BLOGGER TEMPLATES AND TWITTER BACKGROUNDS »

الأربعاء، ١١ نوفمبر ٢٠٠٩

انا رجعت+ البوست


انا رجعت يا اجمل عيله فى الدنيا
مش قادر اقولكم وحشتونى اد ايه
ولا قادر اقولكم مشتاق اد ايه انى ارجع اتواصل معاكم تانى
بجد بجد نفسى ازوركم واحد واحد اسلم على كل حد كان فاكرنى وانا غايب او حتى مكنتش على باله
وعموما اسيبكم بقى مع بوست العودة


لــــو وحـشـتـك احــضــنـيـنــى

غـمـضـى عـنـيـكـى وشـوفـيـنــــى

افــتـحــى قـلـبـك وشــــوفــــى

جــــوة قــلـبـــك هــاتــــلاقـيــنـــى


عـيـنـى تـبـقـى قــصاد عنيكى

روحــى طـايــرة ودايــبـه فـيـكى

شوق عيونى بشــوق ماليكى

حــضــن قـلـبـــك مـحـتـويــنـــى


مـهـمــا نـبـعـد هـاتـلاقـيـنـــى

راجــع لـسـه الـشـوق مـالـيـنـى

صـورتـى لـسـه جـوة قـلـبــك

صورتــك انـتـى نـنـى عـيـنــــى


عمرى مـاقـدر انـسى قـلـبـك

عـمـرى مـاقـدر الاقــى حـبـــك

عمرى يــا عـمــرى فــداكـى

كل عمرى هاعيشه جـنـبــــــك


قلبى يحلف مش هـاخـونـــك

ايــوا وحـشـتـنــى عـيــونـــــك

لـو وحـشـتـك غـمـضـيـهـــم

هـاتــلاقـيـنــى بـيـن جـفــونـــك


مهما هابعد لـيـكـى راجـــــع

بين ايديكى انـسـى الـمـواجــع

وف عنيكى ف حضن قلبــك

بـنـسـى ايــامـــى وسـنـيــنـــى


د/عمرو فاروق.


مشاهد فى الغردقه 1
بوست جديد
على
اى كلام فاضى معقول

36 التعليقات:

غير معرف يقول...

اوووووووووول تعليق في بوست العوده

اولا حمدالله ع السلامه

ثانيا بوست هايل

تحياتي

مرايتى يقول...

اولا حمد الله على السلامه

ثانيا بوست رائع

تحياتى

حنين الذكريات يقول...

حمدالله على السلامه وياترى فى أجازه ولا رجعت قاهرة المعز وهى الغردقه مفيهاش نت ولا كان شهر عسل متأخر

غير معرف يقول...

د/عمرو فاروق.

عووووود احمد

حمدلله على السلامه يا دكتور

يارب دايما معانا ومش تغيب عننا تانى

يارب تكون بخير يارب

البوست هااااااااااايل

تسلم ايدك

حنين

sweet angel يقول...

السلام عليكم
عوده موفقه يادكتور
رائعه كلماتك
حقا كتابه رائعه
سلمت يمينك
تقبل مروري

romansy يقول...

الله الله الله يا دوك
وانتى وحشتك غمضيهم هتلاقينى بين جفونك

جميل والله يا دوكتور انتى موهوب

يا ارق دكتور

ريمان يقول...

حمد الله ع السلامه يا دكتور

ايه الغيبه دى كلها

بس والله العظيم فاكرينك


بجد البوست جامد اوى

يعنى حضرتك راجع ببوست قوى وجامد اوى


منتظرين بقى زيارتك


اوعى تنسانا


تحياتى لك

حـــلـــم كـــان يقول...

حمد الله ع السلامه

نورت تانى

لا وكمان راجع جامد

بيطرية ومش بايدى يقول...

يا خبر ابيض
وانا بقول البلوجر منور ليه

عشان دكتور عمرو رجع
يا ميت مليون دلشيون حمد الله على السلامة

نورت العيلة يا دوك



تصدق بايه
انت خلاص كده هتقضى على ايمن بهجت قمر
انت دور على ملحن كويس كده
وصوت جميل وانشر اغانيك وشوف ايه اللى هيحصل


اكيد طبعا لقيت الصوت الحلو مش كده


ايوة ايوة بتدور فين انا اهو

ميرسيخ تاكل فسيخ


استنى كده اسمع الشجن

تيررراااااا تيرران تيرررامم دودوم تك تك دومدوم تك تك

دى شفرات الحنجرة الجبارة
:))))))))))))))


حمد الله على السلامة كمان مرة

وكمان مرة حمد الله على السلامة


وكلاكيت اخر مرة حمد الله على السلامة


ومع السلامة
عشان ترتاح شكلك جاى من السفر
وزوارك كتير
ولازمن تضايفهم بقى وكده

هاطير انا بقى
سلاموووووووووووووز

♥نبع الغرام♥♪≈ يقول...

السلام عليكم

ازيك يادكتور
نورت مدونتك من تانى الف مليون حمدالله على سلامتك
وان شاء الله معانا على طول كده ومش تغيب تانى
وكعاداتك راجع بأجمل الكلمات ربنا يوفقك يارب ويكرمك خير
وابقا طمنا عليك
تحياتى
ايناس

Asmaa mahaba يقول...

حمد الله ع السلامه يا عرب:) كلمه خيريه احمد فى ساكن قصادى
انت تغيب تغيب وترجع ببوستات حلوه كدا
مازلت اصر على طلبى بالجاتوه والحاجه الساقعه اللى مشوفنهاش يوم كتب كتابك :)))
:q

غير معرف يقول...

عمرى مـاقـدر انـسى قـلـبـك

عـمـرى مـاقـدر الاقــى حـبـــك

عمرى يــا عـمــرى فــداكـى

كل عمرى هاعيشه جـنـبــــــك

ياااااااه تحفة

بجد دائما مبدع

والله ليك وحشششة كبيرة

الف الحمد لله ع السلامة :)

دمت بالف خير

ليس فقيرا من يحب يقول...

هيييييييييييييييييييه

الدكتور عمرو رجع

الف حمد الله على السلامه

الدنيا نورت من تانى يا دكتره

ومساء الرومانسيه الاحاسيس الراقيه

مش تغيب كده تانى

------ يقول...

حمد لله على السلاااااااااااااااااامة

يااااادكتور

والله والله كنت لسه بفكر فى حضرتك
بقول ايه الغيبة دى

والبوست جامد جدا

ربنا يسعدك ويكرمك
ويرزقك بالذرية الصالحة

ومكان مرة حمد لله على السلامة

(دموع القمر )

قلب امراه يقول...

عزيزي الدكتور فاروق
حمد الله عالسلامه ومبروك على كل حاجه
بوست جميل كما عودتنا دايما
بجد تسلم ايدك على الكلام الحلو
اتمنى اشوفك بخير دايما يا رب
بالسلامه

Soul.o0o.Whisper يقول...

ألف ألف ألف حمدلله ع السلامة يا دكتور

و نورت بيتك و مطرحك :)

و ان شاء الله ماتغبش عننا تانى



و دمت مبدع دائما

شفـقــة و إحســــان يقول...

حمدالله على السلامة
انت كنت فين
عرفت من ناس انك كنت مسافر صحيح؟؟
بس ليه سيبت التدوين هو السفر يمنعنا من بوستاتك واغانيك الجميلة
بجد يا دكتور اوعى تغيب عننا تانى
محدش بيعرف يكتب كلام حلو الا دكتور عمرو فاروق
تحياتى

أميرة الرومانسية يقول...

الف حمد لله علي السلامة يا عمرو
بجد لك وحشة كبيرة اوووووووووووووووووي
اقولك سر اني طول الفترة ديه مكنتش بعرف ادخل اي مدونة حتي مدونتي انا
هههههههههههههههه
وكأن كل المدونات مرتبطة بيك انت
علي العموم بجد حمد لله علي سلامتك وياربت متغبش كتير كدا تاني عنا
وبالنسبة للبوست بجد كلام في منتهي الرقة مش عارفة اقولك ايه بجد علي كم المشاعر والاحاسيس اللي حستها لما قرأت كلامك بجد يا عمرو انا مش عارفة انت بتجيب كل الرقة ديه منين

blue-wave يقول...

فتاة من الصعيد
****************
ميرسى
دايما كدا سباقه:))

blue-wave يقول...

سمسه
****
ميرسى
ربنا يكرمك

blue-wave يقول...

حنين
****
لأ طبعا كان فيها
بس انا كنت فى شغل جوة مستشفى ومكنش عندى وقت اروح سايبرز
ميرسى لإهتمامك

blue-wave يقول...

7aneen
*******
ميرسى يا قمر
تحياتى

blue-wave يقول...

sweet angel
************
ميرسى ليكى
ربنا يكرمك

blue-wave يقول...

romancy
********
ربنا يكرمك يا امير الرومانسيه

blue-wave يقول...

ريمان
*****
وانا اقدر انساكم برضه؟؟
وميرسى على كلامك الجميل دا
وربنا يديم المودة يارب

blue-wave يقول...

حلم كان
********
ميرسى
ربنا يكرمك

blue-wave يقول...

moma 14 15
************
هههههههههههههههههههههههه
يخرب بيت عقلك
انا كنت هاموت من الضحك
انتى مالكيش حل والله
بجد ربنا يكرمك
واكيد طبعا لو هادور على صوت
مش هاجى جنبك خالص:))
لأ طبعا اكيد يهرج
وهوا انا اطول تغنيلى؟:))
ميرسى كمان مرة للترحيب الجامد دا
تحياتى

blue-wave يقول...

ايناس
******
ميرسى
بس مش ناويه تشيلى حكاية الأحزان دى بقى؟؟؟؟؟

blue-wave يقول...

سومه
*****
مفيش فايدة فى طفاستك:))

blue-wave يقول...

نوارة
******
ربنا يكرمك يارب
وتحياتى مليون مرة

blue-wave يقول...

ليس فقيرا من يحب
***************
حااااااااااااااااااضر
من عونيا:))

blue-wave يقول...

همسات على ضوء القمر
*******************
مش عارف مع ان الإسم القديم كان دموع لكن كان عاجبنى اكتر
عموما كله حلو طالما منك
تحياتى

blue-wave يقول...

reem
*****
ميرسى ليكى
ربنا يكرمك يارب

blue-wave يقول...

soul
*****
ربنا يكرمك يارب
تحياتى ليكى

blue-wave يقول...

شفقه واحسان
***********
ربنا يكرمكم على الكلام الجميل دا
بس انا كنت مسافر شغل
محجوز جوة مستشفى بقى اعمل ايه؟؟
محدش بياكلها بالساهل:))

blue-wave يقول...

اميرة الرومانسيه
*****************
من السوبر ماركت اللى تحتنا:))
وانتى كمان ليكى وحشه والله
اتمنى تفضلى دايما بخير