BLOGGER TEMPLATES AND TWITTER BACKGROUNDS »

الثلاثاء، ٣٠ مارس ٢٠١٠

حبى تانى


حـبـى تـانـى وعيشى تانى

واحـلـمـى بـأحـلى الأمانى

وانسى حبى وعشقى ليكى

شوق عيونى اللى مـاليكى

وابـدأى تــانـى حـيـاتـــــك

مـسـتـحـيـل نـتـلاقـى تانى


احـنـا عـشـنـا الـحب مـرة

وافـتـرقـنــا بـذكـرى مــرة

انـفـصـالـنا كان ضـرورى

شئ اكـيـد يـكـسر غرورى

كـنـت فـاكـر ان قـلــبـــــك

شئ اكيد مخلوق عـشـانى


والنهاردة انا جيت اقولـك

واعـتــرف انـى ظـلـمـتـك

بس ارجـوكـى تـسـامحـى

اعتذارى اهو ف ملامحى

وانسى فرحنا او دموعنــا

ذكــريـاتــنــا والأمـــانـى


د/عمرو فاروق.

12 التعليقات:

الزهرة البرية (Joudy) يقول...

ليته بداخلنا ذاك النسيان فدوما ما نقنع أنفسنا بأننا وصلنا إليه ولكن لم تكن سوى خدعة من أنفسنا حتى لا نواظب الضغط عليها لكى تنسى ولكن ما إن سثير ذاكرتنا شيئا من عطره نعلم أننا لم ننسى ليتدفق الاحساس وبقوة كأن شيئا لم يحدث . . .

تحياتى لكلمات يادوك دوما بستمتع بقراءتها وبلاش تطول فى الغياب

دمت بكل الخير والسعادة

صيدلانيه طالعه نازله يقول...

تفتكر هيا كانت مستنيه كلامك
عشان تنسى و تبدأ من الاول
معتقدش
لو عايزه تنسى حتنسى
بس للاسف النسيان مش بالكلام
النسيان ده اراده و قدره
و مش كل الناس تملكها

بس عارف لو هيا اتأكدت و اقتنعت انك ظلمتها
ممكن ساعتها تكرهك من جواها
لكن تنسى
صعب قوى

بوست جميل
تسلم عليه

Unknown يقول...

كلمة النسيان سهلة و النسيان اسهل
على الاقل بالنسبة ليا

لــــ زهــــــراء ــــولا يقول...

دكتور عمرو

-*-*-*-*-*-*

تعليقى المره دى يمكن يكون مختلف ....

طبعا اللى قايل الشعر رجل وقاله لانثى يا ما شاء الله ايه كمية التضحيه اللى فى حبه مع كامل اعتذارى الرجل بطبعه انانى وخاصة فى الحب حتى لو قصة حب انتهيت برضه بيحاول يعرف اخبار الطرف التانى كل فتره لتوضيح معظم الرجال كده لانى ممكن الاقى ثوره على كلامى .....

مافيش يرجل بيعرتف انه ظلم حبيبته او زوجته او خطيبته صعب اوى انه يعترف باخطائه
عجبتنى اوى شئ اكيد يكسر غرورى يعنى هى بيعترف ان غروره انكسر وانه ظلمه
ياااااااااه ايه الرجل الجميل اوى ده تبقى مش جدعه لو سبته بعد كل الاعترافات الجامده دى ده بيعترف ولا كأنه فى برنامج اعترافات ليليه

حتى اعتذاره باين فى ملامحه ياااااااه
حلوه اوى الكلام الكلام ده

معلش بقى المره دى الكومنت غير كل مره
تسلم الايادى


زهراء

غير معرف يقول...

محدش بيسنى بمزاجه وباختياره
دى مشاعر وذكريات وحاجات كتيرة بتبقى محفورة جوه الواحد بيعيش عشانها وبيها
ومش سهل ان الواحد ينسى حياته واجمل حاجة فى حياته كده ولا كان فى حاجة

Ms Venus يقول...

هو النسيان بأيدينا ؟؟


يا ريته كان بايدينا


كلمات جميلة يا دكتور طبعا كالعادة

ومعبرة جدا

تحية ليك

e_emy يقول...

جميله اووووووى

بس مفيش حاجه بتتنسى بسرعه للاسف ):

Haytham Alsayes يقول...

حـبـى تـانـى وعيشى تانى


واحـلـمـى بـأحـلى الأمانى
وانسى حبى وعشقى ليكى


شوق عيونى اللى مـاليكى
وابـدأى تــانـى حـيـاتـــــك


مـسـتـحـيـل نـتـلاقـى تانى




رائعة يادكتور عمرو بجد



تحيتي لك

راء يقول...

جميلة اوي يا دكتور

بجد تسلم ايدك

د. مونى يقول...
أزال المؤلف هذا التعليق.
د. مونى يقول...

آسفة ياعمرو بس بقالى فترة بدخل عندك واخرج بدون تعليق لانى مستغربة درجة الحزن اللى بتزيد معاك رغم انك بتبدع فيها
واسمحلى : لفتت نظرى الجملة دى فى مقدمة المدونة"شويه كلام زمان كان من القلب دلوقت بقى من الإحساس لأن القلب مات"
ومش عارفة ليه ذهلت

انت قلبك مات؟؟؟!!!

البوست هايل كالعادة وعميق

تحياتى """" واعتذاراتى""""

ghada mOhsen يقول...

مش عارفه ليه أثرت فيا أوي كلماتك ..

يمكن عشان إحساسها ممكن يكون صادق إلى حد ما ...

بس بجد أصعب حاجه لما تيجي تقول للي المفروض كانت نصك التاني ... حبي تاني ...
النسيان ده بتمنى يكون حاجه سهله ... كانت في حاجات إتحلت ...

بجد تسلم .. حبيت الإسلوب كتير


... ;) ,,, ;) ...