BLOGGER TEMPLATES AND TWITTER BACKGROUNDS »

الأحد، ١٠ يناير ٢٠١٠

خطفتنى عنيها


خـطـفـتـنـى عـنـيـهـا ودبـت انــا فيها

خــدتـنــى عـنـيـهــا وقــولـت عليهـــا

حـبـيــبــة قــلــبــى الــلــه يـخــلـيـهــا

وتـفـضــــل كـــدا قــــدام عـيــنـــــــى


عـشـقـت حـنـانــها وعشت عشانهـا

داريـتـهـا ف قـلـبـى مـلانـى حـنـانهـا

حـلـفـت اداويــهــا اشـيــل احـزانـهـا

وهــــيـــــا تـــفـــرحـلــى سـنـيـنــــى


مــن غــيــر مــا اتــكـلـم ولا احـكى

لا ســـابــتــنــى اتــألــم ولا اشـكــى

خــلــتــنـــى اتــعــلــم فــى عـنـيـهــا

ازاى دمـعـتـى تـبـقــى ف ضـحـكـى


فـضـلــت جـنـبـــى بـتـحـلــم بـــيــــا

لـــمـــا ابـعـــد تـوحـشـهــا عـنـيــــا

واما تشوفنى بتيجى ف حــضــنــى

وتــقــولـــى انـــت بـدنـيـتــى ديــــا


مش عايز من الدنيا دى غيرهــــــا

بـحـنـانـهــا ورقــــة مـشــاعـرهـــا

دى عنيها بلاد نفسى اســـافــرهـــا

واقــولـهــا يـــا حـيـاتـى ضـمـيــنى


هـــيــــا حـبـيـبـتــى وانــا حـبـيـبـها

ازاى انـــا ابـعــــد او اسـيـبـهـــــــا

دى تسيبنى الروح قبل ما اسيبـهــا

مـيـن غـيـرهــا ف لـيـلـى يـدفـيـنى


د/عمرو فاروق.


كوبرى العشاق

بوست جديد

على

اى كلام فاضى معقول

15 التعليقات:

لــــ زهــــــراء ــــولا يقول...

ايه يا عمووور الكلام الجامد اوى ده كله
بجد مش عارفه اعلق
ما شاء الله انت فى الرومانسيه مالكش حل

زهراء

لــــ زهــــــراء ــــولا يقول...

هو اول تعليق كان من حظى ايه الهنا ده كله

فى جزء وقفت امامه وعجبنى جدا جدا

"


مــن غــيــر مــا اتــكـلـم ولا احـكى


لا ســـابــتــنــى اتــألــم ولا اشـكــى

خــلــتــنـــى اتــعــلــم فــى عـنـيـهــا


ازاى دمـعـتـى تـبـقــى ف ضـحـكـى "



يااااااااااااااااااااه د
دمعتى تبقى فى ضحكى
تحفه بجد جمله حلوه بشكل غير عادى
والله يا عمور انت ملك المشاعر الرومانسيه
انت عارف يا عمرو فى جمله مشهوره اوى لعمنا الفيلسوف سقراط بيقول فيها " اعظم امراه هى التى تعلمنا كيف نحب ونحن نكره وكيف نضحك ونحن نبكى وكيف نصبر ونحن نتعذب "

اتمنى لك مزيد من التقدم والرقى والنجاح على الدوام

ملحوظه صغيوره خالص مالص : ياريت الاغنيه دى بقى يغنيها حماقى وانت عارف السبب طبعا ;)


زهراء

كلام عيب يقول...

الانسان اللى بيحب حقيقى مهما لف و دار و شاف لازم يرجع لملاذه و عشه الدافى فى الاخر
الحب الحقيقى هو اللى بنحس معاه بالطمأنينه و هو اللى بنضحك و ندمع و احنا فيه و جواه و بنبقى برضه مبسوطين
و اعتقد ان ده هو اللى انت قلته بالضبط
شابوووووو لحضرتك

حنين يقول...

عشقت حنانها وعشت عشانها
جميل يادكتور
كلمات روعه
تحياتى حنين

حنين يقول...

على فكره يادكتور
انا نزلت بوست من يومين
اتشرف بزيارتك

أميرة الرومانسية يقول...

الله يا عمرو بجد تحفة فنيه ورقيقة جدا
عارف يا عمرو انا مؤمنة ان الاحساس بالبرد او الدفئ ده مصدره المشاعر مش حاجة تانية ...تصدق يا عمرو اني لما كنت بحب مكنتش بحس بالبرد في عزة الشتاء والكل كان مستغرب ازاي مش حاسة بالبرد
كان حبه جوايا مدفيني اوووووووووووووووي مالي كل حياتي وكياني.. انما دلوقت بحس بمنتهي البرد بحس بالبرد في كل كياني وكل خلية فيا
........
فكرتني بحاجات كتير اوي يا عمرو

راء يقول...

اول ما خطر ف بالي هيا اغنية في الفالانتين ومتسالش مين اللي بيغني ولا ازاي جيه كده ف بالي ^_^

بيعجبني جدا جدا اسلوب حضرتك


في الرومانسية ملكش حل ماشاء الله

تحياتي

Cute Kitty **sookra يقول...

انا دندنت بالقصيده دى على انغام اغنيه
موش فاكراها بس عجبنى الايقاع اللى غنيتها بيه
وبما انى لاافقه فى الموسيقى فمش هاقدر اقولك على النوته اللى عملتهالها

طوبه فضه وطوبه دهب يقول...

جميله اوى الكلمات تسلم ايدك يادكتر اكثر من رائعه

♥نبع الغرام♥♪≈ يقول...

انت رائع

ربنا يوفقك يارب

غير معرف يقول...

اكثر ما تبدع فيه هو كلامك عن العيون

تحياتي

ليس فقيرا من يحب يقول...

يا سلام على الرقه

لا ســـابــتــنــى اتــألــم ولا اشـكــى خــلــتــنـــى اتــعــلــم فــى عـنـيـهــا
ازاى دمـعـتـى تـبـقــى ف ضـحـكـى

جميييييييييله جدا جدا

تسلم ايديك يا دكتورنا

صدى الصمت - عاشقة الورد - يقول...

مش عارفة يا دكتور أنا متهيألى إن البوست دة أنا قرأتة قبل كدة من فترة قصيرة
ولة تشابهت عليا الكلمات ولة اية؟

د. مونى يقول...

عجبنى أوى تصاعد درجة الحالة فى كلماتك
ؤبنا يحميك
تسلم إيدك

شيرين يقول...

الكلمات رقيقة وحلوة
تحياتي