BLOGGER TEMPLATES AND TWITTER BACKGROUNDS »

الاثنين، ١ مارس ٢٠١٠

مغلق




انا اتشتمت مرتين من انسانه مش هاوصفها اولا لأنها ماتستحقش انى اذكرها على لسانى اصلا وثانيا لأنها نكرة مالهاش لازمه ولا معنى و معرفش هيا باى حق تتهجم عليا كدا ولو عندها ذرة شجاعه ادبيه كانت قالت هيا مين وفضحتنى قدامكم زى ما بتقول
التعليق اللى انا كتبته فى مدونة كلام عيب مكنش معناة اى اساءة ولا قلة ادب من اللى هيا فهمته لأنى بحترم المدونين اللى ممكن يقروا التعليق وقصدى كان انها وافقته على اللى عايز يعمله مع ان جوازهم كان ناقصه الإشهار قدام كل الناس ودا مش بس فى الدين ولكن لأن عادتنا وتقاليدنا بترفض اننا نعمل دا قبل الفرح حتى لو كان كتب الكتاب موجود
والحمد لله الناس كلهم عارفينى كويس وعارفين اخلاقى ومش مستنيينك انتى يا نكرة علشان تقولى رأيك فيا
انا الحمد لله دكتور وليا احترامى وسط المستشفيات اللى اشتغلت فيها وسط ناس انضف منك مليون مرة انا الناس بتنام وتسلملى نفسها تماما ولو مكنتش امين معاهم وعليهم مكنتش وصلت للمكانه اللى انا فيها دلوقت بحمد الله وبتوفيق منه وانا كمان ولله الحمد شاعر غنائى الكل بيتسابق علشان ياخد الأغانى بتاعتى ومدون ليا مكانتى وسط الناس الراقيه اللى بتزورنى وبيعجبهم كلامى وبحبهم وبيحبونى لله فى لله من غير مصلحه ومن غير ما اتنحنح وارسم عليهم زى ما بتقولى
وعموما انا بجد قرفت من الحشرات اللى ماليه التدوين وبتطلع زى الدود من بطن الأرض علشان تتكلم اى كلام بدافع حقد او كرة اعمى او مصلحه شخصيه
حاجه بجد تقرف لما تلاقى نفسك بتتهان وبتتشتم من حد معندوش حتى الجرأة انه يقول هوا مين ويطلعلك بمنتهى البساطه ب غير معرف ويشتم ويهين فيك قدام كل الناس
ليه ؟ ليه يعمل كدا؟ ليه يشوة صورتك قدام الناس؟ قصدة ايه؟؟؟؟؟؟ هوا مين اصلا؟؟
انا بقولها اهو يا جماعه خلال تعاملكم معايا لو كنت جرحت حد او طلعت ندل مع حد يقول ويصارحنى لكن بلاش الشتيمه والإهانه وبجد حكاية الغير معرف دى بقت مقرفه اوى بجد
وعموما المدونه مغلقه لأنى بجد بجد قرفت
وقررت اريح العالم دى منى يمكن نفوسهم تهدا وتصفى

د/عمرو فاروق.

8 التعليقات:

غير معرف يقول...

ليه كده

انت دكتور وعارف ان اللي بره العباسيه اكتر من اللي جواها

معلش ععموما اهدى وخد وقتك ... ومحدش بيصدق الغير معروفين دول خالص

تحياتي

مي يقول...
أزال المؤلف هذا التعليق.
مي يقول...

معلش يادكتور احنا اتلدعنا من الغير معرف كلنا كتيرررررررر
بس حتى لو من البلوجز لو عنده شجاعة يقول هو مين لكن يشتم ويجرى مممم ده ضعف
اهدى بس وارجع تانى
وسيبك من الكلام ده

لاسع افندى يقول...

ياما شفنا من غير المعرف

وقال على راى المثل
عمر المعروف مايجى من غير المعروف

ولا يهمك وتعيش وتاخد غيرها

لكن لو كل واحد اتشتم هيبطل تدوين يبقى بعد شهر مش هتلاقى مدونات


تحياتى لك ولقلمك الرقيق

Ms Venus يقول...

يا دكتور

انت اكبر من كده كتير

والغير معروفين دول جبناء مين ياخد بكلامهم ؟


اذا كان مقدرش يكتب اسمه ويقول هو مين تقدر تقول كده حاسس انه تافه

هنعمله احنا قيمة ؟


خسارة تحرم الناس اللى بتتابعك وبتابع قلمك الجميل من كتاباتك علشان حد نكرة


روق واهدى وسيبك منهم


اعداء النجاح يا دكتور طلع لهم لسانك وغيظم وبس هههههههههههه


تحياتى وسلامى ليك ولقلمك الرقيق

لــــ زهــــــراء ــــولا يقول...

ايه ده

عموووووور
هو مين اللى قرر ان يفقل المدونه
اكيد بتهزر انا طبعا دخلت قرات الكومنت بتاع النكره ولتسمح انى اوصفه بنكره لانه او لانها اعتقد انها انثى لو كانت حد بجد عنده المقدره على التحاور كان المفروض يقول اسمه ويعرفنا على نفسه
بص بقى يا عمور انت تاخد نفس عمييييييق وتعزمنا على حاجه حلوه وبعدين ترجع تكتب لنا بوست جامد اخر حاجه .........

انت عارف لو قولت لك على التعليقات اللى تتكتب عندنا واحذفها حاجه بقى تخلى وشك بيشجع الاهلى رغم انى زملكاويه بس لولا اهلاويه ههههههههه
المهم مش تاخد فى بالك اى كلام
الحمد لله انه كان من حسن حظى انى اتعرفت على دكتور عمرو وتحدثت معاه اكتر من مره وتكملت معاه فى حاله طبيه وهو كان ونعم الصديق والاخ وتحدث معايا بكل امانه
يا عموووووووور مش تزعل نفسك وفى انتظار البوست الجديد عن قريب ان شاء الله

زهراء

دعاء العطار يقول...

وليه تقفل البلوج

انت لو وقفت على كل كلمه بتتقالك من اى حد يبقى الدنيا هتقف خاااااالص

الكلاب تعوى والقافله تمر

سيب اللى يتكلم يتكلم والناس اللى عارفينك بجد استحاله يصدقوا حاجه وحشه عليك

وربنا يوفقك

صيدلانيه طالعه نازله يقول...

طب و بعد ما تقفل
حيحصل ايه
انت كده استرديت كرامتك و لا بردت غيظك
انا رأيى ان استمرارك بينا يا عمرو هو احسن رد على الكلام الزباله ده
يا ابنى الوحش مبيقدرش يمثل انه حلو على طول
يعنى لوانتى حد وحش كان حيبان و حيتعرف

بطل بقى حساسيه الشعراء الزياده دى
و بعدين مفيش اسايطه بينسحبوا من المعركه بسهوله كده

انسى بقى

و مستنياك فىبوست جديد نتخانق فيه
و ربنا ما يقطعلنا عاده