BLOGGER TEMPLATES AND TWITTER BACKGROUNDS »

الاثنين، ٢٢ مارس ٢٠١٠

عيد الأم


تحيه لكل ام تعبت وضحت علشان ولادها

وتحيه خاصه لأمى اجمل ام فى الدنيا

اللى اتحملت مسئوليتى انا واخويا بعد وفاة والدى واحنا يادوب عيال

ونداء خاص

بلاش مبالغه فى الإحتفالات بعيد الأم وخلينا فاكرين ان فيه اللى اتحرموا من حنانها

ف ياريت بلاش نزود احزانهم فى اليوم دا



بــعـــد حــنـــان الأم لا يـــمـــكـــــن

تـلــقــــى حـنـــان مـــن حـــد ف يــوم

حــــب الــنــاس بــيــزول وبـيـفــنى

لــكـــــن حـــــــــب الأم يـــــــــــــــدوم


لــولا الأم مــاكـــنــــت تـــكــــــــون


أمـــك هــيــا الأصـــل وهــــيــــــــا

اصـــل وجــــودك وانـــــت جــنـيـــــن

كــنـــت بـــأمـــر الــلـــه تــتــغــذى

وانـــت ف مـهـــد مــالـكــش مـعـيـــن


قــبـــل مـا تـنــزل هــذا الــكـــــون


يـوم مـانـزلـت الـدنـيـا الـواسـعـــه

شــافـــت يـومـهـا الـمـوت بـصـحـيـح

نـسـيــت كــل الآمـهـــا وفــرحـــت

لـمــا نــزلــت سـلـيــم وصـــحـــيــــح


لكــن يـومـهــا نــزلــت ضـعـيـــــف


لولا حنانها عليك ف ساعــتـهــــا

كــنـــت يــا عــيــنــى هــاتـعـمـل ايــه

بين احضانـهــا لـقـيــت الـعـــافيه

ولـقــيـــت صـــدر بـتـرضـــع فـــيــــه


حـــر شـتــا بـــارد فــى الـصـيـــــف


وانت ف مهدك طــفــل صـغـيـــر

كــانــــت لـيــــل ونـهــــار تـــراعــيـك

لما بتمرض يـــوم او تـشـكـــــى

تـفــدى حـيــاتـهــا عـشــان تـشـفـيــك


بـعـــد حـنــــان الأم مــــفـــيـــــــش


مهما كبرت قصادها لا يـمـكـــن

بــرضـــه حنـــانـهـــا تـمـلـى عـلـيــك

عايزة تشوف الدنيا بـحـالـهــــا

عـنــــدك بــــس وملــــك ايــــديــــــك


هـــى بـتـــدعــــى يــــارب تــعـيــش


ربـك وصــى عـلـيـهــا وقـــالك

عــــامـــــل امــــــك بالإحـــســـــــان

حـاول بــس تــرد جـمـيـلـهــــا

زى مــــا قـــالـــــــك فـــى الــقــــرآن


وصــى عـلـيـهـــا ف كــــل كـتــــاب


من احاديث سيدنا مــحــمـــــد

وصـــى وقـــــال عـ الأم كـــــتـــيــــر

قد ما تعبت فيك فى طفــولـتــك

قـــــوم بــالــواجـــب وانـــت كـبـيـــر


تـكـســــب مـــن دعــواتـهــا ثــــواب


د/عمرو فاروق.

20 التعليقات:

الزهرة البرية (Joudy) يقول...

تسلم بجد ياالكلام الجميل ده ربنا يحفظ لنا أمهاتنا وما يحرمنا منهم أبدا ويجعلهم دوما رضيين عنا

كل سنة وكل أم بخير وسعادة

دمت بكل الخير والسعادة

hend anwar يقول...

كل سنة وكل ام فى سعادة وهنا يارب يخليهم لينا

صيدلانيه طالعه نازله يقول...

انا باحترم قوى الام اللى زى والدتك

اللى صمدت و صبرت و كانت راجل فى بيتها

و طلعت ولادها ناجحين و متميزين

و طلعت شاعر جميل و حساس زيك و كمان

دكتور ناجح

و اكيد اخوك ناجح زيك برضه

ربنا يباركلك فى مامتك و زوجتك و

يفرحك و يقر عينك بابنك اللى جاى

كل سنه و انت طيب

لــــ زهــــــراء ــــولا يقول...

دكتور عمرو

بما ان الكلام على الام كل الحروف هتقف صامته امامها وامام التضحيات ...
الشعر تحفه طبعا حاسه انه بجد من قلبك ويشاركك فيه قلب كل ابن وابنه ...
تحيه لللسيده الفاضله والدتك اللى شبه امى انها اتحملت المسئوليه بعد وفاة الوالد ...
هى دى الام العربيه يا عمرو .. حنان ... طيبه ... عطف ... وحاجات تانيه كتير لسه اللغه العربيه لم تكتشف حروف لكى تعبر بها عن مشاعر الام

على فكره انا بقى مش معاك فى موضوع ان الاحتفال مبالغ فبه لانه هو يوم واحد فقط هنك ابناء يفتكروا امهم فى اليوم ده وهاقولك على حاجه كل ام مهما وصلت من مكانتها تنتظر ابنها فى اليوم ده هى مش منتظره هديه لكن منتظره فرحته فى عيونه ..
ربنا يبارك لنا فى امهاتنا
ربنا يرحم من توفى منهن

مشكوووووور يا عموووووور


زهراء

مي يقول...

كل سنةومامتك وامهات الدنيا بخير وصحة وسعادة
ويرحم امى وامهات المسلمين

تحياتى لابداعك المعهود

Haytham Alsayes يقول...

الله يادكتور
والله جميلة بجد

ربنا يكرمنا جميعا ويجعلنا بارين بوالدينا


تحياتي
لك

Ms Venus يقول...

كلمات جميلة اوى


كل ثانية وكل ام فى العالم بكل خير

غير معرف يقول...

ربنا يخليهالك ويخليى لها

لــــ زهــــــراء ــــولا يقول...

ايه الابداع ده يا دكتور جمييييييييييييييييييييل ربنا يخلينا امهاتنا ويبارك في اعمارهم ..ويرحم كل ام تم فقدها في الحياة ...كل سنة وكل ام بخير وبصحة

لـــولا

sweet angel يقول...

visiting your blog

كلام عيب يقول...

وتحيه خاصه لأمى اجمل ام فى الدنيا
اللى اتحملت مسئوليتى انا واخويا بعد وفاة والدى واحنا يادوب عيال

اجمل حاجه تفرح الام يا عمرو اما تلاقى ولادها حاسين بيها و مقدرين تعبها وانغلاقها عليهم عشان تربيهم بعد وفاه الاب و بتبقى فرحتها اكبر و اكبر اما تلاقيهم سعداء و مستقرين فى حياتهم
ساعتها بتحس انها ادت رسالتها

كلامك حلو قوى المره دى لانه طالع من قلبك و حاسس بيه

Mona يقول...

تحية لوالدتك وكل عام وهى بخير وكل الامهات بخير - تحياتى

мαησηα يقول...

كل سنة وانت نور عيون ست الحبايب يا دكتور

ويارب ربنا يفرحها بيك وبولادك

ويباركلك ف عمرها ويديها

الصحة وطولة العمر يارب اللهم اميين

بلغها سلامى وخليها تدعيلى

ghada mOhsen يقول...

ربنا يسكن أبهاتنا جنات نعيم يارب ...

وكل سنه ووالدتك الكريمه بخير وبصحه وسلامه يارب ودايما منوره حياتك ...

بجد كتير حلو الكلمات اللى انت كتبتها كفاياه ان كل حرف نابع من قلب صادق ..

تسلم يادكتور
... ;) ,,, ;) ...

Lobna Ahmed Nour يقول...

جميلة جدا كلماتك يا دكتور
وجميلة جدا جدا الأم

صدى الصمت - عاشقة الورد - يقول...

كلمات جميلة جداً
كل عام وكل الأمهات بخير وصحة وسلامة
تحياتى

ريمان يقول...

السلام عليكم

ازيك يا دكتور
كل سنه وكل الامهات بخير يا رب وطيبين

جميله كلماتك تسلم اديك يا رب

هيثم مكارم يقول...

جميل يا عمرو

كل سنة وماما بخير ، عيدلي عليها ، انت طبعاً لو وصفت من هنا ليوم القيامة مش هتقدر توصف امتنانك لوالدتك وعطاءها اللي انا عارفه ، ولكن ربنا سبحانه لم يضيع عطاءها وتعبها وأكرمها بيكم ، ربنا يحفظها ويحفظكم.

سلام

Manal E. AlNuaimi يقول...

الله يحفظ كل امهات العالم ..

salwa يقول...

السلام عليكم د.عمرو
نعم تهز السرير بيمينها و العالم بيسارها
تسلم يدك
سلام