BLOGGER TEMPLATES AND TWITTER BACKGROUNDS »

الأحد، ٦ سبتمبر ٢٠٠٩

وفات النص يا رمضان


وفات النص يا رمضان

ولسه فينا ناس ناسيه

ولسه فينا ناس قاسيه

وفينا ناس محستهاش


وفات النص يا رمضان

ولسه فينا ناس تبعد

وناس مع نفسها بتعند

وفينا ناس ماركعتهاش


وفات النص يا رمضان

وفينا لسه ناس صايمه

لكن لسه النفوس عايمه

وذل التقوى ماوصلهاش


وفات النص يا رمضان

وفينا لسه ناس قايمه

لكن وسط القيام نايمه

خشوع النفس لسه مجاش


وفات النص يا رمضان

وبرنامج ورا مسلسل

عشان كدا تبقى متسلسل

مع البيبسى مع الجلاش


وفات النص يا رمضان

ولسه الناس مع الياميش

لكن تقوى دى ماتلاقيش

ولسه الجاى هايبقى بلاش


وفات النص يا رمضان

مع الأدهم وشرقاوى

وحكايات عيشها وحكاوى

وابليس فرحه مانتاهاش


وفات النص يا رمضان

وفينا لسه ناس غافله

وفينا لسه ناس قافله

مصاحف لسه دورها مجاش


وفات النص يا رمضان

ياترى ممكن نفوق تانى

نركز فى النص التانى

دا رمضان خيرة ما يخلاش


د/عمرو فاروق.


رولا وطونى

بوست جديد

على

اى كلام فاضى معقول

96 التعليقات:

♥نبع الغرام♥♪≈ يقول...

اول تعليق انا وبس نوسه النوسه كونوسه
ههيييييييييييييييييييييييييه

♥نبع الغرام♥♪≈ يقول...

والتانى كمان ياجدعان

يسلام على احتلال الفجر طعمه احلى من الزبادى
ههههههههههههههههه

♥نبع الغرام♥♪≈ يقول...

العب برحتى ما هو مافيش غيرى الوقتى الناس مش فاضيه

اقوم انا بالواجب

هههههههههههههههههه

♥نبع الغرام♥♪≈ يقول...

"وفات النص يا رمضان"

الله الله شكلها كده قصيده حلوة

اروح اشوف وارجع تانى

فووووووووووووووووووووووو

♥نبع الغرام♥♪≈ يقول...

الله عليك يا دكتور بجد كلماتك هايله قوووى

ربنا يكرمك خير يارب ويسعدك ويوفقك

فى البداية احب اقول ان شهر رمضان دة من الشهور العظيمة جدا جدا جدا اللى الواحد بسيتناة من السنة للسنة عشان يغسل ذنوبة ويطهر نفسة
و قد قال رسول الله صلي الله علية وسلم ( رمضان سوق اقيم وانفض ربح فية من ربح وخسر فية من خسر ) صدق رسول الله صلي الله علية وسلم
فا بأختصار شديد نفسي نكون كلنا بكل زميلنا اللى فى الساحة من الرابحين بأذن الله تعالى

♥نبع الغرام♥♪≈ يقول...

( اللهم سلمني الي رمضان وسلم رمضان لي وتسلمه مني متقبلا)

وربنا يهدى الجميع
مودتى

أبو كريم يقول...

تانى تعليق يارب بعد نوسه


جميل قوى

ياترب أهدينا العشره الأواخر خلاص

عاشقه وغلبانه يقول...

الشهر ايامه بتجري
انا فاكره ان امبارح كانت الرؤيه
ربنا يبارك في النص الثاني

------ يقول...

نقول صباح الخير

ونبدأ كدا

بتانى تعليق

بعد انوسة حبيبتى

اكيد طبعا محدش عندوا مانع

وان حد معارض يخاف على نفسوا

------ يقول...

لا خليه التالت

برضو الاستاذ ابو كريم على رأسنا

ومنحبش نزعل حد برضو


رمضان كريم

------ يقول...

ايه الجمال دا يادكتور

دا انا كدا هقفلها

وهقعد ابيع لب وسودانى

ماشاء الله

يسلموا ايديك على الكلام اللى دخل القلب والله

اكيد فيه ناس من اول رمضان صيام وقيام وقرأن ربنا يجزيهم كل خير

وناس بدأت بحماس عاالى وهمتها دلوقت قلت وزهقت

ونااس الله عالم بحالهم ويرحمهم
ولاحتى ركعة ولا ايه يقرأها
من مسلسل لفيلم لبرنامج

بس تعرف مش معنى ان النص فات يبقى الامل خلص
ربنا رحيم غفور

لكن لو عدا بقى نقرأ على روحنا الفاتحة
رغم انفه من ادرك رمضان ولم يغفر له

دا رمضان شهر الرحمة والغفران
لما تسيبه يعدى منك
تضمن منيين انه تانى يرجعلك

ربنا يرحمنا ويهدينا ويغفر لنا
ويجعلنا ممن اعتق رقابهم من النار
اللهم بلغنا ليلة القدر

yasmina يقول...

ايه الجمال دة كله
دة احلى بوست لرمضان كله
يارب الناس تصحى وتفوق
ويارب كمان تفوق من النوم
خلاص رمضان دة بيودع
وكل حاجة حلوة فى حياتهم برضو بتودع
هو رمضان بيفوقهم ولا بينيمهم
الذنب مش ذنبك الذنب عليهم هم
هم اللى عيشنها كلها تليفزيون
ومافكروش حتى يرفعوا سماعة التليفون
ما هى صلة رحم وهناخد ثوابها
لكن المشكلة ان دى فى دماغهم مش فارقة
و اللى كنت بقول عليه فرصة ماتتعوضش
اهو هيعدى كدة زى اى شهر
وارجع اقول من تانى
الكلام اللى لازم يتعاد من تانى
يارب الناس تصحى وتفوق
ويارب كمان تقوم من النوم

yasmina يقول...

بجد وحقيقى الكلام والله اكتر من رائع
دة كفاية العنوان
وبجد يارب الكلام دة ياثر فى الناس
لان فى رمضان دة فرصة ماتتعوضشى
وبرضو هفضل فى الاخر اقول
كل سنة وحضرتك طيب
ورمضان كريم
اه على فكرة والله الكلام دة جه على بالى فاجأة يادوبك قريت البوست الجميل دة وبكتب تعليق عادى والله لئيتها مرة واحدة فتحت معايا
ولاول مرة قدرت اطلع اللى جوايا بشكل كويس
والفضل لحضرتك طبعا
يلا سلام
ورمضان كريم كمان مرة

غير معرف يقول...

والله تذكره جميله للناس

ان الذكرى تنفع المؤمنين

جازاك الله خيرا

غير معرف يقول...

يعود علينا وعليك الايام بخير يا دكتور

كل سنه وانت طيب وبخير

حنين

Pink Dreams يقول...

جميل قوى البوست دا

رمضان فعلا عدى بسرعه قوى

تحياتى

heba يقول...

السلام عليكم ورحمة الله وبركاتة

بصراحة كلمات جميلة بجد وان شاء الله ربنا يعتق رقابنا من النار اللهم امين يارب العالمين ويصلح حال الامة ويهدينا الى الخير

تقبل مرورى

heba

Lady E يقول...

ولسه فينا ناس ناسيه
ولسه فينا ناس قاسيه
وفينا ناس محستهاش

ايه الناس الشوريرة دي :)

ومالو بقى الأدهم؟ (وش مستعد انه يتخانق)

كل الحاجات اللي قولتها موجودة فعلا وفعلا الوقت في رمضان بيعدي في ثانيه

تسلم ايدك على كل القصيدة ما عدا الأدهم

Asmaa mahaba يقول...

وفات رمضان ورا رمضان وعمرناما حنتغير برمضان التغير بيكون قبل رمضان ورمضان دا مجرد تثبيت للتغير وتوبه ومغفره
مينفعشى نتغير والاساس عندنا مش متين يا دك

مي يقول...

وفات النص يا رمضان

وفينا لسه ناس صايمه

لكن لسه النفوس عايمه

وذل التقوى ماوصلهاش

والله انت بجد روووووووووووعة تسلم ايديك بجد عجبتنى جدااااااااااا صورت كل حاجة بنشوفها
ربنا يكرمنا فى رمضان تسلم ايديك
تحياتى يا مبدع

همس الارواح !! يقول...

السلام عليكم

ازيك يا دكتور

عامل ايه يارب تكون دايما بخير ....

البوست بتاع حضرتك جميل .... وياريت رمضان بجد سنه

لانه شهر الخير والقرآن .......

باشكرك بجد على البوست ....

تحياتى وكل سنه وحضرتك بالف خير

blue-wave يقول...

عاشقة الأحزان
*************
ههههههههههههههه
ايه حكاية الزبادى دى؟؟؟
وبعدين طبعا لعبتى براحتك مانا كنت نايم:))
كل سنه وانتى بالف خير

blue-wave يقول...

ابوكريم
*******
ياريت
بس نطولهم

blue-wave يقول...

عاشقة وغلبانه
**************
امين يارب

blue-wave يقول...

دموع القمر
***********
لألألألأ
تقفليها ايه
كدا انا ازعل
ومبسوط ان الكلام عجبك
تحياتى

blue-wave يقول...

yasmina
*********
ايه يا عم الكلام الجامد دا؟؟؟
وبعدين الفضل مش ليا اصلا
الفضل لموهبتك
تحياتى

blue-wave يقول...

فتاة من الصعيد
***************
ربنا يجعلنا من المؤمنين
تحياتى

blue-wave يقول...

7aneen
******
وانتى بالف خير

blue-wave يقول...

pink dreams
************
دى عادته دايما
اياما معدودات

blue-wave يقول...

heba
*****
امين يارب
ومرورك دايما متقبل

blue-wave يقول...

lady e
*******
خلاص
الأدهم براءة علشان خاطرك انتى بس
كل سنه وانتى بالف الف الف خير

blue-wave يقول...

سومه
*****
يا ساتر على الإحباط
طيب ادى فرصه للناس تحاول على الأقل

blue-wave يقول...

مى
***
والله بتحرجينى بكلامك
ربنا يكرمك

blue-wave يقول...

همس الأرواح
***********
اللهم اجعلنا من عتقائك من النار يا كريم
تحياتى

salwa يقول...

السلام عليكم د. عمرو
اكتفي بالقول
استغفر الله انني كنت من الظالمين
سلام

ليس فقيرا من يحب يقول...

السلام عليكم

بوست جميل جدا جدا

فعلا احنا دايما كده معظمنا بيسيب الايام اللى الثواب فيها مضاعف
تتسرب من بين ايدينا
ربنا يحببنا فى كل عمل يقربنا اليه

أميرة الرومانسية يقول...

بجد يا عمرو كلمات معبرة اوي
وفعلا رمضان من افضل واعظم الشهور
ولو فات نصه اكيد لسه فاضل نص تاني ربنا يتقبل منا صالح الاعمال يارب

Maryama Qandil يقول...

كيف الحاااال؟؟؟ يارب كل خير
قد ايه قصيرة بس هاادفة جداً
نااقشت الكثير من مشاكل رمضاان فات النص يا رمضاان فعلا وزياادة
اللهم بلغنا ليلة القدر واجعلنا من المعتوقين من الناار ياارب,,,

دمت بخير
رمضاان كريم

blue-wave يقول...

salwa
******
كلنا هكذا
تحياتى

blue-wave يقول...

ليس فقيرا من يحب
****************
امين يارب

blue-wave يقول...

اميرة الروومانسيه
*****************
يارب نقدر بس نستغل الباقى
وربنا يهدينا جميعا

blue-wave يقول...

amfopad
*********
انا اذكركم واذكر نفسى
تحياتى

غير معرف يقول...

السلام عليكم
بجد كلماتك جميله جدا
كل سنه وانت طيب
*********************
بالنسبه لموضوع مصدر النجاح
انا اقصد امداد النفس بالحب
ودا بينتج عنه الثقه
نورت المدونه بزيارتك
جزاك الله خيرا
في رعاية الله

دكـــــتور جدا يقول...

تسلم ايدك يا دكترة
ورمضان كريم

------ يقول...

دكتووور

ممكن ممكن

لو مافيش مااانع

انى اخطف منك البوست دا فى مشوار كدا

عايزين مننا فى الجرنال فى صفحة الادب حاجة عن رمضان

واكيد مش هلاقى احسن من البوست دا

انا قولتلهم فيه واحد اسمه د/ عمر وكاتب قصيدة حلوة
بلييييييييييييييييز :) :)

------ يقول...

اكيد طبعا مواافق

شكرا شكرا

يادكتووور

:) :) :)

blue-wave يقول...

بنوته
*****
وانتى طيبه
وبالف خير
شكرا للزيارة

blue-wave يقول...

ضكتور جدا
**********
الله اكرم يا باشا

blue-wave يقول...

دموع القمر
***********
اكيد طبعا موافق
بس ابقى قوليلى الجرنال اسمه ايه واجيبه منين
تحياتى

rssamet_algera7 يقول...

ربنا يهدي الجميع

تقبل الله منكم ومنا

احترامـيّ..

ســـــــهــــــــــر يقول...

و فات تلتين
تلت الرحمه و اهو خد معاه تلت المغفره و مش لاحقين
و مش عارفين
تلت العتق هيكفى؟

maioya يقول...

يارب مش نكون منهم
يارب يتقبل منا كل اعمالنا
ويهدي اي حد غافل اللهم أمين

blue-wave يقول...

rssamet elgera78
*****************
امين يارب
تحياتى

blue-wave يقول...

سهر
****
ليلة واحدة تكفى
بس تكون بصدق واخلاص
يارب انت العالم بحالنا
تقبل منا يا ارحم الراحمين
تحياتى

blue-wave يقول...

mioya
******
أللهم امين

death waiter يقول...

its meaning is amazing..

also so nice written...

كرسي أعتراف يقول...

تهت أنا في عالمك هذا ثلاث مرات ...
الأولي: في أي من مدوناتك أقرأ ؟

وعندما أخترت هذه المدونة وبدأت بالقراءة ... تهت في دقة أختيار كلماتك
وكانت هذه الثانية

أما الثالثة ... فكانت عندما دققت في رسالتك التي تريد إرسالها إلينا ... ومدي صدق معناها

سلامي إليك وتقديري
شكرا

miroooo يقول...

ربنا يسترها علينا بجد الكلمات حلوه اوى ربنا يكرمك يارب ويهدينا اجمعين بجد لسه فى ناس كده انا صديقتك جديده واسمى اميره اتمنى تزورنى سلام يا دكتور

رحلتنا في الحياة يقول...

هو فعلا فات النص والناس اغلبها غافلة ولسه غافلين كلمات جميلة تسلم ايديك يادكتور

doaa يقول...

عشان بقالي فترة كبيرة قوي مش بدخل
مكنش أعرف إنك عملت مدونة جديدة وقعدت أدور على مدونتك القديمة يقولي مفيش
لغاية ما انت علقت عندي لقيت نفس الاسم
يارب بجد كل حاجة تبقى جديدة وحلوة وتنسيك أي حاجة قديمة مش حلوة
كل سنة وانت طيب وبألف خير

blue-wave يقول...

death waiter
**************
merci

blue-wave يقول...

كرسى اعتراف
***********
دعينى انا اعترف
انا هذا هو اجمل تعليق وصل الى
تحياتى

blue-wave يقول...

mirooo
********
نورتى المدونه والبلوج كله
تحياتى

blue-wave يقول...

ايوشه
******
ميرسى
ربنا يكرمك

blue-wave يقول...

doaa
*****
معلش انا اسف انى تعبتكم معايا
نورتينى والله

Remas يقول...

ماشاء الله عليك

كلمات حلوة جدا وصح جدا

مدونتك حلوة اوى وكمان المدونة التانية استمتعت بدخولى مدوناتك

وان شاء الله اتابعك باستمرار

تحياتى لك وكل سنة وانت طيب

ريم

blue-wave يقول...

reem
*****
المدونه اتشرفت بوجودك
تحياتى

NilE_QueeN يقول...

انا دايما كده بوصل متاخره

كلامك حقيقي قوي جدا و اثر فيا حسيته بجد

ربنا يعينا على طاعته ويتقبل منا اجمعين

غروب يقول...

الله

عجيتنى جدا يا دكتور

خصوصا اول اتنين كوبليه

بجد من الاخر

ربنا يهدينا ونطلع من الشهر الكريم ده بتوبه جميله

ومغفره باذن الله

تحياتى

mahasen saber يقول...

ياه يا عمرو فينك انا كل ما ادخل على مدونتك القديمه ملقيهاش وفى الاخر دخلت من التعليقات

المهم كل شهر فضيل وانتا بكل صحه وسلام

ويا رب دايما كل ايامك مباركه عليك وعلى كل من تحب

سلامى لمامتك ربنا يباركلك فيها

mosh 3aref يقول...

كلماتك جميله اوووى يا عمر
طب متحاول تشوف مثلا سكه انك توصل الحاجات دى
ولا انت اساسا شغال

وربنا يوفقك يا مان

Hadota ... حدوتة يقول...

فعلا يا دكتور .. رمضان جرى بسرعة اوى
كنا لسه اول امبارح بنبتدى

بس اهم حاجة نكون استفدنا منه وعرفنا نقرب من ربنا

بجد عرفت تعبر بمنتهى الصدق
كل سنة وانت طيب بمناسبة رمضان والعيد
:)


بعتذر طبعا عن طول الغياب
ومتشكرة جدا على تشجيعك .. ولى عودة ان شاء عما قريييييييييب

:)


تحياتى

بنت الاسلام يقول...

رائعة

فعلا الايام جريت بسرعة وكتير مننا مالحقش يعمل فيها حاجة

الحمد لله مش متابعة غير مسلسل واحد بس وبرنامج عمر خالد

وختمت مرة وفي الخاتمة التانية دعواتكم الحق اختمقبل نهاية الشر

ويارب يبارك لنا في الباقي

تحياتي

------ يقول...

ازيك يادكتور

فيينك مستنية زيارتك
وتوقلى رأيك فى البوست الجديد

انا وديت للجرنال

عجبتهم تسلم ايدك :)

انا بتدرب فى جرنال عندنا فى الشرقية
مبيطلعش بره الشرقية اسمه بانوراما اخبار الشرقية

blue-wave يقول...

nile queen
***********
ولا يهمك
المهم انك نورتينى
تحياتى ليكى

blue-wave يقول...

غروب
****
امين يارب
نورتينى

blue-wave يقول...

mahasen saber
**************
اخيرا
اختى المشهورة عبرتنى؟؟؟
كل سنه وانتى بالف خير
وسلامى لبيرو

blue-wave يقول...

mosh 3aqref
***********
انا الحمد لله شغال:)
منورنى

blue-wave يقول...

حدوته
******
انا مبسوط انك اخيرا نورتينى
ويارب دايما
تحياتى

blue-wave يقول...

بنت الإسلام
********
امين يارب
تحياتى

blue-wave يقول...

دموع القمر
***********
مممممممممممممممم
ربنا يوفقك
ونسمع عنك فى المصرى اليوم:))

------ يقول...

ازيك يادكتور

انا بجد مش عارفة اعمل ايه

عايزة ارضى جميع الاطراف بس نفسى اعرف ايه هو العيب

فى اللغة زى ماقال عادل

ولا فى ايه بالظبط

يعنى من رأيك اعمل البوست الجى بالللغة العامية

اصلى احترت

وبعدين اعذرونى انا لسه مبتدئة :)

blue-wave يقول...

دموع القمر
***********
يا ستى انتى بدايتك زى العسل
والحبكه الدراميه موجودة وجميله
كل الفكرة ظبط اللغه
بمعنى
عندك حل من 3
يا اما كلها تمشى عربيه فصحى
يا اما كلها تمشى عاميه
يا اما الأحداث فصحى والحوار عامى بين قوسين
فهمتينى كدا؟؟؟

blue-wave يقول...

دموع القمر
**********
بصى
خدى اللينك دا
دى مدونه قديمه ليا كنت بكتب فيها قصص
لو عندك وقت اقرى فيها ممكن تفيدك

http://hearts-talk.blogspot.com

------ يقول...

بشكرك بجد يادكتور

بس اكيد هقراها بس مش دلوقتى
لانى بخلص شغل كتير للجرنال دعواتك

اكيد اول ماهفضى هشوفها

ثانيا لانى مش هتقن انى اخلى القصة كلها عربى فصيح لانه هيكون ممل

ولا عامى لانى هتخنق ايدى بتاكلنى كدا انى اكتب كلمة فصحى هههه

فهحاول البوست الجاى اخليه الحوار عامى والنص فصحى

تحياتى لك

كيكى عوووووو يقول...

وفات النص يا رمضان

ولسه فينا ناس تبعد

وناس مع نفسها بتعند

وفينا ناس ماركعتهاش
*******************
انا كل دة مستنية البو ست الى بعدة وفات تلت اربع يا رمضان!!!!

mahasen saber يقول...

وانا ااقدر برضه يا دكتور عمرو اتأخر عن زيارتك

بس اعمل ايه يا عمرو مكنتش اعرف ان عنوان مدونتك اتغير وغلبتنى وراها لحد ما لفيتها

هغيرها فى الريدر بئا

رمضان كريم عليك يا دكتورنا الغالى
ويا اخويا الصغير مع انى يدوب فى العشرينات وبشاور عقلى ارجع سنتين كمان لورا

blue-wave يقول...

دموع القمر
***********
خلاص تمام كدا
مستنين الجزء الجاى
تحياتى

blue-wave يقول...

كيكى عووو
***********
ههههههههههه
مفيش فايدة فى رخامتك:))

blue-wave يقول...

mahasen saber
***************
ايه دا؟؟؟
تصدقى اول مرة اعرف انك فى العشرينات؟؟؟
انا فاكرك 17 18 سنه بس:)))
ربنا يخليكى لينا يا اجمل اخت فى عالم التدوين كله
تحياتى لبيرو:))

راهبـة الوادي يقول...

السلام عليكم

سعدت بالزياره
وبوست جميل


ودي

doaa يقول...

لو سمحت يا عمرو تبعتلي الميل بتاعك على الميل عندي
شكرا

kochia يقول...

جميلة جدا
وحقيقية
للاسف

blue-wave يقول...

راهبه الوادى
**************
واسعدتنى انا ايضا بها
تحياتى

blue-wave يقول...

doaa
*****
حاضر
تحت امرك

blue-wave يقول...

kochia
******
فعلا
ميرسى للزيارة بعد غيبه