BLOGGER TEMPLATES AND TWITTER BACKGROUNDS »

السبت، ٢٠ فبراير ٢٠١٠

ايوة افترقنا


ايوة افترقنا وفات على فراقنا سنين

بس مش هاقدر اشوفك عين ف عين


اعذرينى لـسه حبـــك بـاقــى فـيـــا

مهما ادارى اكيد هاتفضحنى عـنيــــا

لو جيت اسلم بس من رعشة ايديا

هايبان عليا ساعتها الشوق والحنين


وفرى عليكى الحرج وكمان عليــا

صعب اشوفك تانى كدا قدم عــنـــــــيا

وانتى مع غيرى وغيرك بقت ليــا

ارجوكى مش ناقص مقابله تجيب انين


د/عمرو فاروق.

35 التعليقات:

غير معرف يقول...

قدرك كده

حلو البوست

OlivE يقول...

الله

بجد الله

حلوة اوى اوى الكلمات

بجد انت مبدع

سلامى

مهموهة أحمد يقول...

عمرو فاروق .....
الله على كلماتك الجميلة دي
بس اتمنى انها تكون خيال مش حاجة واقعية
و لو كانت واقعية ليك
بتمنى ان ربنا يصبرك و يقويك و يوعدك بنصيبك اللي يستاهلك يا رب

خالص تحياتي

بسمة انور يقول...

حلو البوست جدا
زى ما اتعودنا من حضرتك دايما

لــــ زهــــــراء ــــولا يقول...

عمرو
-********
انا باحب اوى انى اكون الكومنت رقم 5 لانى باحب الرقم ده جدا جدا وعلشان الحسد كماااااااان ههههههههه
الصوره اللى انت حطتها صعبه اوى اوى الجرح فيها باين بشكل فظييييييييييع ده القلب انكسر واللى بيتكسر عمره ما يتصلح ابدا ابدا ........

عنوان البوست ايوه افترقنا يعنى ده صيغة تاكيد على الفراق بجد .......

على فكره لما بيحصل فراق بين اتنين حتى لو اصحاب ويرجعوا تانى هتلاقى كل واحد فيهم اتغير فى حاجات فمابالك بالاحباب اكييييييييييييد فيه تغيييييييير وخصوصا انها بقيت مع غيره وهو كمان بقى مع غيرها ......

بس بعد الفراق بسنوات واضح انه لسه فاكر يبقى مشكلته هو مش مشكلتها هى لسبب بسيط لانها ممكن تكون نسيته ونسيت ايامه كمااااااااااان

ليه بقى تقول وفرى عليكى الحرج يمكن هى اقوى وتتعامل مع الموضوع بكل سهوله وهو اللى لسه عايش فى الاوهام

وبعدين ممكن يوفر على نفسه كل ده وهو انه مش يقابلها فى طريقه
هو انا كده عملت تحليل للبوست او يمكن للمشاعر اللى موجوده بين حروف البوست


ملك الرومانسيه قولتها وهاقولها على طوووووووووووووووووول
تسلم الايادى يا عمووووور


زهراء

Ms Venus يقول...

رائع كالعادة يا دكتور


جميل قلمك وجميل اوى احساسك

تحية ليك

داليـ ـ ـ ـ ـ ـ ــــا يقول...

انا جديده على انى اقرء كتاباتك بس بجد فوق الرائع بس هقولك حاجه هو كاس مر وداير على الكل ولازم نشرب منه عشان لما ندق الحلو نعرف قيمته

راء يقول...

ياااااااااااااه

مليانة شجن ومعاها شوق ..وفي نفس الوقت جرح كبير ملوش دوا عشان خلص الامر

بس تعرف برضه لمستك الرومانسية باينة فيها


دمت مبدعا

لاسع افندى يقول...

انا دايما اجى عندك ادور على مشاعر جميله
يسلم قلمك



تحياتى

غير معرف يقول...

نصيييييييييييب

ما احنا عايشين علشان نستقبل الاقدار

blue-wave يقول...

star in the sky
****************
ميرسى

blue-wave يقول...

olive
******
وانتى منورة والله

blue-wave يقول...

مها احمد
********
امين يارب

blue-wave يقول...

بسمه انور
**********
ربنا يكرمك يارب

blue-wave يقول...

زهراء
******
طيب ارد اقول ايه انا بعد التحليل الرائع للبوست دا؟؟؟

blue-wave يقول...

ms venus
***********
الأجمل هو مرورك الكريم

blue-wave يقول...

داليا الجندى
*************
اسعدتينى تماما بمرورك الجميل
ومستنيكى دايما منورانى كدا

blue-wave يقول...

طالبه مقهورة
*************
قريتينى رغم انها زيارتك الأولى
مبسوط بزيارتك بجد

blue-wave يقول...

لاسع افندى
*********
بتنورنى والله

blue-wave يقول...

7aneen
******
فعلا

Mona يقول...

ما كنا حلويين وتفاؤل وكده - بس حلو برضة

غير معرف يقول...

قضي الامر يا ملك :)

فكره جديده ... واحساس جميل

تحياتي

صيدلانيه طالعه نازله يقول...

انا عارفه ان الللقا بعد الفراق حاجه صعبه جدا و مش اى حد اللى عنده القدره انه يعدى على اللحظه دى من غير ما يتالم

المتعب فيها قوى اما العينين بتتقابل و تبقى فيها نظره حنين لماضى عدى و فات
بس اللى عايزه اعرفه ليه اما بنشوف بعض مش بنقدر نسلم و لا نتكلم مع اننا زمان اللى اختارنا نفترق بارادتنا و اتفاقنا

و بعدين احنا مش كنا اتفقنا ان الماضى بيتنسى اول ما الحاضر يحل محله
ليه بقى الحزن و الالم ده

كلامك حلو قوىىىى النهارده

sweet angel يقول...

ولو اتقابلنا اعملي مش واخده بالك
وانا كمان هداري عنيا
مش لازم حاجه تبين
الي كان بينا من سنين


رائعه كلماتك
دمت مبدعا يا دكتور

أميرة الأحلام يقول...

بوست رائع كالعاده
دايما كلماتك اكثر من رائعه
شكرا ليك على الكلام الجميل ده
قد ايه بنحس بيه قوي

ضحكات الحياة يقول...

السلام عليكم

كيفك يا د/عمرو ؟

ايوة هنعمل ايه بقي في الفراق ساعات بيبقي رغم عننا و اهو عايشين

عاشت ايديك
كلمات جميلة و معاني حلوة
بس اسلوب كتابة مختلف

أميرة الرومانسية يقول...

الكلام مليان حزن وشجن كتير اوي بس عارف الفراق ده قدر قدر مفيش منه مهرب وحتي بعد الفراق بتفضل جوانا ذكري وحنين وشوق منقدرش ننساهم لاننا كنا عايشين بيهم ولهم في وقت من الاوقات
ربنا يبعد عن كل الاحباب اي فراق
*****
اسفة بجد اني معلقتش علي البوست اللي فات بس الكمبيوتر عندي كان عيان
ولسه يدوب شغال النهادرة

salwa يقول...

السلام عليكم د.عمرو
ما اجمل ان ترجح كفة العقل
ادراج رائع
سلام

صدى الصمت - عاشقة الورد - يقول...

كلمات رائعة
أحييك على البوست
وعلى الصورة المعبرة كمان

مي يقول...

مهما ادارى اكيد هاتفضحنى عـنيــــا

لو جيت اسلم بس من رعشة ايديا
انا بقالى يومين اعلق ومش بيبان تعليقى انا بحتج واعارض واشجب واغنى ظالموه
نيجى لموضوعنا طبعا الكلام اكتر من رائع
بس خلاص مفيش وقت للبكاء على اللبن المسكوب برغم الحب الذى ينهل من الذكريات فقط
تحياتى لابداعك

gogo!sf يقول...

يعنى يا عمرو بتقاوح وانت لسه بتحبها

طيب وليه ترتبط بغيرها وتظلمها مع ان قلبك لسه بيدق لحبك الاولى

ماشى يا سيدى

بجد كلماتك جميله اوى وبيعجبنى جدا اسلوبك البسيط والواضح فى الكتابه

تسلم ايدك يا عمرو

صيدلانيه طالعه نازله يقول...

انا برضه كنت عايزه اسأل نفس السؤال اللى فى التعليق اللى قبلى
ليييييييه من الاول بنكابر و نقاوح و حبنا الاول لسه فى قلبنا
احنا كده بنظلم الطرف التانى اللى معانا دلوقتى
مينفعش نعيش مع حد و قلبنا مع حد تانى
لان ده عذاب لينا قبل ما يبقى جرح للطرف التانى

متزعلش يا عمرو من كلامى

miroooo يقول...

السلام عليكم
ازيك يا دكتور ؟ وحشتنى مدونتك الجميله
بس كان عندى امتحانات الفتره اللى فاتت ومعرفتش اتابع
بالنسبه للبوست تحفه طبعا الفراق اصعب شىء فى الدنيا وكمان لما يكون كل واحد عاش حياته ولقى شخص تانى موجود فى حياته
تحياتى لابداعك

دعاء العطار يقول...

كالعاده مبدددددددع

TWEETY يقول...

ازيك ياعمو
انا مبسوطة خالص انى زرت المدونة
انا جيت اسلم على حضرتك
واقولك انى عاملة حفلة ابقى تعالى زورها ماشى
انا همشى عايزة حاجة
مع السلامة