BLOGGER TEMPLATES AND TWITTER BACKGROUNDS »

الجمعة، ١٤ أغسطس ٢٠٠٩

اختى ولا حبيبتى


أنــــا اللــــى بـخـتــــارهـــولـــــــك

وأنــــا اللــــى بـتـكــلـــم مـعــــــاة

والـلـــه حـــــاجـــــه غـــــريـــبـــه

أنـــــــا اللــــى بنـقـلّـــك هـــــــواة


انــــا اللــى بـسـمـع مـنـه عـنــــك

وانا اللى بحكى بــرضـه عــنـــك

وانـــا اللـى وصـلـتـلــــــه انــــــك

نـفـســــك تـكـونـى يــوم مـعـــــاة


كــان بـيـنـّا حــب قـلــب اخـــــوّه

بقيتى غاليه كأنك اخـتـى بـجــــد

لـحـد مــا فــى ثـــوانـــى هــــــوّه

بــدأ يـكـلـمـنـى كـــلام وبـجــــــد


قـالـى انـه دايـب ايــوة فـيـكــــى

قالى انه عاشق نور عــنـيـــكى

قـالـى انـه نـفـسه يـبـقـى لـيــكى

وحبه ليكى حب زاد عل الـحـــد


ولـمــا قـولـتـيـلـى انــك انــتـــى

كمان موافقه ودايــبـــه فـيـــــه

معرفش ليه زودتى غــيـرتــــى

وقـلـبـى شـوقـه بـيـصـحى فـيــه


نـسـيـت سـاعـتـهـا اخــــوّه بينّا

وبــدأت افـكــر فــى اللـى بـيـنــّا

وازاى بـقـيـنـا اخـــوات وكـنــا

اتـنـيـن حـبـايـب فـيـه الـف لـيــه


الـف لـيـه مـخـنـوقــه جــوايـــا

لـيــه بـحـب وخـنـقـتـى مـن ايــه

وقـلـبـى لـيـه بـيـغـلـى جـوايـــا

هـيــا اخــــوّه بـجـد ولا فيه ايـــه


مـابـقـتـش عــارف انـتـى ايــه

ولا فــى حـيــرتــى اعـمــل ايـــه

هوا انتى اختى ولا حـبـيـبـتــى

مـابـقـتــش تـفـرق مـانـتى لـيـــه


د/عمرو فاروق.


مع البومات الصيف

بوست جديد

على مدونتى الجديدة

اى كلام فاضى معقول

57 التعليقات:

salwa يقول...

السلام عليكم د. عمرو
حسب وجهة نظري لا نستطيع تعميم الحالةو لكن قد يحدث احيانا
المهم ان تكون الاسس سليمة
ادراج رائع جميل شفاف و مفيد
سلام

ليس فقيرا من يحب يقول...

السلام عليكم

ازيك يا دكتور

كل سنه وحضرتك طيب

بس هو الحب ممكن يقلب اخوة ؟؟؟

المهم ان فكرة الكلمات جميله جدا

واحساسها جميل

فى حفظ الله

سمسم/سما يقول...

السلام عليكم
كل سنة وانت طيب
اشعارك حلوة
وكلمات جميلة
وممكن تصيراوي بالدنيا دي
بس اظن انو غلط يكون موقف زي ده
وخصوصا حكاية الكلام
ممكن نحبب الطرف التاني بحد احنا بنحبو وفالاخر نخسرو

مي يقول...

الله عليك يامبدع
ممكن يحصل ده طبعا وانا شفته مع ناس بيكونوا اخوة فعلا ومرة واحدة يكتشفوا انهم بيحبوا بعض وكمان العكس بس مش بيحصل كتير لانه صعب
كلماتك جميلة جدااااااااا
تحياتى يا مبدع

Crazy Nemo يقول...

ازيك يا دكتور عمرو بجد انا مبسوطه اوى انى لقيت المدونه بتاعتك عشان كان بقالى فتره كبيره مدخلتهاش و بعدين سألت عليها عندى و عرفت ان اللينك بتاع المدونه اتغير
ربنا يوفقك و دايما تكون متميز :)

غير معرف يقول...

ازيك يادكتور
انا داخلة اقولك كل عام وانت الى الله
اقرب
ربنا يبلغك رمضان بالف خير
وعلى فكرة ليك سؤال عندى فى المدونة
ياريت تدخل تجاوب عليه
تحياتى

ضحكات الحياة يقول...

السلام عليكم

تحياتى لك يا دكتور عمرو على الكلام الجميل
بس ده اساسا مكنش حب من الطرفين من البداية يمكن كان من طرف واحد بس

دومت مبدعا

نوسه وريمان فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه


وياريت تضيف اللينك عندك ومش هتندم

مودتى

Pink Dreams يقول...

قـالـى انـه دايـب ايــوة فـيـكــــى

قالى انه عاشق نور عــنـيـــكى

قـالـى انـه نـفـسه يـبـقـى لـيــكى

وحبه ليكى حب زاد عل الـحـــد

طبعا كلامك جميل جدا جدا زى ما عودتنا

كل سنه وانت طيب

فراشة يقول...

براحة علينا يا دكتور
الكلام الرائع ده

ماهى دى غلطة اللى يحكى اللى فى قلبه بصراحه
يطلع هو من الموضوع من غير ولا حاجه

تحياتى لك دكتور الحب الرقيق

وكل سنة وانت بخير
رمضان كريم

سلمى يقول...

الكلام جميل ومنسق
وبجد ممكن تكون الحاله دى موجوده وصعبه جدا
دمت فى سعاده

heba يقول...

السلام عليكم اولا

كل سنة وانت طيب بمناسبة شهر رمضان الكريم وينعاد عليك بالخير يارب انت والعائلة

بصراحة كلمات جميلة جداااا وكتير قوى بيعشوها مابيعرفوش قيمة او حقيقة شعورهم غير لما اللى قدمهم بيضيع منهم
للاسف بيكون الوقت اتأخر قوىىى

انا اول مرة ادخل عندك بس توبيك بجد رائع جداااا لانى زى ماقولتلك ناس كتير عايشاهاتقبل مرورى

تحياتى ليك

heba

♥نبع الغرام♥♪≈ يقول...

السلام عليكم

كل سنه وانت طيب

ربنا يكرمك يارب وكلامك كالعاده عسل

مودتى

آه وكفى يقول...

جميييييييييلة
مشكلة صحيح يادكتور والله
بس بجد كتبتاها باسلوب رائع انت فنان بجد جميل اوي

وانا بعتذرلك عن عدم تواجدي بس قلة ادب مني انا عارفة بس سامحني

سندريلا يقول...

السلام عليكم/ انا بقى مريت بالموقف ده وبعد ما كنا اخوات اوى بقينا احباب لكن لما خسرته خسرت اول حاجه الاخ والصديق اللى كان هو اقرب شيىء ليا اقرب من نفسى وخسرت احلى وانقى حب فحباتى وندمت على قرار حبى ليه وقولت ياريت كنا بقينا اخوات عشان مش اخسر كده


تحياتى لك/ سندريلا

blue-wave يقول...

salwa
******
ميرسى ليكى
نورتينى

blue-wave يقول...

ليس فقيرا من يحب
***************
اوقات
ولو نها مش بتنفع خااالص
تحياتى

blue-wave يقول...

سمسم
****
صح جدا كلامك
تحياتى

blue-wave يقول...

مى
***
بتحصل فعلا
ميرسى لكلامك

blue-wave يقول...

nefrtiti]
**********
نورتينى بعد غياب والله
ميرسى انك اهتميتى تدورى على مدونتى
ميرسى بجد

blue-wave يقول...

ام مالك
********
ميرسى بجد
وكل عام وانتى بالف خير

blue-wave يقول...

ضحكات الحياة
************
هوا كان من الطرفين
بس مش فى نفس الوقت
تحياتى

blue-wave يقول...

ريمان ونوسه
**********
حااااااااااااااضر:))

blue-wave يقول...

pink dreams
************
وانتى بالف خير

blue-wave يقول...

فراشه
******
ميرسى على كلامك الجميل دا والله
وميرسى لمتابعتك

blue-wave يقول...

سلمى
*****
فعلا
تحياتى لمرورك الكريم

blue-wave يقول...

heba
*****
والله نورتى المدونه فى اول زيارة
واتمنى انها تدوم على طول
تحياتى

blue-wave يقول...

عاشقة الأحزان
************
ميرسى
وانتى بالف خير

blue-wave يقول...

اة وكفى
********
:))
ماتقوليش كدا
انتى بتنورى فى اى وقت تدخلى فيه

blue-wave يقول...

سندريلا
*******
هى دى فعلا المشكله
انك بتخسر حبيبك وبتخسر الصديق كمان
عموما خليكى عارفه ان كل شئ نصيب
حتى الحب والصداقه
كله مكتوب بامر الله تعالى
ف متدايقيش نفسك
واوعى تندمى على حاجه فاتت
لأنك كدا هاتفضلى باصه لورا وعمرك ما هاتشوفى قدام
تحياتى

Maryama Qandil يقول...

كالعادة كلااام جميل منك

كتير اووي تلاقي الي بتعتبره زي اخووك يعتبرك كحبيب وميكونش مدرك كده
وصرااحة يبقى جرح لو الادراك جه متأخر


كل سنة وانت طيب,,,
رمضـــــــان كريم
:)

Asmaa mahaba يقول...

اهو انتوا كدا مبتشوفوش الحاجه غير بعد ما تضيع تفوقوا لنفسكم
وربما كمان تبقى هى محرجه تصرح انك بالنسبالها اكتر من اخ لكن احراجها منك يخليها تبعد عنك وترضى بيه
انا بقى شوفت القصه دى حقيقى قدامى مع صديقتى
وفضل ساكت وهى ساكته وبعد ما اتخطبت عرفت منه انه بيحبها وكنت عارفه مسبقا منه انه بيحبها
طيب وبعدين ولا قبلين عادى لان خلاص هى بقيت مش من حقه وهو كمان مبقاش من حقها
محدش بيفوق بالساهل
والناس بقى فهمها تقيل
بصراحه اول مره اقرا حاجه تستفزنى قوى كدا يمكن لانها بتمس شعور شخصى عندى
احسنت احسنت احسنت
سلام

rssamet_algera7 يقول...

الـف لـيـه مـخـنـوقــه جــوايـــا
لـيــه بـحـب وخـنـقـتـى مـن ايــه
وقـلـبـى لـيـه بـيـغـلـى جـوايـــا
هـيــا اخــــوّه بـجـد ولا فيه ايـــه


????
احاسيس محيرة !!

تحية لقلمك

طيـــ الجنه ــــور يقول...

عاوز تعرف دينك اكتر

وكمان ازاى تكسب ثواب وحسنات فى نفس الوقت

تعالوا زروروا مدونه طــ الجنه ـــور

اللى هدفها زياده الثقافه الدينيه وكمان خدمه الاسلام

عاوزين تعرفوا ازاى تخدموا اسلامكم انتوا كمان وتكسبوا ثواب

تعالوا وهتشوفوا بنفسكوا

blue-wave يقول...

am fopad
*********
وانتى بالف خير
انما اسمك دا معناة ايه؟؟؟

blue-wave يقول...

سومه
*****
وانا مبسوط انها استفزتك
سلام

blue-wave يقول...

rssamet el gera7
*****************
ميرسى
ربنا يكرمك

قلب امراه يقول...

مرحبا د فاروق
الله علبى كلامك الجميل
وصفت الحاله بصوره جميله فعلا
احيانا مش بنكون عارفين احنا بنحب والا لا ؟ والحد الي معنا بيعنيلنا ايه
ربنا يوفقك
ودمت بحب

blue-wave يقول...

reem
*****
ميرسى
ربنا يكرمك

طالبه الفردوس يقول...

السلام عليكم

ندعوكم للانضمام عنا فى حمله لو عرفوه هيحبوه لنصره الحبيب صلى الله عليه وسلم فى ظل التشويه المستمر عليه

ولينصرن الله من ينصره

نسعد بتواجدكم

طالبه الفردوس يقول...
أزال المؤلف هذا التعليق.
Dr Ahmed Said@Black Armor يقول...

عمور الف مبروك المدونة الجديدة وان كانت متاخرة بس اعمل ايه انت ماعدتش عليه بقالك كتير واخبارك انقطعت
عموما وراك وراك
تسلم ايدك كالعادة بوست روعة
كل سنة وانت طيب

Unknown يقول...

انت مسحت مدوناتك القديمه ومسحت معاها مدونة العياده
على فكره انا زعلانه جدا يا عمرو

blue-wave يقول...

black armor
************
معلش يا باشا تاعبك معايا:))

blue-wave يقول...

لماضه
*****
مش انا اللى مسحتها
وعموما انا رجعت مدونه العيادة

Hadota ... حدوتة يقول...

فعلا خلاص .. مفيش لزمة الواحد يتعب نفسه فى التدوير على اجابات مفيش منها لزمة


حلوة اوى الحالة دى
ناس كتير مش بتعرف قيمة الشيء وهو فى ايدها ومش بتفوق الا لما يروح منها وتبتدى تحس انه بقى لحد تانى

وصف متقن لحالة بنشوفها كتير


تحياتى

Unknown يقول...

جيت فى وقتك يا دوك :)

والله الموضوع صعب جدا .. فى احساسه وفى حله
بس مفيش اخوات بيفضلوا اخوات
وللاسف ناس كتير مبتفكرش فى الحاجات دى من الاول .. بتفكر بعد ما الموقف يحصل ويبقى مفيش حلول

كل سنه وحضرتك طيب

blue-wave يقول...

hadota
*******
ميرسى
تسلميلى يارب

blue-wave يقول...

koki
*****
وانتى بالف خير

نـــــور يقول...

كل سنه وانت طيب يادكتور

بيتهيالى الاغنيه دى كنت نزلتها فى مدونتك القديمه

مبروك البلوج الجديده صحيح:)

mira يقول...

ازيك يا عمرو
وكل سنه وانت طيب ويارب يدوم عليك الايام بخير وسعادة
احلى ما فى البوست التنازل والتضحيه
تنازلت عن حبيبه وجعلت احاسيسك ومشاعرك ليها تتحول الى احاسيس اخوة
بس ليه محتار وانت خلاص مختار النهايه
دمت بكل الحب والمودة والسعادة

Romancia يقول...

حلوة اوىىىىى

Romancia يقول...

حلوة اوىىىىى

blue-wave يقول...

نور
****
يا ذاكرتك يا باشا:))
كل سنه وانتى بالف خير

blue-wave يقول...

mira
*****
البطل محتار لأنه فجأة لقى مشاعرة اتلخبطت
تحياتى للمتابعه

blue-wave يقول...

romancia
*********
ميرسىىىى:)

doaa يقول...

إيه يا عم الكلام ده
ياعمرو حرام عليك البوست مؤثر جداً

بس الحب مينفعش يتقلب أي حاجة تاني غير حب وبس ولو بنقول كده فده عشان احنا مضطرين نتعامل بشكل معين