BLOGGER TEMPLATES AND TWITTER BACKGROUNDS »

الخميس، ٤ مارس ٢٠١٠

خايفه ليه


خـــــــايـــفــــــــــه لــــــــيـــــــــــــه

مش هاقول كان بــيـنــنــا ايــــــــه


شوفته جايلك قلبه طاير شوقه بيكى

مش هاروحلك مستحيل اندة عليكى

بس حاسبى انتى من رعشة ايديكى

من عنيكى يعرف اللى بتداريــــــــه


اتقابلنا وافترقـنـــــا ودا نـــصيـــب

وان هويتى تانى بعدى مش غريب

كل واحد حقه يـبـقــالـه حـبـيــــب

يبقى ايه معنى القلق اللى انتى فيه


صدقينى صدفه هيا اللى جابتنـى

واعذرينى لو لمحتك غصب عنـى

واسمحيلى انسحب بهدوء كأنى

اى واحد لا يعرفك ولا تعرفـــيـــه


د/عمرو فاروق.

53 التعليقات:

أميرة الرومانسية يقول...

تؤتؤتؤ تؤ انا مش مصدقةنفسي انا اول تعلييييق
مش ممكن
ديه تاني مرة كدا اول مرة كنت اول تعليق فيها كان بوست انك هتبقي اب
وديه تاني مرة
عقبال كل مرة هههههههههه

أميرة الرومانسية يقول...

عارف يا دكتور
اني بجد من كتر ما حسيت كلامك اني شفته قدامي شفتها وهي عيناها حيرانه
وايديها بتترعش
وشفته وهو بيكلمها
حسيت اوي ان قلبي وجعني بجد
يمكن فراقهم كان غصب عنهم هما الاتنين ويمكن هو قابل غيرها وهي قابلت غيره
لكن الاكيد ان هيفضل جوا كل واحد فيهم ذكري الحب ده
حتي لو في ركن بعيد اوي من قلبه بس هيبقي في ذكري لانه كان حب بجد يعني مشاعر واحاسيس كتير اوي
صعب تتنسي تماما صح ولا انا غلطانة

غير معرف يقول...

صدقينى صدفه هيا اللى جابتنـى

واعذرينى لو لمحتك غصب عنـى

واسمحيلى انسحب بهدوء كأنى

اى واحد لا يعرفك ولا تعرفـــيـــه

جامده موووت تسلم ايدك يا دكتور

أميرة الرومانسية يقول...

عندي احساس غريب كدا اني عاوزة احتل المدونة بقا ماهو مفايش حد غيري ايه رأيك؟

غير معرف يقول...

جييييييييييييت يا بشر

♥نبع الغرام♥♪≈ يقول...

جميله اووووووووووووووووى

غير معرف يقول...

البلوج دى من الامكان اللى بحب ادخلها فى التدوين

لان دايما اسلوبك وكتاباتك بتعجبنى

لــــ زهــــــراء ــــولا يقول...

دكتور عمرو
-*-*-*-*-

اول ما شوفت عنوان البوست افتكرت اغنية نسيت انساك بتاعة فضل شاكر لانه بيتكلم فيها بصيغه مؤنثه قولت هو عمرو المره دى ناوى يتكلم بصيغه مؤنثه لما قرأت الكلام افتكرت اغنية تامر حسنى قسمه ونصيب ....
معلش بقى اختك مدمنة اغانى متنوعه ....

=)) =)) =))

حتى فى جزء فى الاغنيه برضه بيقول مش هاقول كان بينا ايه
بس بجد ده شخص محترم اوى انه مش ناوى يتكلم معها او حتى يسلم عليها ...



بس واضح ان قصة الحب لسه مش انتهيت يعنى هو لسه خايف عليها وحاسس انها ايديها ممكن تصابها رعشه يعنى هو برضه حاسس بها ....
كل حاجه فى الدنيا دى قسمه ونصيب حتى اللقا والفراق كمان ....


جميله ان مشاعر رجل تبقى نبيله اوى كده ومش تسالنى نبيله مين =))

حلوه اوى مشاعر الكلمات
تسلم الايادى


المره دى مش رغيت كتير رغم ان الشعر محتاج كلام كتيييييييييييير اوى

زهراء

أميرة الرومانسية يقول...

علي فكرة يا دكتور انا كان النت فاصل عندي من كام يوم ولسه راجع النهادرة
وبعد ما قرأت اخر بوست وعلقت عليه لاقيت بوستين مغلق والي غير معرفه
فمعلش بقا لازم ارد هنا
اكيد اللي يهمك يا دكتور الناس اللي بتحبك واللي دائما حواليك واللي اكيد مليون في المية بيثقوا فيك جداااااااااا ولا يمكن يصدقوا اي كلام فراغ من واحد او واحدة ملهوش لازمة
وبجد لو انت اضايقت من كلام من ده تبقي غلطان ايوة تبقي غلطان
ان كلام تافه يضايقك
لو هو او هي واثقة من كلامها اللي بتقوله ده كانت اتكلمت بشكل صريح واعلنت عن شخصيتها
لكن هي واحدة تافه
سيبك منها ومن كلامها وثق تماما ان عمر ما حد فينا يقدر او حتي يفكر انه يصدق الكلام الفاضي ده
انت اخ عزيز جدا وغالي جدا علينا كلنا
فبلاش توجع دماغك بكلام تافه زي اللي بيقوله

Ms Venus يقول...

الله عليك يا دكتور

جميل اوى اوى اوى الكلام

رغم انه احساس مؤلم وقاسى جدا


تحية ليك ولقلمك الرائع

لاسع افندى يقول...

حاسبى انتى من رعشة ايديكى
من عنيكى يعرف اللى بتداريــــــــه

الحب فضايح يادكتور


تحياتى

ghada mOhsen يقول...

حلوووووه كتييير
بجد تسلم ايدك

خفيفه واسلوب سلس ...

... ;) ,,, ;) ...

غير معرف يقول...

افكارك جديده دايما

حلوه اوي الاغنيه

تحياتي

صيدلانيه طالعه نازله يقول...

مش رعشه الايد بس هى اللى بتفضح الحب المستخبى
حاجات تانى كتير بتختلف من شخص لشخص
و بتختلف حسب درجه الحب اللى كان بينهم

Pink Dreams يقول...

اتقابلنا وافترقـنـــا ودا نـصيـــب

وان هويتى تانى بعدى مش غريب

كل واحد حقه يـبـقـالـه حـبـيــب

جميله قوى قوى

تسلم ايدك

مي يقول...

رائع
احساس راقى ومحترم لذكرى حب
تحياتى

رحلتنا في الحياة يقول...

جميل جدا البوست ده وفكرته حلوة

blue-wave يقول...

اميرة الرومانسيه
****************
طبعا صح
واكبر صح كمان
مشرفانى ومبسوط انك اول تعليق

blue-wave يقول...

7aneen
******
ميرسى ربنا يكرمك

blue-wave يقول...

اميرة الرومانسيه
***************
انا عن نفسى موافق:))

blue-wave يقول...

star in the sky
***************
نورتى:))

blue-wave يقول...

ابتسامة ملاك
************
ميرسى ربنا يكرمك

blue-wave يقول...

star in the sky
***************
ربنا يخليكى يارب
والبلوج كمان بتموت فيكى:)))

blue-wave يقول...

زهراء
******
دايما متميزة حتى لو بكلام قليل
دا لو اعتبرنا ان دا كلام قليل:))

blue-wave يقول...

اميرة الرومانسيه
***************
انا شلت الموضوع دا من بالى خلاص
رغم انى متأكد انه مجرد سوء تفاهم وفهم خاطئ
وعموما بلاش نغلط فى حد علشان محدش يغلط فينا
تسلميلى يارب

blue-wave يقول...

ms venus
********
ميرسى يا قمر

blue-wave يقول...

لاسع افندى
**********
واى فضايح:))

blue-wave يقول...

ghada mohsen
*************
اشادة اعتز بيها والله

blue-wave يقول...

فتاة من الصعيد
**************
ميرسى ليكى بجد

blue-wave يقول...

صيدلانيه طالعه نازله
*******************
ايوة لكن رعشة الايدين ونظرة العين اكتر حاجات بتفضح

blue-wave يقول...

pink dreams
***********
ميرسى ليكى

blue-wave يقول...

مى
**
تسلميلى يارب

blue-wave يقول...

احاسيس ايوشه
************
الأجمل زيارتك وكلامك

blue-wave يقول...

قيس بن الملووح
**************
ان شاء الله

Mona يقول...

متميز يادكتور كعادتك - تسلم

أميرة الأحلام يقول...

الله يادكتور
قد ايه كلامها جميل
وبجد احساسها حلو اوى
دام قلمك الاكثر من رائع يادكتور

حنين يقول...

جميله يا دكتور
تسلم ايدك
دايما مبدع

فضفضه يقول...

جميله وغاية الرومنسيه
تقبل مرورى

salwa يقول...

السلام عليكم د.عمرو
اكتفي بالقول عين الحكمة و العقل
ادراج راااائع
سلااااااااام

دعاء العطار يقول...

مش عارفه اقول ايه بجد

الكلمات اكتر من روووووووووعه

دمت مبدع

ليس فقيرا من يحب يقول...

جميله جدا جدا يا دكتورنا

تسلم ايديك ياااااااارب

فكرتها حلوة اوى

غير معرف يقول...

اعلق على الغير معروفة ياصاحب شوية احاسيس ميهمكش العيال السيس يامنور البلوك والفيس االكلاب تعوى والقافلة تسير وانت فى الشعر اميردوس برجلك على الحشرات الصراصير سمية صبرى

blue-wave يقول...

MONA
*****
ميرسى ربنا يكرمك

blue-wave يقول...

قيس بن الملووح
*************
ان شاء الله

blue-wave يقول...

اميرة الأحلام
***********
ربنا يكرمك يارب

blue-wave يقول...

حنين
****
منورانى دايما

blue-wave يقول...

فضفضه
*****
مرورك منور المدونه

blue-wave يقول...

salwa
******
ربنا يكرمك يارب

blue-wave يقول...

دعاء
*****
انتى الرائعه عزيزتى
تحياتى

blue-wave يقول...

ليس فقيرا من يحب
**************
ربنا يكرمك يا مرات ابنى:))

blue-wave يقول...

غير معرف
********
ميرسى
بس دى صفحه وقفلناها خلاص
ومش عاوزين نغلط فى حد

فضفضه يقول...

اشكرك د. عمرو على زوقك وبأذن الله هكون من المتابعين لمدونتك الرائعه

ريمان يقول...

الله الله الله

بجد جميله يا دوكتور