ولكل الوطن العربى
الفرحه لها طعم حلو بجد
ربنا يكتر افراحنا
ويفرح قلوبنا
المصريين شعب طيب وغليان وكان لازم يفرح وربنا ينصرنا
الشعر بتاعك تحفه طبعا وحاسه والله انه اتقال من قلبك وعقلك
كل واحد فينا نفسه سقول كلام كتييييييييييير يمكن الفرصه مش بتيجى اننا نعبر عن حبنا لبلدنا لكن لما جيت الفرصه بانت فرحتنا بجد

تسلم يا عمور على كلاااااااااامك
وبالعند فى الشوالى وفى كل الناس الحقوده احنا معنا الكاس للمره التالته على التوالى

زهراء

بـــــسمة انـــــــــور يقول...

مبروووووووووك يا دكتور عمر
ومبروك للمصرين كلهم

كلنا فرحانين وبالعند فى المتغاظين كلهم هههههههه

فتاه من الصعيد يقول...

الف مبرروووووووووك لمصر

كلمات جميله .... بس ليه بالعند في الشوالي :)

تحياتي

بــــ الخطاب ــن يقول...

مبرووووووووووووووووك

الجواز و سنينه يقول...

حلوه اوى بجد
الفرحه دايما حلوه
يمكن فرحتى ساعه الجزاير كانت اكبر
بس اكيد الكاس ليه طعم حلو
مبروك لمصر
زى ما قال الريس منتخب مصر كويس
هو ده اللى قاله الريس بس ؟
هههههههههه

Ms Venus يقول...

الف الف الف مبروووووووووووك يا بلدى

مبرووك يا دكتوور

أميرة الأحلام يقول...

احساسك جميل جدا
وكلامك رائع
ومبروك لبلدنا ويارب دايماالنصر لمصر
مع خالص تحياتى

7annen يقول...

مبرووووووك لمصر

blue-wave يقول...

الوفيه للأبد
************
الف مبروك لمصر
اما بالنسبه للشوالى ف ماتتأكديش اوى انه بيحب مصر
دا قبل البطوله قال انا المرشحين كوت ديفوار والكاميرون وغانا والجزائر ومجبش سيرة مصر وكرر دا تانى فى اول مباراة لتونس فى البطوله قدام زامبيا
وفى مباراة الجزائر كان كأنه واكل سد الحنك ومش قادر ينطق
يلا الحمد لله ربنا سكتهم كلهم

blue-wave يقول...

شموسه
****
ميرسى
وربنا يبارك فيكى

blue-wave يقول...

صيدلانيه طالعه نازله
********************
ايوة هوا دا الكلام:))
الف مبرووووووووووك لمصر

blue-wave يقول...

زهراء
******
بالظبط كدا
والف مبروووك لمصر

blue-wave يقول...

بسمه انور
**********
كلهم واولهم الشوالى برضه:))

blue-wave يقول...

فتاة من الصعيد
***************
لأنه لم يكن يتمنى ولا يتوقع وصول مصر للنهائى اصلا
وكان مكتوم حتة كتمه فى ماتش الجزائر
يلا اهو ربنا كشفه علشان اللى فاكرينه بيحب مصر

blue-wave يقول...

بن الخطاب
*********
الله يبارك فيييييييييييك

blue-wave يقول...

الجواز وسنينه
*************
كفايه عليه انتى عارفه بقى حكم السن:))

blue-wave يقول...

ms venus
*********
ألله يبارك فيكى يا قمر

blue-wave يقول...

اميرة الأحلام
**********
الأروع هوا مرورك
تحياتى

blue-wave يقول...

7aneen
*******
الف مليون مبروووك

ليس فقيرا من يحب يقول...

يا سلام على الكلمات

مليون مبروووووووووووووووووك لمصر

ولكل المصريين

تسلم ايديك يا دكتورنا

إبتسامة ملاك يقول...

مليووووووووووووووووووووووون مبروك

عبرت بأحلى الكلمات

رربنا يديمها نعمه علينا يارب

لاسع افندى يقول...

الف مليون مبرووووووووووووووووك


تحياتى

rovy يقول...

الله جميله أوى بجد ..
تسلم ايديك يا دكتور
و يسلم ياارب كل فريقنا القومى و ربنا يحميهم كلهم ياارب و يحمى المعلم و يعيش و يعلم ..
الف مبرووووووووووووووك لنا كلنا

mira يقول...

مش لوحدك اللى فرحان يا عمرو مصر كلها فرحانه صغيرها قبل كبيرها
دة فوزونصر وكرامه اتردت وصوت اتسمع
وصورة اترأت على مرأى العالم كله
وعرفوا مين مصر ومين المصريين وعرفوا طريقه لعبنا وجدارتنا واخلاقنا وذوقنا
بس فى الاخر مش هاقول غير انه من تدابير ربنا سبحانه وتعالى علشان ينتقم لنا ويردوا لنا كرامتنا وحقنا
والف مبروك ليك ولكل المصريين
تحياتى

ঔღঔ نـــوارة ঔღঔ يقول...

كلماتك جااامدة

تسلم اييييييدك :)

والف ملييووووووون مبرووووووك لمصر

^ـ*

وردشان smilyrose يقول...

مبرووووووووووووووووووووك يا دكتور

ويارب دايما شعبنا فرحان

ويارب تكون بخير

اخبار النونو اللى انا عمته ايه

OlivE يقول...

لا دا كلام كبير
:)

لا كلامك حلو اوى
وتعبيراتك جميله جدا

سلمت يمينك

سلامى

صفــــــاء يقول...

الدكاترة يكسبو
ايه اشعار اوقات الفرحه الجميله دى

الف مبروك

همسة حب يقول...

السلام عليكم
الف مبروووووك لمصر
ويارب دايما ع الفرحه متجمعين
في حفظ ربي
السلام عليكم

dodoo يقول...

الفففففففففففف مبروووووووووووووووك لمصر

وبجد فرحانه جدااااا من كل قلبى لاننا فزنا باحترامنا واظهرنا للعالم كلللله اننا ناس محترمه وبنلعب باحترامنا

الف مليون مبروك لكل مصرى

مدحت محمد يقول...

الاحساس جميل

بس حاسسها متركبة

كلمة من اليمين على كلمة من الشمال ماامتعتنيش الكلمات بكل صراحة

Hager Za3bal يقول...

حلوه اووووووووووووي .. بس عندي سؤال: هو يعني ايه شوالي ؟

:)))))))))))))

دموع الورد يقول...

كلمات بجد روعة
وده فعلا احساسنا تجاه اللاعبين
والحمد لله
ربنا جاب لينا حقنا

دموع الورد