بمناسبة نشر الحاجات الممنوعه
اغنيتى اللتى منعت فى عهد النظام السابق وكانت بمناسبة التعديلات الدستوريه وكانت السبب فى غلق المدونه
عدّل يا مبارك ف مواد الدســتـــــــــور
مـاهـو احـنـا الـسـاقـيـه وانـــت التور
لــف ودور بـيـنـا شـمــال ويـمـيـــــــن
مـاهـو احـنـا كــدا او كــدا راضـيـيــن
لــو قــولــت الــفاتحــــه نرد امــيــــن
لــو قـلـت مدد هــانـقـول دستــــــــور
عدّل يا مبارك ما نت طــلـعـت الـــــه
لــو حـتــى تـنـف نـــــقــــــــــول الله
اقـبــض عـلــى كــل الـمـلـتـحـيــــين
ولا تـشـغـل بـــالــــك بـفـلـسـطـيــــــن
لا عراق ولا ملــه عـــرب ولا ديـــن
مــالــــك انـــت ومــال كـل الأديـــــان
عدّل يا مبارك واوع تخاف اخــــوان
ولا بـوش وبـلـيـر ولا حـتـى زيــــدان
كــمــل تــطـبـيــع مــع اســرائـيـــل
عــاون امــريـكــــا وكـــون الديـــــــل
هات لنا وزارات بـتـهـــد الـحــيــــل
وكـــل وزيـــر نـبـنـيـلـــه تـمـثـــــال
عدّل يا مبارك وابدأ لنا بــجــمــــال
دا ولد موهوب ومالوهش مـــثـــــال
خـلـيــه يـكـمـل ويـجـيـبـنـا الأرض
ماوجودة علينا اصــبــــح فـــــــرض
من دمنا خليه يــاخــــد قـــــــرض
مـاهـو دمــنــا بـالـنـسبــالـه حـــــلال
د/عمرو فاروق.
49 التعليقات:
مالحقش يغدل يا عيني :((
بس انا اول مره اعرف ان مدونتك اتقفلت ..
عموما اهو خد الشر وراح السجن :)
سلام عليكم و رحمة الله و بركاته
حلووووة العودة القوية دي ماشاء الله :)
قريت كل البوستات من بعد "الاشتياق و العودة"
الحمدلله ربنا رحمنا منه ...
يااارب البلد تنضف و حالها يتصلح قريب :(
يسلم قلمك يا دوك :)
مؤلمة اوى
الحمدلله اننا خلصنا منه
خلاص ماعدش فيه ممنوعات
بس ربنا يتمم الحريه لينا ولمصر وساعتها حتبقى أحلى وأجمل
وكل عام وأنت بخير حال
عدل يامبارك وافضل عدل
ماراحت والله عليك واتأندل
واتبدل بعد حاجاتك فرض
كنا واخدينة بصبر الارض
بصبر شبابنا واهوم جدعان
رجعت تانى لينا عزيمة وعرض
بجد الله عليك كلمات ولا اروع ,, بس سمعناها وقلنا والله زمااااااااان يامبارك الحمد لله انه اتخلع
سلمت الايادى تقبل مرورى واعجابى بقلمك اخى
صباح الورد
بإذن الله تتحرر مصر من كل قيود
الديكتاتورية وتصبح بلد الحريات بكل
المجالات وأما الظالم فسوف يأخذ جزائه
بأمر الله مهما طغى وتجبر هذه هي نهاية
كل ظالم ...
مبروك عودة المدونة وصدقني جيوش
العالم لن تستطيع تكميم الأفواه ..
تحياتي وإحترامي
SIMPLY......تحفة:)))
عوداً أحمداً
كلمات الاغنيه واقعيه وجميله
تحياتى :)
بجد رائعه ماشاء الله
وخلاص الحمدلله مبقاش فى ممنوع وان شاء الله لسه الخير جاى اكتر
:)
**********************************
عـذبُ الكـلام
************************************************
رمضان كريم
وكل عام وانت بخير
ان شاء الله يغور خالص ونرتاح
حمدالله ع السلامه من جديد
نورت بلوجر
:))
ضحكتني احنا الساقية وانت التور دي
تحفاااااااااااااا
تحفااااااااا بجد
عجبتنى اوى
بس انا برضو مش فاهمة
ازاى الاغنية دى اتمنعت وهى السبب فى غلق المدونة
!!!!!!!!!!!!!
المهم
يارب تكون حضرتك بخير
والاغنية تحفااا
ورجوع قوى جدااا
بسم الله ما شاء الله يارب دايما
تحياتى
ورمضان كريم
بصراحة عاجبنى طابع السخرية ف اللى قريته ف المدونة
من إبداع لإبداع إن شاء الله :)
كلمات قوية وصحيحة
بقدر ما هي مؤلمة لكن الآن بعد الثورة لها مذاق مختلف وسيكون مذاقها أجمل عندما تتحقق العدالة إنشاء الله
مع تحياتي
هي جميل
الإ جملة بتاع
عدّل يا مبارك ما نت طــلـعـت الـــــه
أسجل اعتراضي الشديد عنها
والباقي ف التمام
شكراا
مالحقش يعدل الحمد الله مالحقش يكمل الفليم بتاعة
طلع دلوقتى ممنوع يادكتور بس خلى باللك من حكم العسكر :(
فتاة من الصعيد
**************
اتقفلت بعد نشر الأغنيه دى بساعه واحدة
كانوا شايفين شغلهم بتوع امن الدوله:))
fosdo2a
*******
امين يارب
نورتينى ونورتى المدونه والدنيا بحالها
sara
*****
عقبال الفلول:))
واحد من العمال
**************
تفتكر دا هايحصل ازاى وسط الفوضى اللى احنا فيها دى؟؟؟؟؟؟؟
بسمة الورد
***********
وتقبلى اعجابى بقلمك المميز فى الردود اختى الحبيبه
ريبال
******
دا اكيد سيدى الفاضل
ولكن
علينا فقط ان نحذر من تحول الحريه الى فوضى كما نحن عليه الآن
فيشه
****
انتى الأتحف:))
زهرة
****
شكرا
تحياتى لمرورك
engy
*****
آميييييييييييييييييييين
just me
*******
اعلان
كلاكيت تانى مرة:))
noha
*****
وانتى بالف مليون خير
islam
*****
امين يا اسلام
sweet angel
***********
البلوجر منور بيكى والناس الحلوين اللى زيك
تحياتى
شمس النهار
*********
دا اللى كنت حاسه:))
تحياتى
yasmina
********
نشرتها وبعد ساعه لقيتنى مش عارف ادخل على المدونه
عموما اهو عهد وراح:))
منورانى كالعادة
فانداليسيا
**********
منورانى فعلا
تحياتى
ms venus
********
شكرا للمرور الكريم
heba
****
امين يارب
تحياتى
ياسمين
*****
هو اسلوب سخريه وليس تقرير
زى ما اقول لواحد ليه ياعم هو انت ربنا؟؟؟؟؟؟
سخريه وتقليل من الشأن وليس تقرير
نورتينى
wella
******
ربنا يستر بقى:))
كل سنة وانت بالف خير يارب وعيدسعيد عليك :)
السلام عليكم
يااااااااااااااه
لا حول و لا قوة الا بالله
الله يحمي ام الدنياااااا
و يوحد الصفوف و يثبت الخطى
تسلم الايادي و عيد فطر سعيد
مبارك مدلع الشعب و مخليه يقول شعر و اغانى فينك يا كبير يا خسارة مرمى زى شب الجيل ما اترمى فى بروش و قاعد على الحصير
اغنية جَميلُه جداً .,
وربي ييسِر لكم اموركُم
دمت بخير
غيبة طوييييلة اوى
يارب تكون حضرتك بخير دايما يارب
هستنه تعليق حضرتك واجابه
ويا ترى ايه المشكله اللى واجهتها فى المحادثة وهتكلم عنها فى البوست اللى جاى ؟؟؟؟؟؟
تحياتى
حلوة يا عمرو
ليهم حق يمنعوها انت مرمطهم يا ابنى
بس الصراحه يستاهلو لانك مش قولت حاجه غلط كله صح ومظبوط
تسلم ايدك وربنا يوفقك يا دكتور
جوجو
حمد الله علي سلامتك
السلام عليكم
ازيكوا كلكوا .. وحشنى كل المدونين و ياريت تكونوا لسه فاكرنى
منى
إرسال تعليق