BLOGGER TEMPLATES AND TWITTER BACKGROUNDS »

الأربعاء، 13 يناير، 2010

الحياة


وقــــــابـــلــــتـــهـــــــــــــــــــــــا

اللى يــــامــــا حـلـمــت ااقــرب مـنـهــا

واللى كنت زمان كتير بشتاقلهــــا

واللى شــدتــنــــى ومــلانــــى حـبـهـــا


بعد فراق سنـــيـــن قــابــلتهــــــا

بــعــــد عــذاب ســنــيــــن شـــوفــتــها

عرفتنى من اول دقيقه عــرفـتـهـا

وجـــت عــلـيــا وانـــا قربت مـــنـــهـــا


وفى ثوانى افتكرنا سنين مضــت

وافتــكــرنــا ايــام زمــان اللى انـــقضت

وافتكرنا قصة ماتت وانـتـهـــــت

كــنـــا فــاكــريـــن انــنـــا هـــانــتـمـهـا


مدت ايديها وسلمت سلمت انــــا

ونسيت ساعتها البعد كان من كام سنـــه

وابتسمت عشان لاحظت انى انـا

كنت شايل ابنى وكانت شايله بــنــتــهـــا


واكتشفت ان الحياة دى عمرهـــا

مابـتـقــف عــلــى حــب راح ودا ســرهــا

يبقى ليه نتعب قلوبنا فى جرحها

سيـبــهـــا للــمــولــــى وهــــوا يــحــلها


د/عمرو فاروق.

41 التعليقات:

فتاه من الصعيد يقول...

فعلا هي دي الحياه

تحياتي

الطائر الجريح يقول...

جميل قوي كلامك ربنا يوفقك انا ملاحظة انك كل شويه بتكتب اكتر ربنا يوفقك كمان مرة

لولا وزهراء يقول...

عمرو
-*-*-*-*
هى دى الحقيقه فعلا
الحياه مش بتقف على قصة حب فشلت او حتى نجحت
مش بتقف على حد اتولد او مات
الحياه ماشيه احنا بس اللى ساعات بيكون نظرنا ضعيف ونفتكر ان الحياه ممكن تقف على اى حاجه او على اى حد

طبعا مش محتاج انى اقول رأيى انت عارفه من غير اى تعليق
بجد متألق على طووووووووول
ما شاء الله عليك والله اكبر علشان الحسد بس

ربنا يسعد قلبك ويسعد كل ايامك

زهراء

كلام عيب يقول...

مدت ايديها وسلمت سلمت انــــا
ونسيت ساعتها البعد كان من كام سنـــه
وابتسمت عشان لاحظت انى انـا
كنت شايل ابنى وكانت شايله بــنــتــهـــا

واكتشفت ان الحياة دى عمرهـــا
مابـتـقــف عــلــى حــب راح ودا ســرهــا
يبقى ليه نتعب قلوبنا فى جرحها
سيـبــهـــا للــمــولــــى وهــــوا يــحــلها

الجزء ده حسيته قوى لانه حصل معايا و حيحصل مع ناس كتير غيرى طول ما الحياه ماشيه
و لو فكرنا مش حنلاقى حاجه اسمها حب فاشل لانه بعد ما بينتهى بنكون اتعلمنا حاجه تخلينا نكمل حياتنا و نلاقى حب جديد و نحاول ننجح معاه

أميرة الرومانسية يقول...

يااااااااااااااااااه يا عمرو
متخيلتش وانا بقرأ البوست في أوله ان كل واحد فيهم اتجوز وخلف كمان وشايل ابنه
الدنيا ديه غربية اوي واللي بيحصلنا فيها اغرب ...بس عارف عجبني اوي ان كل واحد فيهم محتفظ بصورة جميلة لسه للطرف التاني
جميلة اوي بجد يا عمرو

romansy يقول...

جميله قوى يا دكتور الرومانسيه
فكره جميله
قوى
وكمان هى دى الحياه مبتقفش على حب بس يبقى الحب الاول هو اللى بيتحفر فى الذاكره دايما

ريمان يقول...

معاك حق يا دكتور

نسيبها للمولى هوا يحلها

بس بجد احساس صعب اوى اما حبيبن يتقابلوا بعد سنين فراق مرت عليهم

dramaqueen يقول...

حلوة اوى اوى

إبتسامة ملاك يقول...

ياااااااااااااااااه إحساس صعب وكلمات اجمل من قلب جميل
أنت رائع
تحياتى ليك
ومنتظراك عندى عملت بوست لليتيم اتمنا مشاركتك

تحياتى
نوسه

Mona يقول...

هى ديه الحياة فعلا - تسلم

sookra يقول...

تصدق بايه
قول بالله
لااله الا الله
انا كنت بحكى لحد اننا هنوصل للموقف دا فى يوم من الايام

ABOALI يقول...

كلماتك فعلا جميله جدا ولما بقراها دايما بحس انك تنفع شاعر للاغنيات ذى مثلا ايمن بهجت قمر كده او اجمد شويتين .
يلا بالتوفيق يا دكتور اهو كله علوم برضوا.

جارة القمر يقول...

سيبها للمولى وهو يحلها

salwa يقول...

السلام عليكم د.عمرو
نعم الحياة تسير و القطار لن يتوقف و الزمن لن يعود للوراء
بالتوفيق ان شاء الله
سلام

طوبه فضه وطوبه دهب يقول...

تلك هى الحياه مشاعر حاضره واخرى غائبه يوم مع من احببت ويوم مع من احبك لتستقر فى النهايه على لعبه القدر لتكون كما قدر لك وكما كتب عليك احساسها رائع

ليس فقيرا من يحب يقول...

جميله جدا جدا يا دكتورنا

هيا دى الحياه فعلا عمرها ما بتقف عند

حاجه راحت اوبنى ادم فارق

تسلم ايديك

blue-wave يقول...

فتاة من الصعيد
**************
فعلا
منورانى

blue-wave يقول...

الطائر الجريح
**************
ميرسى
تحياتى

blue-wave يقول...

زهراء
******
ربنا يكرمك يا قمر يارب
تسلميلى

blue-wave يقول...

كلام عيب
********
اتفق معاكى جدااااااااا

blue-wave يقول...

اميرة الرومانسيه
****************
ودا بالظبط اللى نفسه اقوله
مش لازم نكرة بعض علشان الظروف فرقتنا
اى اتنين اتفارقوا لأى سبب ليه مايفضلوش شايلين الذكرى الحلوة؟؟؟

blue-wave يقول...

romancy
********
بالظبط
ولو انى بختلف معاك فى حتة ان الحب الأول بيفضل فى الذاكرة دى

blue-wave يقول...

ريمان
******
هوا احساس مختلف
وغريب
تحياتى

blue-wave يقول...

drama queen
************
تسلميلى يارب

blue-wave يقول...

ابتسامه ملاك
************
ربنا يخليك يا جميل
واكيد جاى حالا

blue-wave يقول...

mona
*****
ميرسى

blue-wave يقول...

sookra
********
لا اله الا الله:)

blue-wave يقول...

aboali
******
ربنا يخليك يا رافع معنوياتى:)))

blue-wave يقول...

جارة القمر
**********
بالظبط كدا

blue-wave يقول...

salwa
*****
هوا كدا بالظبط

blue-wave يقول...

طوبة فضه وطوبه ذهب
*******************
وكلماتك اروع:))

blue-wave يقول...

ليس فقيرا من يحب
****************
تسلميلى يارب

حنين يقول...

جميله اوى يا دكتور
وفعلا ربنا اللى بيحلها
وهى الحياه كده والدنيا مش بتقف
عند حب راح وبنظن ان الحياه اسودت
واننا مش ممكن نعيش ولكن سبحان الله
بتمشى الدنيا وبنعيش حياتنا احسن ماكنا نتوقع .

سمكه واحده يقول...

الله جميله اوي اوي
فعلا الدنيا بتمشي
واهي ماشيه وبتعدي
يبقي ليه بقي نتعب نفسنا

enjy يقول...

حلوة اوى على فكرة

الفكرة جديدة فعلا عجبتنى اوى اوى اوى

blue-wave يقول...

حنين
*****
بالظبط
بس ياريت كلنا نقتنع

blue-wave يقول...

سمكه واحدة
********
ياريت كلنا نسأل نفسنا السؤال دا

blue-wave يقول...

enjy
*****
وانا مبسوط جدا لأنى عارف دماغك مش اى حاجه بتعجبها:))

OlivE يقول...

الله عليك

بجد حلوه اوى اوى
:)

احساسك جامد جدا

سلامى

melody life يقول...
أزال المؤلف هذا التعليق.
melody life يقول...

يــاعيني ,, كلام قمه في الروعه

الصراجه مدونه جميله جــدا أخي ,,


((كنت شايل ابنى وكانت شايله بــنــتــهـــا))

ما بعرف بس حسيت بشعور غريب لما قرئتها ..

عنجد كلامك جميل جــدا
موفق أخي :)