وفات النص يا رمضان
ولسه فينا ناس ناسيه
ولسه فينا ناس قاسيه
وفينا ناس محستهاش
وفات النص يا رمضان
ولسه فينا ناس تبعد
وناس مع نفسها بتعند
وفينا ناس ماركعتهاش
وفات النص يا رمضان
وفينا لسه ناس صايمه
لكن لسه النفوس عايمه
وذل التقوى ماوصلهاش
وفات النص يا رمضان
وفينا لسه ناس قايمه
لكن وسط القيام نايمه
خشوع النفس لسه مجاش
وفات النص يا رمضان
وبرنامج ورا مسلسل
عشان كدا تبقى متسلسل
مع البيبسى مع الجلاش
وفات النص يا رمضان
ولسه الناس مع الياميش
لكن تقوى دى ماتلاقيش
ولسه الجاى هايبقى بلاش
وفات النص يا رمضان
وفينا لسه ناس غافله
وفينا لسه ناس قافله
مصاحف لسه دورها مجاش
وفات النص يا رمضان
ياترى ممكن نفوق تانى
نركز فى النص التانى
دا رمضان خيرة ما يخلاش
د/عمرو فاروق.