BLOGGER TEMPLATES AND TWITTER BACKGROUNDS »

الجمعة، ١٢ فبراير ٢٠١٠

عيد الحب

عيد الحب
استنوها قريب
بصوت ايهاب توفيق

فيه مدونه جديدة

محتاجه تشجيعكم
كلامها بجد حلو اوى
زوروها من هنا


عـــــــــــــيــــــــد الـــــحــــــــــب

لما بلاقى عنيك ويايا ف كــــل مـــكـــــان

عـــــــــــــيــــــــد الــــحـــــــــــب

لما ايديك بتدارى عليا واحــــس امــــــان


عيد الحب بتاعنا يــا عــمـــرى

لـــمـــا عــيــونـــك تــمــلــــــك امـــــــرى

لما شفايفك تـنـطــق اســـمـــى

يـــومــهــــا بــحـــــس ان انـــا انــســــان


لما الاقيك جاى جرى عــلـيــــا

جـــاى بــتــــدارى عــنــيــك ف عــنــيـــا

وبـتــحــلــفــلــى بــانــك لــيــــا

يــفــضــــل حــضـــنــــك لــيــــا مـــكــــان


عـــــــيــــــــد الـــــــــحـــــــــب

لما بتضحك ضحكه تخلى الصعب يهــون

عـــــــيــــــــد الــــــــحــــــــــب

لما تخلى ايديك فى ايديا مهما يــــكـــــون


مالنا ومال عيد كــل الــعـالـــم

انـــــت حــبــيــبــى وربــــى الــعــــالــــــم

انت ف عينى بكل الـــعــــالــم

انـــــت بــقــيـــــت لــعــيــونـــى عــيــــون


يعنى بشوف بعنيك الــدنـــيـــا

ياللى خـــطـــفــــت الـقـلـــب ف ثــانـيـــــه

قلبى معاك عايش حاله تانيـــه

ياللى معاك الـــفــــرحــــــه قـــــانــــــــون


د/عمرو فاروق.

42 التعليقات:

غير معرف يقول...

حلوووووووووووو قووى الكلام

salwa يقول...

السلام عليكم د.عمرو
كلام رااااائع تسلم يدك
نختصره بياللى معاك الـــفــــرحــــــه قـــــانــــــــون
سلام

Pink Dreams يقول...

عيد الحب بتاعنا يــا عــمـــرى

لـــمـــا عــيــونـــك تــمــلــــــك امـــــــرى

لما شفايفك تـنـطــق اســـمـــى

يـــومــهــــا بــحـــــس ان انـــا انــســــان

راااااااااااااااااائعه

تسلم ايدك

romansy يقول...

عيد الحب وانت معايا يبقى العيد عندى بعيدين
بحس بحبك يملى حياتى بحس عيونك ماليا الكون
بحس بحبك مالى حياتى
بحس عيونك تملكنى
وانتى معايا عيد الحب دا يبقى عيدين

لــــ زهــــــراء ــــولا يقول...

دكتور عمرو
يا ملك الرومانسيه

هو فى كلام كده ما شاء الله عليك فى جزء عجبنى اوى دخل قلبى وعقلى كمان

لما الاقيك جاى جرى عــلـيــــا


جـــاى بــتــــدارى عــنــيــك ف عــنــيـــا


ياااااااااااااااااااه على المشاعر جاى بيدارى عنيك فى عنيا هو فيه بعد كده ايه
تحياتى يا مللك الرومانسيه
وفى انتظار عيد الحب مع ايهاب توفيق لانى من عشاقه

زهراء

حنين يقول...

دكتور عمر
حاولت اطلع جمله احلى من التانيه ما عرفتش كل الكلمات بجد احلى من بعض
تسلم ايدك دائما مبدع

انت فين يا دكتور
فاتك كذا بوست عندى
اتمنى زيارتك قريب.

Mona يقول...

تسلم يلا مستانين الاغنية وكل عيد حب وأنت دائما مبدع

nor يقول...

مستنيه الاغنيه
بس اوعي تجيبوا بنات بقي و يبقي كليب من اللي مش بحبهم هههه
تحياتي

صيدلانيه طالعه نازله يقول...

تحفه يا عمرو بجد
تسلم ايدك و دماغك
كل سنه و انت و هيا دايبين فى بعض

Ms Venus يقول...

طب اقول ايه انا فى الرقة والجمال ده كله

بجد يا دكتور كلام رقيق اوى


تسلم ايدك وقلمك دايما

وكل عيد حب وانت سعيد وبتحب

ليس فقيرا من يحب يقول...

ايه الجمال ده والرقه دى

يادكتورنا الرومانسى كلماتك فى منتهى

الرقه والبساطه

يارب يسعد ايامك يارب

Cute Kitty **sookra يقول...

ماشاءالله
دائما كدا مبدع
مستنيين الاغنيه
على فكره اغنيه مصدومه اكثر من رائعه ودى طبعا موش مجامله
هابى فالنتين داى وكل سنه وحضرتك طيب
مساك شيكولاته

غير معرف يقول...

حلو اوى الكلام يادكتور

همسة حب يقول...

السلام عليكم
كلامات اكثر من رائعه
جميله اوي
دمت متميز
في حفظ ربي
السلام عليكم

أميرة الرومانسية يقول...

لما أحس وياك بالأمان
ده عيد الحب
لما الأقي معاك الدفا
ده عيد الحب
لما الاقي نفسي في حضنك
ده عيد الحب
لما اشوف صورتي في عيونك
ده عيد الحب
********
اكيد لازم يبقي عيد الحب طالما بتسمع منك كل الرقة والرومانسية ديه يا دكتور
بس ده مينعش ان عيد الحب 14/2 اننا نحتفل بيه عارف ليه؟
عشان ده عيد ميلادي ..اه وربنا
تخيل بقا العالم كله يحتفل بعيد ميلادي

مي يقول...

روعة ياشاعر الحب
من غيرك كلامك ميبقاش عيدنا عيد الحب

كل سنة وانت طيب
تسلم ايديك يامبدع

Unknown يقول...

تحت التلحين ولا ايه مستنى

e_emy يقول...

ماشاء الله

جميل جدااا بجد (:

أميرة الأحلام يقول...

كلماتك جميله جدا يا دكتور
بجد حلوه قوي
تسلم ايدك

sweet angel يقول...

ايوة كده

تسلم ايدك يادكتور

كيكى عوووووو يقول...

طب مفيش حاجة نسمعها قريب لشعبولا
واييييييييييييييييييه
مبروك

elsha3er يقول...

السلام عليكم

دكتور وحشنى والله مازال قلمك يتمتع ببريق خاص والله من غير مجاملة كلماتك جميلة


تحياتى

احمد الشاعر

مهموهة أحمد يقول...

دكتور عمرو ..........
الله على كلماتك الرقيقة دي
تسلم ايدك يا دكتور
و ربنا يسعدك دايما يا رب و يجمعك بحيبة قلبك

تقبل خالص تحياتي و تقديري

بس خلاص ...........

لــــ زهــــــراء ــــولا يقول...

جمييييييييييييييييييييييييييييييييييييل
ربنا يسعد قلبك ويهنيك يادكتور
انـــــت حــبــيــبــى وربــــى الــعــــالــــــم

انت ف عينى بكل الـــعــــالــم


انـــــت بــقــيـــــت لــعــيــونـــى عــيــــون





يعنى بشوف بعنيك الــدنـــيـــا


ياللى خـــطـــفــــت الـقـلـــب ف ثــانـيـــــه


حلوة قوي المعاني اللي ورا الابيات دي


لـــولا

غير معرف يقول...

رائعة بجد

صدى الصمت - عاشقة الورد - يقول...

الله الله
رائعة جداً بجد
ربنا يوفقك دايماً
كل عيد حب وانت بخير

غير معرف يقول...

اكيد موش يوم هو اللي المفروض يقتصر فيه التعبير عن المشاعر

كلمات جميله كالعاده

تحياتي

فيشة بنت كبس يقول...

تحفة:)

gogo!sf يقول...

جميله اوى يا عمرو

ربنا يوفقك ان شاء الله


وكل عيد حب وانت طيب يا دكتور

morgana يقول...

happy valentine
:)

Tears يقول...

الحب جميل و هو حافز و هدف و حياة كاملة

ليت من يحرموه علينا يشعروا به ليعرفوا ان الحب يدعو للتسامح و الرحمة و المودة

تحياتي

blue-wave يقول...

غير معرف
**********
ميرسى ربنا يكرمك

blue-wave يقول...

salwa
******
ميرسى
ودايما كدا منورانى

blue-wave يقول...

salwa
******
ميرسى
ودايما كدا منورانى

blue-wave يقول...

pin; dreams
************
ربنا يكرمك يارب

blue-wave يقول...

romancy
*********
الله على كلماتك يا رومانسى

blue-wave يقول...

زهراء
******
هوا انتى هاتفضلى دايما تكسفينى بكلامك الحلو؟؟؟؟

blue-wave يقول...

حنين
******
شوية مشاغل مش اكتر
لكن الزيارة جايه قريب ان شاء الله

blue-wave يقول...

mona
*****
وانتى بالف الف خير

blue-wave يقول...

nor
****
معتقدش انها هاتتصور اصلا:))

blue-wave يقول...

صيدلانيه
********
دا على اسا اننا سكر وميه؟:))

blue-wave يقول...

ms venus
*********
وانتى بالف خير يارب