BLOGGER TEMPLATES AND TWITTER BACKGROUNDS »

الخميس، ٢٨ يناير ٢٠١٠

قولتى


قولتى انــك واحــدة غـيــر كـــل الـبـنــــات

قولتى هـاتـنـسيـنـــى مـاضـيــا اللــى فــات

قولتى انا ف عنيكى هاغرق من ســكــات

قولتى هـانـسـى مـعـاكـى حـتـى الذكريــات


قولتى انا ف عنيكى هابدأ مــن جــديـــــد

وكـل لـحـظـه هـاعيـشـهـا ويــّا عنيكى عيد

و ف حضن قلبك يبتدى العمر الــسـعـيـد

والـفـرحـه جـواكــى وانـا جـنـبـك تـــزيــــد


قولتى انـســى كــل لـحـظــه قـبـل مـنـــك

قولتى انــى عـمـرى مــا هـاسـتـغـنى عنك

قولتى انــى عـلـيــا احـلـم بــس وانـــــك

تحققى الحلم اللى عايشه جــنـــب مــنــــك


قولتى انسى جراحى والماضى وعذابه

والـعـــذاب اللــى ف قــلـبــــى ارد بــابــــه

وانسى اللى قسى على قلبى وســابــــه

وان قـلـبــى بـيـن ايـديـكـى يـعـــيش شبابه


قولتى ان الجنه دايما بين ايــديـكـــــى

قولتى ان نعيمها هــايـكـون حـبـى لـيـكــى

قولتى هاتبيعى الحياة لو تشتريـــكـــى

وتفضلى عمرك مــعــايــا وقـلـبـى لـيـكــى


قولتى يومها كلام كتير كان كله حـب

يــومـهـا صـدقـتــك وقـلــت لـقـلـبـى حــــب

بس يا خسارة كـلامــك كـلـه كــــــدب

ابــعـــدى عــنــــى كـفـايــه قـتـلـتــى قــلـــب


د/عمرو فاروق.

50 التعليقات:

همسة حب يقول...

ااول تعليق
ل
همسة حب

ثواني اقرأ واجي

همسة حب يقول...

االسلام عليكم
جميله اوي كلماتك ...
دمت مبدع
وفقك الله ... ورزق قلبك من يصونه
في رعاية الله
السلام عليكم

صيدلانيه طالعه نازله يقول...

جميله قوى يا عمرو و كلامها صادق اوى بس يا خساره طلعت فى الاخر وعود كدابه

و برضه بلاش نظلم ممكن تكون الظروف قيدتها و مقدرتش تحقق الوعد

يبقى حرام نظلمها

ربنا يعوض كل انسان باللى يستحقه

فى امان الله و سلامته

SHAPE YOUR LIFE (ABOALI) يقول...

شوفت يا دكترة دى اخرة اللى يمشى ورا نون النسوة

بس اكيد فيه واحده هاتقول وتعمل
ان شاء الله فى الجنة


بس كلام جميل وشعور حلو وكمان رائع انى الواحد يعيش حالة عشق وحب


يلا يا دكترة مش غريب عليك الحب

Ana keda يقول...

حلوة اوى

ساعات كتير بنتكلم بثقة اوى عن الى جاى وتخنقنا حجات كتير ومنقدرش نحققه ممكن متكونش كدابة وممكن تكون ظروف ومرت بيها ومقدرتش تحقق كل الى هيا وعدتك بيه

ممكن حجات كتير وممكن فعلا تكون كدابة

عشان منصدقش اى وعود بعد كده ونحتمل انها تتحقق او لاءا ومتتكرش احلامنا

كفايـة طيبـة يقول...

:(

أميرة الرومانسية يقول...

المعيار مش اننا نقول المعيار الفعل والاحساس نفسه
ياما كتير بيتقال ....لكن احساسك انت بيقول ايه والفعل نفسه ايه ده المهم
دام احساسك الراقي

ريمان يقول...

الله

جميله اوى وفهيا ايقاع موسيقى جذاب


مش مهم الكلام المهم الفعل خصوصا فى العلاقات اللى زى دى لان مفيش اسهل من الكلام

تحياتى لقلمك بجد جميل البوست

لــــ زهــــــراء ــــولا يقول...

السلام عليكم ورحمة الله وبركاته
هاااااااااايل يادكتور كلام جميييل وموزون ..جميل ف الاخر انه فاق وقالها امشي...

لـــولا

لــــ زهــــــراء ــــولا يقول...

عمرو
-*-*-*

ايه الكلام ده كله
اصعب حاجه فى الحب انه يكون فى الاخر كلام وبس

بس كويس ان الواحد يفوق بس بجد اصعب حاجه انه يفوق بعد فوات الاوان

تسلم الانامل الذهبيه يا ملك الرومانسيه

زهراء

mony يقول...

من كتر كلامه
قل عمله
كلماتك سهله
وحلوه

Ms Venus يقول...

كلمات جميلة يا دكتور

تحية لقلمك ولروحك

غير معرف يقول...

وانت تصدقها ليه طيب :)

تحياتي لقلمك المبدع

حنين يقول...

جميله اوى يادكتور
دمت مبدعا

ليس فقيرا من يحب يقول...

جميله يا دكتورنا

تسلم ايديك يااااااااااااااارب

well يقول...

الله على الجمال يا دكتور
اى الكلام الحلو الموزون ده
احلى حاجة عندك الوزن والتنسيق
بج تحياتى

Mona يقول...

رقيقة رغم الصدمة

♥نبع الغرام♥♪≈ يقول...

مبرووووووووك لمصر يا قمر
عقبال النهائى

ماشاء الله عليك
ولا اروع من كده كلمات

تحياتى

مي يقول...

قولتى يومها كلام كتير كان كله حـب
يــومـهـا صـدقـتــك وقـلــت لـقـلـبـى حــــب
بس يا خسارة كـلامــك كـلـه كــــــدب
ابــعـــدى عــنــــى كـفـايــه قـتـلـتــى قــلـــب


عجبتنى اووووووى لبعد بكره

بس مش عارفة حسيت انها يمكن حلمت معاه يمكن مش قصدها تكدب بس معرفتش تحقق الوعد وهو مش عيبه انه صدقها وانه فتح قلبه
تحياتى يامبدع

مي يقول...

قولتى يومها كلام كتير كان كله حـب
يــومـهـا صـدقـتــك وقـلــت لـقـلـبـى حــــب
بس يا خسارة كـلامــك كـلـه كــــــدب
ابــعـــدى عــنــــى كـفـايــه قـتـلـتــى قــلـــب


عجبتنى اووووووى لبعد بكره

بس مش عارفة حسيت انها يمكن حلمت معاه يمكن مش قصدها تكدب بس معرفتش تحقق الوعد وهو مش عيبه انه صدقها وانه فتح قلبه
تحياتى يامبدع

مش بمزاجى يقول...

كلام جميل بس صعب الاحساس انك تتعشم فى حد كل حاجة وفجاة تلاقيه ولا حاجة
دمت مبدع

мαησηα يقول...
أزال المؤلف هذا التعليق.
мαησηα يقول...

جميلة وطالعة من القلب .. ومعنى الكلام ده انى كده فعلا قلقت جدااااااااااا

يارب يكون خير ويكون مجرد كلام بتمتعنا بيه مالوش اى علاقة بالواقع

د. عمرو مافيش ايميل ولا اى حاجة خالص اتواصل معاك بيها ؟؟

salwa يقول...

السلام عليكم د.عمرو
العبرة في التطبيق و ليس الكلامالخادع
تسلم يدك ادراج رائع
سلام

blue-wave يقول...

همسة حب
*******
ميرسى لكلامك الجميل
ويارب منورانى دايما

blue-wave يقول...

صيدلانيه طالعه نازله
****************
فعلا محدش عارف الظروف
بس برضه الكدب بيبان
تحياتى

blue-wave يقول...

aboali
*******
طيب واللى مش ضامن الجنه يعمل ايه يابوعلى؟:))

blue-wave يقول...

ana kda
*********
مش كدا بالظبط
لكن قبل ما نوعد
نتأكد اننا قد الوعد دا
تحياتى

blue-wave يقول...

كفايه طيبه
***********
بس كدا؟:))

blue-wave يقول...

اميرة الرومانسيه
*****************
دا فعلا المعيار الصحيح

blue-wave يقول...

ريمان
*****
ميرسى
ربنا يكرمك

blue-wave يقول...

لولا
****
بس اوقات الفوقان بيكون متأخر
بعد ما القلب يتكسر
تحياتى

blue-wave يقول...

زهراء
******
بالظبط
بعد فوات الأوان
تحياتى

blue-wave يقول...

mony
*****
ميرسى ليكى

blue-wave يقول...

ms venus
*********
ميرسى ليكى بجد

blue-wave يقول...

فتاة من الصعيد
***************
علشان حبها بجد:((

blue-wave يقول...

حنين
****
ميرسى ليكى

blue-wave يقول...

ليس فقيرا من يجب
****************
تسلميلى يارب

blue-wave يقول...

well
*****
ميرسى ربنا يكرمك

blue-wave يقول...

mona
*****
ميرسى

blue-wave يقول...

ابتسامة ملاك
***********
ربنا يستر:)))

blue-wave يقول...

مى
***
ممكن
بس ليه توعد بحاجات مش هاتقدر تحققها؟

blue-wave يقول...

مش بمزاجى
*********
هوا كدا فعلا

blue-wave يقول...

manona
*******
اتمنى يكون وصل يافندم
تحياتى

blue-wave يقول...

salwa
******
هوا كدا فعلا
تحياتى لحضورك الدائم

Tears يقول...

جميلة اوى بس كنت ادخرها لعيد الحب :)

sweet angel يقول...

حمدالله على السلامه
كويس ان حاله عدم الاتزان مرت سريعا

قــولــتـي ؟؟
أديك قولتها
قولتي
الكلام سهل اوي اوي
وما اكثر المتكلمين الايام دي
الكلام حاجع والفعل حاجه تانيه
والي بيقول أكتر كتير من الي بتقول

فكر شويه
واتمنا البوست الي جاي يبقى "قولت"
لاني بصراحه بشوف ان قليل جدا البنات الخاينه بالنسبه للرجاله

تحياتي
أنا خلصت امتحانات بقى وفضيت
ومش بعيد تلاقيني اول تعليق في مرة ::)

NAANOS يقول...

جامدة جدا وفيها معانى كتيرة من الواقع

بس يا ريت الواقع كله مايكونش كدة

وتسلم ايداك يا دكتور


نانوس

OlivE يقول...

//
قولتى يومها كلام كتير كان كله حـب
يــومـهـا صـدقـتــك وقـلــت لـقـلـبـى حــــب
بس يا خسارة كـلامــك كـلـه كــــــدب
ابــعـــدى عــنــــى كـفـايــه قـتـلـتــى قــلـــب
//

الله
بجد الله
احساسك رائع وحلو اوى
بجد عبرت باسلوب جميل
:)
سلامى

دموع الورد يقول...

تعالي ياجراح
لأُخبركِ سراً ..
أتعلمي .. ياجراح ..
كم من الدماء اسلتي ؟؟؟ ...
وكم من الطعون بمخالبك وشمتي ؟؟؟
كم من الدموع سكبتي ؟؟؟ ......
وكم من الآلآم بنيتي ؟؟ ..

أتركيني بِسلام ارحلي عني...


لك احترامي وتحياتي
واتمني ان تتركك الاحزان

دموع الورد